Labarai
Ɗora waɗanda suka dace muƙamai a fagen tsaro zai taimaka wajen magance matsalar – Masanin Tsaro
Guda daga cikin masana harkokin tsaro a ƙasar nan Janar Ibrahim Sani mai ritaya, ya ce akwai buƙatar shugabanni su rinƙa ɗora waɗanda suka dace akan muƙamai daban-daban, musamman ma a fagen tsaro, domin ta haka ne za’a rinƙa magance matsalar tsaron da ake fama da ita a faɗin ƙasa.
Janar Ibrahim Sani mai ritaya ya bayyana hakan ne yayin zantwar da gidan rediyon Dala FM Kano.
Ya ce matuƙar shugabanni a ƙasar nan za su rinƙa ɗora waɗana suka dace muƙamai musamman ma a fagen tsaro, ta hakan ne za’a rinƙa magance matsalar tsaron da ake fama da ita a ƙasar nan.
Ya kuma soki lamirin gwamnatin tarayya na yunƙurin gayyato sojoji daga ƙasashen waje, domin taimaka wa jami’an tsaron ƙasar nan wajen magance matsalar tsaro, inda ya ce hakan ba abu ne da zai haifar da Ɗa mai ido ba.
A cewar sa, “Mai-makon gayyato soji daga ƙasashen ƙetare zuwa Najeriya, yafi dacewar a ƙara inganta kayan aikin jami’an tsaron da ake da su a ƙasa ta yadda za su samu damar kakkaɓe ɓata garin da suke addabar al’umma a ƙasa, “in ji shi”
Wanikinmu Abubakar Sabo ya ruwaito cewa janar Ibrahim Sani mai ritaya, ya kuma ƙara da cewa akwai buƙatar mutane su rinƙa gaggawar sanar da jami’an tsaro faruwar wani baƙon al’amari, domin ɗaukar matakin da ya dace a kan lokaci, wajen ganin an magance matsalar a cikin sauƙi.
Kwalejin fasaha ta jihar Kano, Poly Technic, za ta fara gwajin ta’ammali da miyagun ƙwayoyi ga ɗaliban da za su nemi gurbin karatu a shekara mai zuwa ta 2025.
Shugaban kwalejin Dakta Abubakar Umar Faruk, ne ya bayyana hakan yau Asabar, a yayin taron wayar da kan ɗalibai illar Shan miyagun ƙwayoyi domin kare kai daga cin zarafin Jinsi, da ƙungiyar ɗaliban kwalejin ta shirya.
Taron ya gudana ne a ɗakin taro na Farfesa Hafiz Abubakar, da ke reshen kwalejin na matan fada, da ke jihar Kano.
Shugaban kwalejin wanda maga-takardar makarantar Muhktar Ibrahim Bello, ya wakilta, ya ƙara da cewar matakin gwajin ta’ammali da miyagun ƙwayoyin hakan zai taimaka wajen yaƙi da miyagun kwayoyi a kwalejin da ma jihar Kano.
Da yake na sa jawabin akan dabarun kaucewa Shaye-shaye kwamandan hukumar NDLEA ta ƙasa reshen jihar Kano, Abubakar Idris Ahmad, wanda mataimakiyar sa Hajjiya Aisha Hamidu,ta wakilta, ya ce ta hanyar wayar da kai ne ɗalibai da matasa za su gane illar amfani da miyagun ƙwayoyi.
A nasa ɓangaren shugaban kungiyar ɗaliban ƴan asaln jihar Kano, da suka shirya taron Abdurrazak Nasiru Ahali, ya ce sun shirya taron ne domin wayar da kan ɗalibai akan illar ta’ammali da miyagun ƙwayoyi, ta yadda za su kaucewa amfani da su.
Taron faɗakar da ɗaliban illar miyagun kwayoyin yasamu halartar malamai,masu rike da sarautar gargajiya da sauran masana a fannin Ilimi da lafiya.
Labarai
Mun ƙaddamar da kwamitin karta-kwana da zai kawo ƙarshen cutttuka masu yaɗuwa a Kano – Abba Kabir Yusuf
Gwamnatin jihar Kano ta ƙaddamar da kwamitin kar-ta kwana da zai dunga shiga lungu da saƙo na jihar, domin yin riga-kafin cututtuka don kare jihar daga barazanar kamuwa da cutuka masu yaɗuwa.
Kwamitin dai an kafashi ne ƙarƙashin jagorancin mataimakin Gwamnan jihar Kano Kwamared Aminu Abdussalam Gwarzo, wanda zai jagoranta.
Da yake ƙaddamar da kwamitin a ranar Alhamis gwamnan Kano, Injiniya Abba Kabir Yusuf, ya tabbatar da cewa kwamitin da aka ƙaddamar zai gudanar da aikin sa ne yadda ya kamata, ta yadda za’a dunga shiga lungu da saƙo na jihar domin magance duk wasu cututtuka masu yaɗuwa a faɗin jihar.
“Muna kuma kira ga dukkanin waɗanda aka naɗa a wannan Kwamitin da su tabbatar da cewa sun gudanar da aikin su yadda ya kamata wajen riƙe gaskiya da amana, “in ji gwamnan”.
Da yake jawabi a matsayin shugaban kwamitin mataimakin Gwamnan jihar Kano, Kwamared Aminu Abdussalam Gwarzo, ya tabbatar wa da gwamnan cewa za su gudanar da aikin su yadda ya kamata domin ciyar da Kano gaba da kare ta daga barazanar cututtuka masu yaɗuwa.
Wakilinmu na fadar gwamnatin Kano Umar Abdullahi Sheka ya rawaito cewa, an samarwa da kwamitin baburan hawa guda 88 inda aka karrama masu maganin gargajiya da lambar girmamawa yayin taron ƙaddamar da kwamitin.
Rundunar ƴan sandan jihar Kano ta gurfanar da waɗanda ake zargi sace bindiga kirar AK-47, a Kotu, yayin zanga-zanga.
Kakakin rundunar ƴan sandan jihar SP Abdullahi Haruna Kiyawa ne, ya sanar da hakan a shafin sa na sada zumunta, ya ce an gurfanar dasu a gaban kotu, yau Litinin a kotu mai lamba 54 da ke Nomand-sland a jihar Kano.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su