Connect with us

Manyan Labarai

Da Duminsa: Ghana ta fitar da ‘yan wasa 26 da za su fafata a Qatar

Published

on

Shugaban kungiyar Black Stars ta Ghana, Otto Addo, a ranar Litinin ya bayyana jerin sunayen ‘yan wasa 26 na karshe da za su wakilci kasar a gasar cin kofin duniya na FIFA a kasar Qatar.

Addo ya hada da Thomas Partey na Arsenal, da Iñaki Williams na Athletic Bilbao, da sauran su a cikin tawagar.

Ghana ta na rukunin H a gasar cin kofin duniya ta Qatar 2022 tare da Portugal, Uruguay da Koriya ta Kudu.

Tawagar Ghana a gasar cin kofin duniya:

Masu tsaron gida: Lawrence Ati-Zigi, Abdul Manaf Nurudeen, Ibrahim Danladi.

Masu tsaron baya: Denis Odoi, Alidu Seidu, Tariq Lamptey, Daniel Amartey, Joseph Aidoo, Alexander Djiku, Mohammed Salisu, Abdul Rahman Baba, Gideon Mensah

‘Yan wasan tsakiya: Andre Ayew, Thomas Partey, Mohammed Kudus, Elisha Owusu, Salis Abdul Samed, Daniel Kofi Kyereh, Daniel Afriyie Barnieh, Kamal Sowah, Osman Bukari, Abdul Fatawu Issahaku, Kamaldeen Sulemana

‘Yan wasan gaba gaba: Iñaki Williams, Antoine Semenyo, Jordan Ayew

Manyan Labarai

Zamu yi duk mai yiyuwa wajen samar da ci gaba a Arewacin Kasa – Wazirin Dutse Alhaji Bashir Dalhatu

Published

on

Mai Martaba Sarkin Kano Alhaji Aminu Ado Bayero, ya bukaci kungiyoyin dake rajin kawowa Arewacin kasar nan ci gaba da su hada kansu guri guda, domin kawowa yankin Arewa ci gaba ta kowane bangare domin bunkasa yankin.

Sarkin ya bayyana hakan ne yau Lahadi yayin taron walimar taya Wazirin Dutse Alhaji Bashir Muhammad Dalhatu, murnar nadin da akayi masa na shugaban kwamitin amintattu na kungiyar tuntuba ta Dattawan Arewa wato Arewa Consultative Forum.

Alhaji Aminu Ado Bayero ya kara da cewa bai kamata ace kungiyoyin dake rajin kawowa yankin Arewacin kasar nan ci gaba suna fada da junan su ba, ta hanyar yin sa’insa akan wani maudu’i, domin hakan wata babbar matsala ce ga ci gaban yankin.

Da yake nasa jawabin sabon shugaban kwamitin amintattu na Kungiyar ta Arewa Consultative Forum Wazirin Dutse Alhaji Bashir Muhammad Dalhatu, ya sha alwashin kawowa yankin Arewacin kasar nan ci gaban ta hanyoyi daban-daban.

Alhaji Bashir Dalhatu ya kuma shawarci gwamnatin tarayya da ta dawo da tsohon tsarin nan na sanya masu rike da masarautun gargajiya cikin harkokin samar da tsaro, domin ta haka ne ka dai za’a kawo karshen matsalolin rashin tsaron da yankin Arewacin kasar nan ke fama dashi a halin yanzu.

Wakilinmu Abdulkarim Muhammad Abdulkarim Tukuntawa ya ruwaito cewa, sarakuna daga ko ina a fadin kasar nan da sauran manyan ‘yan kasuwa da masu ruwa da tsaki na gwamnati a matakai daban-daban ne suka halarci taron walimar taya Wazirin Dutse Alhaji Bashir Muhammad Dalhatu sabon nadin da akayi masa, a matsayin sabon shugaban Kwamitin amintattu na Kungiyar Tuntuba ta Dattawan Arewa.

Continue Reading

Ilimi

Za’a daga likafar BMC zuwa Diploma – Gwamnatin Kano

Published

on

Gwamnatin Kano tace nan bada jimawa ba za’a daga likafar makarantar koyon aikin jarida a matakin farko wato BMC ta Goron Dutse zuwa tsarin Diploma.

Mataimakin gwamnan Kano Kwamred Aminu Abdussalam ne ya tabbatar da hakan lokacin da yake jawabi a wurin taron da kungiyar tsaffin daliban makarantar suka shirya.

Kwamred Aminu Abdussalam ya kuma ce nan bada jimawa ba makarantar za’a daga matsayin karatun daga Certificate zuwa Diploma, kamar yadda makarantar ta bukata.

Kazalika yace gwamnatin Kano za ta cigaba da lura da dukkanin kayan koyo da koyarwa har ma da ababen hawa na hukumar ilimin manya ta Kano, wato Agency for mass Education wadda a cikin ta ake karatun na jarida.

Taron dai wanda shi ne karo na farko da gamayyar kungiyar daliban ta shirya tun bayan kafuwar makarantar shekaru 38 da ta gabata, ya samu halartar manyan jami’an gwamnati da suka haɗar da Kwamishinan ilimi na Kano da Kwamishinan yada labarai da kwamishiniyar mata da mai baiwa gqamna shawara kan harkokin yada labarai.

Kazalika taron ya samu halartar Sarkin Kano Alhaji Aminu Ado Bayero da tsaffin malaman makarantar da kuma shugabannin kafafen yada labarai na Kano.

A yayin taron dai shugaban kungiyar taaffin daliban Ismaila Ammai me Zare ya kaddamar da wani tsari na tallafawa makarantar da abin zama mai taken ( ka dawo da kujerar ka ).

Continue Reading

Manyan Labarai

Zamu sa kulle shafin duk dan Tik-Tok da ke yada badala a Kano – Hukumar Hisbah

Published

on

Hukumar Hisbah ta jihar Kano ta ce yanzu haka ta shirya tsaf wajen sanyawa a kulle shafukan duk wasu ‘yan Tik-Tok din da suke yada badala.

Shugaban hukumar Hisbar na Kano Shekih Aminu Ibrahim Daurawa, ne ya bayyana hakan ta cikin shirin Mahangar Zamani, na BBC Hausa.

Daurawa ya ce yanzu haka an zakulo shafuka 70 a Tik-Tok wadanda ake sanyawa idanu akan su, inda duk wanda aka samu da laifin yada badala shafin nasa ka shiga shiga cikin jerin mutanen da za’a kullewa shafin na Tik-Tok.

Wannan dai na zuwa ne bayan da hukumar Hisbar a baya-bayan nan ta yi dirar mikiya akan wasu masu amfani da shafin na Tik-Tok, wanda har ma ta gurfanar da su a gaban Kotu.

Dala FM Kano ta rawaito kamen dai da hukumae ta rinka yi a baya kama daga ‘yan Tik-Tok zuwa kuma cikin Hotal-hotal ya janyo cece-kuce a tsakanin al’umma musamman ma a shafukan sada zumunta.

Kuma daga cikin wadanda hukumar ta gurfanar a kotun akwai ‘yar Tik-Tok din nan Murja Ibrahim Kunya, da Ramlat Princesss, da dai sauransu, wadanda ta gurfanar da su bisa tuhumarsu da laifin yada badala.

Continue Reading

Trending