Connect with us

Labarai

KANO: Fiye da kaso biyu cikin dari na yara na dauke da cutar sikila

Published

on

Babban kwamishinan jihar kano a hukumar kidaya ta kasa Dr. Isma’il Lawan Sulaiman ya ce kididdigar da hukumar da hadin gwiwar ma’aikatar lafiya ta tarayya suka gudanar a shekarar 2018 ya nuna cewa ko wadanne yara biyu ‘yan kasa da shekaru biyar daga cikin dari a jihohin Kano da Legas da Ogun da Kogi da Taraba da Osun suna dauke da cutar sikila.

Dr. Isma’il Lawan ya bayyana hakanne a ganawarsa da gidan radyon dala yayin taron kaddamar da binciken wanda ya gudana yau a jihar Kano.

Ya kuma ce makasudin binciken shi ne gano matsalolin lafiya a tsakanin al’ummar Najeriya ta yadda gwamnati za ta yi amfani da bayanan wajen daukar mataki.

Ya kuma kara da cewa daga cikin bangarorin da suke bukatar kara jajircewa daga gwamnati akwai yadda kididdigar ta nuna cewa mata masu ciki 514 ne suke mutuwa a lokacin haihuwa daga cikin mata 100,000 a duk fadin Najeriya.

Wakilinmu Ibrahim Abdullahi Sorondinki ya rawaito cewa wannan shi ne karo na biyar da hukumomin lafiya ta gudanar da wannan binciken.

Continue Reading
Click to comment

You must be logged in to post a comment Login

Leave a Reply

Labarai

Kotu zata yanke hukunci kan tsofafin shugabannin karamar hukumar Warawa

Published

on

Kotu ta sanya ranar yanke hukunci kan tsofafin shugabannin karamar hukumar Warawa da ake zargi da aikata ba dai-dai ba.

Kotun majistret mai lamba 15 karkashin mai Sharia Muntari Garba Dandago ta sanya ranar 16 ga watan gobe dan zartas da hukunci a kunshin tuhumar da ‘yansanda suke yiwa tsofafin shugabaninn karamar hukumar Warawa.

Wadand ake tuhuma sun hada  Ibrahim Abdullahi da Shehu Shazali wadanda ake zargi da lefin hada baki da yunkurin tayar da hankali da kuma lefin buga takardun jabu dangane da gonakin manoma na yankin katarkawa.

Wajibi ne bin umarnin kotu idan har ta bayar da umarni- Lauya

Kotu ta dakatar da Ganduje daga sabuwar dokar majalisar masarautar Kano

Buhari yayi nasara a kotun Koli.

wakilin mu  Yusuf Nadabo ya rawaito cewar, sai dai a yayin da ake karanta kunshin tuhumar dukkanin su, sun musanta zargin.

 

Continue Reading

Labarai

Ana zargin matashi da aikata kisan kai

Published

on

Kotun majistret mai lamba 58 karkashin mai shari’a Zubairu Inuwa ta aike da wani matashi gidan gyaran hali.

‘yan sanda sun gurfanar da matashin mai suna Felix Abah wanda ake tuhumar sa da aikata kisan kai.

Kunshin tuhumar ya bayyana cewar tun a ranar 6/4/2017 Felix ya gayyaci wani mai koyar da tukin mota mai suna Sani Abbas dan ya koya masa mota, amma daga karshe sai ya hallakashi ya gudu da motar ya sayar da ita miliyan daya da dubu dari bakwai.

A karshe kuma ya mika kansa caji ofis yayi ikirari a gaban ‘yansanda cewar shine ya hallaka Sani.

Kotun ta sanya ranar 10/1/2020 dan jiran shawararar lauyoyin gwamnati.

Wakilinmu yusuf Nadabo Ismail ya zanta da mahaifiyar Sani wadda tace tun lokacin da aka kashe sani bata da kwanciyar hankali.

Shima Felix ya bayyana cewar ya mika kansa caji ofis ne sakamakon rashin nutsuwar da ya shiga tun lokacin da yayi kisan.

Continue Reading

Labarai

DW ta baiwa Freedom Radio sabbin Babura don inganta ayyukansu

Published

on

Shugaban sashin hausa na gidan radion DW Thomas Mosh, ya ce kyautata alaka tsakanin kafafen yada labarai na duniya zai kawo cigaba ta fannin aikin jarida.

Thomas Mosh, ya bayana hakan ne lokacin da yake mika makullin babura masu kafa biyu, guda hudu ga janar manajan gungun rukunin tashoshin Freedom Radio da yammacin Yau alhamis, a shelkwatar Freedom Radio dake unguwar Sharada a birnin Kano.

Moshe, ya kara da cewar DW ta bayar da baburan ne ga Freedom Radiyo Kaduna dan kara zaburar da ma’aikatanta musamman sashin wasanni.

Da yake nasa jawabin bayan karbar baburan janar manaja, na Freedom Radio Malam Adamu Isma’ila Garki, cewa yayi hakan zai kara inganta aikin tashar kasancewar dama akwai yarjejeniyar aiki tare.

Wakilinmu Abba Isah Muhammad, ya ruwaito cewa hukumar gudanarwa ta Freedom Radio da Dala Fm Kano sun mika Kyauta ga shugaban sashin hausan na tashar DW, haka kuma shugaban tashar Freedom Radio Kano Malam Ado Saidu Warawa, da na Dala Fm Kano Ahmad Garzali Yakubu, da sauran shugabanni na daga cikin wadanda suka kasance a gurin taron.

 

Continue Reading

Trending

en_USEnglish
en_USEnglish