Ƴan Sandan Zamfara sun cafke ɗan agajin Izala da ake zargin ya yi bidiyon neman a kai hari Jahohin Filato, Enugu.

Hassan Mamuda Ya'u 0 views

Rundunar ’Yan Sandan Jihar Zamfara ta kama dan agajin Izala da ake zargin yayi bidiyon neman a kai hari jihohin Enugu da Filato.

Kafar Arewa Updates ta rawaito cewa, Kwamishinan ’Yan Sandan Jihar Zamfara, A. M. Bello, ne ya bayyana hakan yayin taron manema labarai a ranar Talata, 27 ga Oktoba, 2026.

Ya ce, bidiyon da aka ɗauka ranar Juma'a, 23 ga Oktoba, 2026, ya nuna matashin sanye da kayan agajin Izala tare da ɗaliban makarantun Islamiyya, inda ake zarginsa da rera waƙar da ke ɗauke da kalaman daukar bindigogi domin kai hari kan Kiristoci a Enugu da Jos.

Rundunar ta bayyana sunan wanda ake zargin da Umar Ibrahim Gandi Maradun, inda ta ce shugabannin ƙungiyar Izala sun nesanta kansu daga kalaman da ake zarginsa da yi, tare da kama shi da miƙa shi ga ’yan sanda domin bincike.

Ƴan Sandan Zamfara sun cafke ɗan agajin Izala da ake zargin ya yi bidiyon neman a kai hari Jahohin Filato, Enugu.

Labaran da suka shafi wannan

An zargin wata mata da daɓa wa mijin ta wuƙa kan rikicin waya da kuɗi.

Rundunar Kossap ta cafke matashi bisa zargin satar wayar abokansa da sayar da kayan maye a wajen Maulidi a Kano.

Majalisun dokoki 25 sun amince da ƙudirin kafa ƴansandan Jihohi a Najeriya.