Wasanni
Sarautar gargajiya: Su na da rawar takawa a bangaren wasanni – Ibrahim Madaki
Yariman Kano, Alhaji Lamido Abubakar Bayero ya yi kira ga matasa da su rinka bawa harkokin wasanni muhimmanci ta hanyar da za ta taimaka mu su wajen samun kudi tare da samar ma su da dogaro da kai.
Yariman na Kano, Lamido Abubakar, ya yi wannan kiran ne lokacin da ya kai ziyarar taya murna ga sabon mataki na musamman ga gwamnan jihar Kano kan al’amuran wasanni, Alhaji Ibrahim Mu’azzam Madaki.
Ya ce”Nadin Ibrahim Mu’azzam an ajiye kwarya a gurbinta, duba da irin gudummawar da yake bayarwa a bangaren wasanni da ci gaban matasa ta yadda yake gayyato turawa su na daukar ‘yan wasa a jihar Kano”.
Yariman ya kuma bukaci sabon mataimakin na gwamna ya yi amfani da kwarewar sa wajen kawo ci gaba mai dorewa a bangaren wasanni da ci gaban matasa a jihar Kano.
Da yake martanin sa, Alhaji Ibrahim Mu’azzam Madaki ya godewa Yariman Kano kan ziyarar da ya kawo masa, inda ya bayyana cewa ma su rike da sarautar gargajiya su na da rawar da za su taka, domin kawo ci gaba a bangaren wasanni ta hanyar wayar da kan iyaye yadda za su baiwa ‘ya’yan su shiga harkar ba tare da sun daina karatu ko tarbiyyar su ta lalace ba.
Ya kara da cewa gwamnatij jihar Kano za ta yi aiki kafada da kafada da ma su rike da mukaman gargajiya domin samar da ci gaban da a ke bukata a harkokin wasanni.
Ƙungiyar ƙwallon ƙafa ta Bayer Leverkusen ta zama zakarar gasar Bundesliga ta shekarar 2023/2024, bayan da suka samu nasara a kan Weder Bremen da ci 5-0.
Hakan ne kuma ya kawo ƙarshen shekaru 11 da Bayern Munich, da ta yi tana lashe gasar.
Wannan dai shi ne karo na farko da Bayer Leverkusen suka taɓa lashe gasar a tarihi, ida suka gaza ɗaukar kofin a shekarar 2002 a ranar ƙarshe ta gasar.
Har ila yau, a dai wannan shekarar ne su kayi rashin nasara hannun Shalke 04, a wasan ƙarshe na German Cup Da ci 4-2.
Haka kuma, Real Madrid suka doke su a wasan ƙarshe na zakarun nahiyar turai.
Rahotanni sun bayyana cewa ƙungiyar bata taɓa ɗaukar wata gasa ba a ƙarni na 21, sai bayan da Xavi Alonso ya karɓe su.
Yanzu haka an samu dai-daito da hukumar NPFL, wanda ta amince da bukatar Kano Pillars na dage wasanta na mako na 28, da Enyimba zuwa ranar Alhamis, mai zuwa.
Ƙungiyar ƙwallon ƙafa ta Kano Pillars, ce ta wallafa hakan a shafin ta na Facebook da yammacin Litinin ɗin nan, ta ce ƴan wasan ta za su tashi a gobe Talata, da safe zuwa Aba domin fafata wasannin su.
Idan dai ba’a manta ba ƙungiyar ta wallafa kaɗan daga irin ƙalubalen da take fuskanta a harkokin gudanarwar ta.
Pillars, ta wallafa ƙalubalen ne kamar haka, “A yanzu haka zancan da muke muku Kano Pillars ta rasa kudin da za taje garin Aba, domin buga wasan hamayya na Nigeria Premier league wato Zobia Classic”.
Wasan dai shine wasa mafi ɗaukar hankali a league din Nigeria baki ɗaya, ku taya mu yadawa dan Allah.
Kungiyar kwallon kafa ta Crystal Palace ta sanar da nadin Oliver Glesner a matsayin sabon mai horaswar ta.
Glesner wanda tsohon mai horas da kungiyar kwallon kafa ta Eintracht Frankfurt ne mai shekaru 49 dan asalin kasar Austrian, ya maye gurbin tsohon mai horaswa Roy Hodson, wanda ake ganin ya gaza kai kungiyar ga tudun mun tsira.
A wasanni 16 da Crystal Palace ta buga a bayan nan ta yi rashin nasara a wasanni 10 duk karkashin jagorancin Roy Hodson wanda hakan yasa take mataki na 16 a teburin gasar firimiyar kasar Ingila.
Glesner dai ya rattaba kwantaragi da Palace har na tsawon shekaru biyu, zai kuma jagoranci kungiyar a wasan sa na farko da kungiyar kwallon kafa ta Burnley a ranar Asabar mai kamawa.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su