Connect with us

Manyan Labarai

Tinubu da Shettima za su karawa Buhari nasarori a shekaru 7 – Kungiyar Gwamnonin APC

Published

on

Gwamnonin jam’iyyar APC, sun ziyarci shugaban kasa Muhammadu Buhari a garin Daura na jihar Katsina.

Gwamnonin bayan isar su gidan shugaban sun shiga ganawar sirri.

Gwamnonin APC bayan ganawarsu da Buhari, sun yabawa dan takarar shugaban kasa, Bola Tinubu kan zaben tsohon gwamnan jihar Borno, Kassim Shettima a matsayin abokin takararsa a zaben 2023.

Gwamnonin da suka ziyarci shugaba Buhari a ranar Litinin sun hada da, Aminu Masari na jihar Katsina, Abdullahi Ganduje na jihar Kano, Atiku Bagudu na jihar Kebbi, Abubakar Bello na jihar Neja, Hope Uzodimma na jihar Imo, Kayode Fayemi na jihar Ekiti, Simon Lalong na jihar Filato. Jiha da Abdullahi Sule na jihar Nasarawa.

Gwamnan jihar Kebbi, Bagudu, yayin da yake jawabi bayan taron, ya ce, shugabancin Tinubu da Shettima zai karawa shugaba Buhari nasarori a cikin shekaru bakwai da suka gabata.

Ya kuma bayyana cewa, jam’iyya mai mulki na aiki tukuru domin ganin ta lashe zaben gwamna da ke tafe a jihar Osun.

Gwamna Uzodinma a nasa bangaren ya bayyana zaben Shettima a matsayin dan takarar mataimakin shugaban kasa na jam’iyyar a matsayin shawarar gamayya.

Gwamnan jihar Imo ya ci gaba da cewa, gwamnonin APC ashirin da biyu za su kai jihohin su a zaben 2023 mai zuwa.

Labarai

Za mu ci gaba da karɓar tsofaffin kuɗi a Singa har nan da kwanaki 2 – Habibu Fantiya

Published

on

Wani ɗan kasuwa dake kasuwar Singa a jihar Kano ya ce, Alhaji Habibu Yusuf Abdullahi Fantiyahar zuwa nan da kwanaki biyu za su ci gaba da karbar kudade a shagunansu, sai dai idan bankuna sun yi musu barazanar daina karbar tsofaffin kudi za su dakata.

Alhaji Habibu Yusuf Abdullahi Fantiya, ya bayyana hakan ne a zantawarsa da wakilin mu na ‘yan Zazu, Abubakar Sabo, yana mai cewar, al’umma daga garuruwa daban-daban sun shigo kasuwar, idan suka daina karɓar tsofaffin kuɗi za a cutar da su.

Akwai cikakken rahoton a muryar da ke kasa.

Continue Reading

Manyan Labarai

Majalisar dattijai ta bukaci CBN ya Kara wa’adin amfani da tsaffin kudi

Published

on

Mako guda gabanin daina amfanin da tsaffin takardun kudaden naira 200 da 500 da Kuma 1000, majalisar dattawan Kasar nan ta bukaci Babban bankin kasa CBN da ya Kara wa’adin har zuwa 30 ga watan Yuni.

Cikin wani kudiri da sanata Sadik Suleman daga Jihar kwara ya gabatar a zaman majalisar na wannan rana.

Majalisar ta bukaci CBN da ya tsawaita lokacin har zuwa watanni 6 masu zuwa.

Majalisar ta kafa hujja da yanayin tattalin arzikin kasa, da Kuma korafe korafen jama’a, a don haka ta bukaci CBN da ya tsawaita lokacin amfanin da tsaffin kudin har zuwa 30 ga watan Yuni.

Batun sauyin takardun kudin dai na cigaba da samun mabanbantan ra’ayoyi daga ‘yan Nigeria, koda dai a baya bayan cikin wata tattaunawa da akayi da shugaban kasa Muhammadu Buhari, yace ” batun sauyin takardun kudin ba gudu ba ja da baya.

Continue Reading

Manyan Labarai

Na sauke nauyin da ‘yan Nigeria suka dora min – Buhari

Published

on

Shugaba Buhari

Shugaba Muhammadu Buhari ya ce ya mulki Najeriya da iyakar ƙokarinsa, inda ya ce bai ba wa ‘yan ƙasar kunya ba.

Shugaban wanda ya je jihar Bauchi a cigaba da ƴaƙin neman zaɓen jam’iyyar APC na shugaban ƙasa da kuma na gwamna, ya bayyana hakane lokacin da ya kai ziyara gidan Sarkin Bauchi, Dakta Rilwanu Suleiman Adamu.

Buhari ya ce dubban mutane da suke fitowa su tarbe shi a duk inda ya je hakan na nuna ƙarara irin soyayyar da ake masa.

Ina so na faɗa cewa tsakanin 2003 zuwa 2011, na kai ziyara dukkanin ƙananan hukumomin Najeriya, sannan a 2019, lokacin da nake neman sake komawa kan mulki ƙaro na biyu, na ziyarci dukkanin jihohi a faɗin ƙasar, mutanen da naga sun fito tarba ta, abu ne da ba zan iya misaltawa ba saboda dandazonsu, a lokacin na yi alkawarin mulkar Najeriya da ‘yan Najeriya da iyaƙar ƙokarina kuma zuwa yanzu na san na yi ƙokari,” in ji shugaban.

Tun da farko a jawabinsa, Sarkin Bauchi, Dakta Rilwanu Suleiman, ya ce abu mai kyau ne idan shugabannin siyasa suka nuna girmamawa ga Sarakuna da kuma masarautu ta hanyar kai musu ziyara.

Ya godewa shugaba Buhari kan irin ci gaban da gwamnatinsa ta kawo a Bauchi, inda ya ce aikin haƙo man fetur na Kolmani, wani bu ne da ‘yan jihar da ma arewa maso gabas ba za su manta ba.

Continue Reading

Trending