Manyan Labarai
Wani matashi ya shafe sama da awa 5 sannan aka cire masa Addar da masu kilisa suka sara masa a cikin kan sa a Kano
Wani matashi ya tsallake rijiya da baya, bayan da wasu masu Kilisa suka sareshi a kan sa da wata tsohuwar Adda, lamarin da tama ƙi fita daga cikin kan nasa a lokacin.
Al’amarin ya faru ne a yankin Mandawari daura da Tal’udu, a dai-dai lokacin da wasu masu Kilisa suka zo wucewa, shi kuma matashin suna kan babur din su mai kafa biyu da abokin
tafiyar sa, bayan da masu kilisar suka kai kora ne suka sari matashin da Addar a kansa inda ta makale aka kasa cireta har sai da ta dangana da wajen likitoci a asibiti.
Mahaifin matashin mai suna Mannir Hamza, ya ce sai da ɗan nasa ya shafe awanni sama da biyar gabanin a samu nasarar cire addar da masu kilisar suka sara masa a tsakiyar kan sa.
“Ina kira ga gwamnan Kano Injiniya Abba Kabir Yusif, da kwamishinan ‘yan sandan jihar, da dukkanin masu ruwa da tsaki a harkar tsaro, da suyi abinda ya dace wajen kara ɗaɓɓaƙa dokar nan da ta hana kilisa, duba da yadda hakan ke barazana ga tsaro da rayukan al’umma a Kano, “in ji shi”.
A zantawar mahaifiyar matashin da Dala FM Kano, ta ce al’amarin ya matuƙar tayar mata da hankali domin bata taɓa ganin tashin hankali makamancin hakan ba, amma dai an sallame su daga asibitin koyarwa na Malam Aminu Kano, bayan da tuni aka yi wa ɗan nasu aiki har ma ya fara samun sauƙi.
Matar ta ƙara da cewa, ba’a samu nasarar kama waɗanda suka aikatawa ɗan nasu rashin imanin ba, su dai kawai suna Gida aka sanar da su faruwar lamarin inda suka same shi a asibitin Murtala da ke Kano, inda suka tura su na Aminu Kano, wanda a can ne aka samu nasarar ciro Addar daga kan nasa.
Dama dai daɗɗiyar doka ce kan hana kilisa a faɗin jihar Kano, sai dai kuma
a iya cewa wasu matasa yanzu haka sun bijirewa dokar lamarin da hakan kan ƙara haifar da barazanar tsaro da rayukan al’umma.
Wani mazaunin ƙofar Na’isa wanda ya buƙaci a sakaye sunansa, ya ce faɗan dabar da ya ƙi ci ya ƙi cinyewa a yankin da Ɗan Agundi, laifin iyaye ne, da kuma wasu manya a unguwannin da ake zargin suna goya musu baya ta hanyar daƙile yunƙurin hukumomi na ɗaukar doka a kansu.
Mutumin ya bayyana hakan ne yayin zantawar sa da gidan rediyon Dala FM, biyo bayan yadda rikicin faɗan dabar ya sake ɓarkewa a unguwannin a Alhamis ɗin nan, al’amarin da ya janyo asarar dukiyoyin al’umma a yankunan.
Ya ce lamarin ya faro ne tun a lokacin bikin ƙaramar Sallah, lamarin da a baya ƙura ta lafa, sai dai kuma a ranar Alhamis ɗin sai gashi an sake samun faɗan dabar.
A cewar sa, “A lokacin faɗan dabar ya faru an Sassari mutane da dama, hatta Saniya ma ba ta tsira ba sai da aka sareta, tare da fasa gilasan ababen hawan Mutane, “in ji shi”.
Sa dai mutumin ya ce, tuni jami’an tsaron Ƴan Sanda, suka kai ɗauki tare da kwantar da tarzoma, lamarin da ƙurar ta lafa.
Hukumar kula da zirgar-zirgar ababen Hawa ta jihar Kano, KAROTA, ta ce ba za ta lamunta da yadda ake yawan kai wa jami’anta farmaki ba, na ba gaira babu dalili yayin da suke gudanar da ayyukan su.
Shugaban Hukumar KAROTA, a Kano, Injiniya Faisal Mahmud Kabir, ne ya yi wannan gargaɗin ta cikin sanarwar da kakakin hukumar Abubakar Ibrahim Sharada ya aikowa tashar Dala FM Kano, a ranar Laraba 09 ga watan Afrilun 2025.
“Hakan na zuwa ne biyo bayan wani mummunan hari da wasu mutane da ke cikin baburin Adai-daita sahu suka kai wa jami’an na mu yayin da suke tsaka da aikinsu a titin da ke dab da gidan Buhari kan hanyar zuwa Gidan Zoo, “in ji shi“.
Sanarwar ta ce, tunda farko an tsayar da wani mai baburin Adai-daita Sahu ne inda yaƙi tsayawa, sai kawai aka hango mai ɗan sahun ya naushi jami’in karotar.
Sai dai a ta bakin Shugaban kungiyar ‘Yan Adai-daita Sahu a jihar Kano, ya ce waɗannan mutane ba halattattun ‘Yan Adai-daita Sahu ba ne, sun dai fake da sana’ar su dan aikata ta’addanci.
Daga bisani dai jami’n hulɗa da jama’a na Hukumar Koratar, Abubakar Ibrahim Sharada, ya ce hukumar za ta ɗauki tsattsauran mataki akan lamarin, don kare afkuwar irin hakan a gaba.
Hukumar ta ce duk wanda ya ga faruwar wani abu da ya shafe ta, ko kuma ƙorafe-ƙorafe, zai iya kiran waɗannan lambobin domin sanar da ita, da suka haɗar da 09015709449 ko 08059689422 ko kuma 08067311520.
Ƙungiyar sintirin Bijilante ta ƙasa reshen jihar Kano, ƙarƙashin jagorancin kwamandan ta Ubale Barau Muhammad Badawa, ta tabbatar da rasuwar guda daga cikin jami’in ta mai suna Suraj Rabi’u mazaunin Jaba da ke ƙaramar hukumar Fagge a jihar, sakamakon arangama da ƴan Daba.
Mai magana da yawun ƙungiyar Bijilante na jihar Kano, kuma Kwamandan ta na ƙaramar hukumar Fagge, Usman Muhammad Ɗan Daji, shi ne ya bayyana hakan ta cikin wani saƙon murya da ya aikowa Dala FM Kano a ranar Lahadi.a
“Jami’in Bijilanten namu ya rasa ran nasa ne sakamakon arangama da suka yi da wasu Ƴan Daba yayin gudanar aikinsu a ranar Idin ƙaramar Sallah, inda ƴan dabar suka soke shi da Ɗanbida a Ƙirji da bayansa, wanda ya yi sanadiyar rasuwarsa, “in ji Usman”.
Ya kuma ce, an kama ɗaya daga cikin waɗanda ake zargi mai suna Usman Sharif mazaunin ƙaramar hukumar Dala, kuma tuni aka miƙa shi hannun jami’an tsaro.
Usman Ɗan daji, ya kuma yi addu’ar Allah ya jiƙan jami’in nasu ya gafarta masa.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya3 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su