Labarai
Kotu ta tashi karamar hukumar Fagge daga gidana da ta ke haya – Mai Kara
Kotun majistret mai lamba 7, karkashin mai shari’a Muntari Garba Dandago, ta sanya ranar 19 ga watan gobe, domin fara sauraron shaidu a kunshin karar da Nasiru Dantiye ya shigar ya na karar karamar hukumar Fagge.
Mai karar dai ya yi korafi a gaban kotun, a kan ta tursasa wa karamar hukumar ta Fagge, da ta tashi daga gidan sa da take haya a Ashton Road, sakamakon taurin bashi.
Nasiru Dantiye, ya bayyana wa kotun cewar, karamar hukumar ta karya yarjejeniyar da su ka kulla kafin ya ba su hayar gidan sa.
Wani tsohon mai duba sakamakon jarabawar qualifying a jihar Kano ya ce, ana duba gazawar biyawa dalibai kudin jarabawar qualifying ne yayin fitar da sakamako, saboda haka akwai rashin adalci akan lallai sai dalibai sun kawo credit 9
Tsohon mai duba sakamakon jarabawar, ya bayyana hakan ne, a zantawarsa da wakilin mu na ‘yan Zazu, Ibrahim Abdullahi Soron Dinki.
Muna da cikakken rahoton a muryar da ke kasa.
Wasu motoci babba da karama, sun yi taho mu gama akan titin garin Lambu da ke karamar hukumar Tofa a jihar Kano, wanda yayi sanadiyar mutuwar mutane biyu, daya kuma ya jikkata.
Wasu da al’amarin ya faru a gaban idanunsu, sun bayyanawa wakilin mu na ‘yan Zazu , Abubakar Sabo cewar, mai karamar motar ne ya yi a ran hannu, wanda ya janyo faruwar hadarin.
Domin jin cikakken rahoton saurari wannan.
Rundunar ‘yan sandan jihar Kano ta sami nasarar cafke wata mota makare da wasu kayayyakin da ake hada abubuwan fashewa da kuma bindigu kirar AK47 .
Jami’in hulda da jama’a na rundunar, SP Abdullahi Haruna Kiyawa ne ya tabbatar da hakan ga manema labarai, ya ce, sun samu nasarar kama motar kirar Mercedez a unguwar Bubbugaje dake karamar hukumar Kumbotso.
A cewar Kiyawa sun sami rahoran sirri ne akan motar wadda suke zargin an kawo ta daga Jihar Jigawa zuwa Kano makare da irin kayayyakin da suke zargin da sune ake hada abubuwan fashewa domin aikata ta’addanci.
Sanarwar ta kuma ce bayan samun rahotan sirri na kara sowar motar zuwa Kano, jami’an tsaron Puff Adder suka yi wa mator kawanya, wanda hakan yasa mutanan ciki suka tsere suka bar motar a nan.
“Mun samu nasarar gano bindiga kirar AK47 guda biyu da kuma kananan bindigu biyu kirar Pistol tare da alburusai dubu daya da dari takwas”. In ji Kiyawa.
-
Nishadi2 years agoIna neman mijin aure – Rayya
-
Manyan Labarai2 years agoKAROTA: An baiwa Baffa Babba wa’adin kwanaki bakwai
-
Labarai2 years agoAuren dan Panshekara da ba Amurkiya ya samu cikas
-
Nishadi3 years agoMansura Isah ta yi kaca-kaca da Sadiya Haruna
-
Labarai2 years agoHamisu Breaker ya kai kan sa wajen ‘yan sanda
-
Nishadi3 years agoAn gano daliban da Adam Zango ya dauki nauyin karatun su
-
Manyan Labarai2 years agoSabuwar damfarar da ta fito a Kano
-
Manyan Labarai2 years agoBa’amurkiya da masoyin ta sun hada cinkoso a kasuwar Sabon Gari