Connect with us

Labarai

Gwamnati za ta dauki mataki kan duk wanda ta samu da cin zarafin dan jarida

Published

on

Gwamnatin jihar Kano ta ce za ta dauki mataki kan duk wanda ta samu da cin zarafin dan Jarida, duba da muhimmancin aikin na manema labarai a fannin cigaba, Isar da sako da kuma bayar da gudunmawa wajen tsaro a fadin jihar Kano da kasa baki daya.

Kwamishinan ma’aikatar yada labarai na Jihar Kano malam Muhammad Garba, ya bayana haka lokacin da tawagar shugabanin tashoshin Freedom Radio Kano, Jigawa da Kaduna da kuma Dala Fm Kano suka ziyarce shi, karkashin jagorancin manajan daraktan tashoshin Malam Abbas Dalhatu.

Yayin ziyarar taya murna ga Kwamishinan yada labaran, Ya ce akwai kyakkyawar alaka tsakanin gwamnatin Kano da manema labarai.

Dan haka gwamnati za tayi duk abinda ya kamata wajen ciyar da jihar dama ‘yan jarida gaba.

A nasa jawabin manajan maraktan tashoshin Freedom da Dala Fm Kano, Malam Abbas Dalhatu, ya ce makasudin ziyarar shi ne taya kwamishinan murna tare da bayar da shawara kan yadda za a samu nasarar aikin da aka sa gaba dan bunkasa jihar Kano.

Wakilinmu Abba Isah Muhammad, ya ruwaito kwamishinan na cewa kofa abude take don yin aiki tare da kafafen yada labarai matukar abinda zai kawo cigaban jihar Kano ne ko kasa baki daya.

 

Labarai

Corona: A yi maka gwaji idan ka kusance ni a kwanannan – Amitabh Batchchan

Published

on

Fitaccen jarumin masana’antar Bollywood a kasar Indiya, Amitabh Bachchan, ya kamu da cutar Corona bayan gwaji da a ka yi masa a yau Asabar.

Jarumin wanda ya dade ya na shura a masana’antar ya tabbatar da hakan ne a shafin sa na Tiwitter cewa bayan gwaji da a ka yi masa an tabbatar masa ya kamu da cutar Covid-19.

Ya ce” Yanzu haka iyalai na da kuma ma’aikata na dukan su an yi mu su gwajin cutar, kawai sakamako mu ke jira. Kuma ina kira ga duk wanda ya yi mu’amala da ni cikin kwanaki 10 da su ka wuce ya je a yi masa gwajin cutar”. A cewar Amitabh.

Yanzu haka dai an kulle Bengaluru da kuma wasu yankunan tun daga karfe 8 na safe har zuwa biyar na yamma wanda dokar za ta fara aiki a ranar 14 zuwa 22 ga watan da mu ke ciki, saboda barkewar cutar da a ka samu.

Wasu daga cikin abokan san a cikin shafin san a Twitter tuni su ka rinka yi wa jarumin fatan samun lafiya cikin gaggawa.

Continue Reading

Labarai

Ku tsarkake harshen ku daga jefa kai ga halaka – Shauki Harazimi

Published

on

Na’ibin masallacin juma’a na Aramma Abubakar Dan Tsakuwa dake unguwar Ja’en Yamma (B) a karamar hukumar Gwale a jihar Kano, Mallam Muhammad Sabi’u Musa (Shauki Harazimi), ya yi kira ga al’ummar musulmai da su kara tsarkake harshen su, domin gudun jefa kai ga halaka.

Mallam Muhammad Sab’iu yayi kiran ne jim kadan bayan kammala sallar Juma’a wanda hudubar da ya jagoranta ta fi mayar da hankali a kan fadin alkhairi ko kuma yin shiru.

Ya na mai cewa” Matukar al’umma za su rinka tsarkake harshen su a yayin da za su yi magana, babu shakka za su kara gujewa fadawa cikin halin da na sa ni a rayuwar su. Al’umma su kara kusanci da yin zikiran Manzon Allah (S.A.W) a mai makon su rinka zantukan wasu su na mu su kage wanda hakan zai iya jefa mutum ga halaka.

Wakilin mu rawaito cewa, Mallam Muhammad Sabi’u Musa ya kuma ce matukar al’umma su ka ga abu idan sun yadda da shi zai iya haifar da matsala ko da kuwa ya faru, toh su yi shiru saboda gudun tashin fitina a tsakanin su.

Continue Reading

Labarai

Wajibi ne al’umma su san rukunan musulunci – Liman

Published

on

Limamin masallacin juma’a na Haruna Tahir da ke unguwar Gyadi-Gyadi, Malam Muhammad Lawan Musa ya ce, wajibi ne ga musulmi ya san rukunan musulunci da kuma imani guda shida.

Limamin ya bayyana hakan ne a hudubar sa ta yau juma’a da ya gudanar a masallacin.

Ya na mai cewa, “Musulmi ya san a kan abun da ya ke dogaro, kada ya dogara ga wanin Allah ya dogara da Allah, kuma ya san sharuddan da Allah ya dora masa, zai tafi a kan su. Ya yi imani da Allah, ya tsayar da sallah ya bada zakka, ya je aikin hajji, sannan ya yi azumin watan ramadana yadda shari’a ta nuna, sai kuma imani da Mala’iku da Manzanni, da Litattafai da ranar alkiyama, da kuma kaddara mai kyau da mara kyau”.

Ya kara da cewa, “Da yawa wani idan kaddarar ta same shi baya fawwala al’amarin sa zuwa ga Allah, sai ya danganta shi da wani. Kuma yin da’awa al’amari ne mai muhimmanci ga al’umma”. Inji Malam Muhammad Lawan.

Wakilin mu Abubakar Sabo ya rawaito cewa, Malam Muhammad Lawan Musa ya kuma yi kira ga al’umma da su ji tsoron Allah, su bibiyi shari’ar Allah kuma su yi imani da ita, sannan su aika ta su, da haka za’a samu tsira duniya da lahira.

Continue Reading

Trending

error: Content is protected !!
en_USEnglish
en_USEnglish