Labarai

Taimakawa gajiyayyu zai kawo yalwar arziki

Published

4 years ago

08/06/2020

Shugaban kungiyar Jama’a tul Da’ awa Al islamiyya, Sulaiman Wada Muhammad ya ce, taimakawa gidan gajiyayyu da masu rangwamen hankali zai kawo zaman lafiya da yalwar arziki a duniya da lahira.

Sulaiman Wada Muhammad ya bayyana hakan ne a yayin wata ziyara ta tallafi da kungiyar ta kaiwa makarantar masu rangwaman gata dake karamar hukumar Wudil a jihar Kano.

Ya na mai cewa, “ziyarar za ta kara mana kwarin gwiwa, domin gashi mu na ganin ‘yan uwan mu ne, amma Allah ya jarabce su da wata lalura, saboda haka zuciyar mu ta kan karye mu tuna cewa babu wanda ba zai iya kamuwa da wannan lalura ta kwakwalwa ba, domin haka bai kamata mu rinka kyamar su ba”. A cewar Sulaiman Wada.

Anasa jawabin, shugaban kula da masu rangwamen hankalin, Muhammad Auwal Ibrahim ya ce,” ma su ziyarar, sun zo ne domin ziyartar wadannan bayin Allah, su ga halin da su ke ciki, kuma wannan ziyara ta kansa su godewa Allah a kan ni’imar da ya basu da kuma cigaba da taimakawa al’umma gajiyayyu”. Inji Muhammad Auwal.

Wakilin mu Nasir Khalid Abubakar ya rawaito cewar, ma su rangwaman hankalin sun nuna godiyar su ga kungiyar a kan tallafin da ta kawo mu su.

Labarai

Ƴan kasuwa ku tsaftace magudanan ruwa bisa gabatowar Damuna – Ƙungiyar Amata ta kasuwar Singa

Published

3 days ago

17/04/2024

Hassan Mamuda Ya'u

An buƙaci ƴan kasuwa da su rinƙa tsaftace tare da gyara magudanan ruwa a cikin kasuwannin su, bisa yadda damuna ke ƙara gabatowa.

Shugaban ƙungiyar Amata reshen kasuwar Singa Alhaji Musa Ibrahim Ɗan gaske, ne ya bukacin hakan a zantawar sa da manema labarai, yayin kaddamar da tsaftace kasuwar da kuma gyara mugudanun ruwan kasuwar.

Alhaji Musa, ya kuma ce ta hanyar tsaftace magudanan ruwan ne za a gujewa kowacce irin ambaliyar ruwa a cikin kasuwanni.

Hangen Dala

Yau za’a fara Shari’ar Ganduje da gwamnatin Kano

Published

3 days ago

17/04/2024

Ahmad Rabi'u Ja'en

A yau ne babbar kotun jaha mai lamba 4 zata fara sauraron wata sharia wadda gwamnatin kano ta ahigar.

Gwamnatin jahar kano dai ta shigar da karar tsohon gwamnan jahar kano Dr Abdullahi Umar Ganduje da mai dakinsa Hafsat Umar Ganduje da kuma dansu Umar Abdullahi Ganduje da kuma wani kamfani mai suna Lamash da kuma Dr Jibrilla Muhammad.

Gwamnatin jahar kano dai tana zargin Ganduje da wadanna mutane da laifin hada baki da barnatar da dukiyoyin gwamnati.

Cikin zarge-zargen da ake yiwa su Ganduje akwai batun sun sayar da wasu filotai ba bisa ka’ida ba.

Da kuma batun zargin da akewa Ganduje na badakalar karbar dala tun a shekarar 2019.

Yanzu haka an girke jami,an tsaro a harabar sakateriyar Audu Bako inda kuma daga yanzu zuwa kowane lokaci kotun zata fara sauraron korafin kamar yadda wakilinmu Yusuf Nadabo Ismail ya rawaito

Labarai

Ku tallafawa mazauna gidajen gyaran halin dan rage musu raɗaɗin rayuwa – Mallam Ibrahim Bunkure

Published

5 days ago

15/04/2024

Hassan Mamuda Ya'u

Limamin masallacin Salafussaleh dake unguwar Ɗorayi ƙarama a jihar Kano, Mallam Ibrahim Abdullahi Bunkure, ya shawarci al’umma da su ƙara dagewa wajen tallafawa mazauna gidajen ajiya da gyaran hali, da masu buƙata ta musamman, domin rage musu wani raɗaɗin rayuwa na yau da kullum.

Mallam Ibrahim Abdullahi Bunkure, ya bayyana hakan ne yayin da suka tallafawa mazauna gidan gyaran hali na Goron Dutse, da kayayyakin Abinci, da kuma na gidan yara, a wani ɓangare na taya su bikin ƙaramar Sallah, wajen ganin sun samu farin ciki a bukukuwan ƙaramar sallar da aka gudanar.

Ya ce matuƙar masu hali za su rinƙa tallafawa mazauna gidan gyaran halin da abubuwan da suka sawwaƙa, babu makawa za’a rage musu wata damuwa ta yau da kullum.

Wakilinmu Yakubu Ibrahim Dogarai ya rawaito cewa, Mallam Ibrahim Abdullahi Bunkure, ya ce daga cikin kayan abincin da suka kai wa mazauna gidajen akwai Tuwon Sallah, da garin Kwakwaki, da kuma sinadarin Ɗanɗano, da Sukari, domin ragewa mazaunan gidajen wani raɗaɗin rayuwa.