Connect with us

Labarai

Dambarwa ta barke tsakanin KEDCO da mutanen unguwar Shagari Quaters

Published

on

Biyo bayan shafe tsawon kwanaki 22 babu wutar lantarki a unguwar Shagari Quarters dake nan Kano, al’ummar yankin sun kai karar kamfanin rarraba wutar lantarki na Kano KEDCO ga hukumar karbar korafe-korafe ta kasa Nigerian Regulatory Commission.

Tun da farko dai kamfanin KEDCO ya nemi al’ummar unguwar da su samar da turakun lantarki don kaucewa biyowar wayoyin wutar lantarki ta cikin gidajen su, sai dai al’ummar unguwar basu aminta da hakan ba, inda suka ce sai dai kamfanin na KEDCO ya saka musu turakun.

Hukumar karbar korafe-korafen tayi zama na musamman domin kawo dai-daito a tsakanin bangarorin, inda aka cimma matsaya cewa al’ummar zasu fara yin karo-karo a tsakanin su domin a cike gurbin turakun lantarkin.

A bangaren kamfanin KEDCO kuwa ya ce ba zai dawo musu da wutar ba har sai sun kammala samar da turakun, saboda hatsarin da za’a iya samu in suka sako wuta zuwa unguwar.

Sai dai al’ummar unguwar sunyi zargin cewa akwai wani layi guda daya da yake da wutar lantarki, bayan an yanke wutar duka unguwar, sai dai jami’an KEDCO basu bada amsar wannan tambayar ba.

Al’ummar unguwar Shagari Quarters dai sun bayyana cewa layin dake da wutar lantarkin layin gidan surukar shugaban kamfanin KEDCO ne.

Rubutu masu alaka:

An gargadi KEDCO kan magance korafe-korafen jama’a

Zamu dauke lantarki a jihohin Kano Katsina da Jigawa- KEDCO.

Continue Reading
Click to comment

You must be logged in to post a comment Login

Leave a Reply

Labarai

An kaiwa masu Rigakafi hari a Kano

Published

on

Rundunar ‘yan sanda ta jihar Kano ta tabbatar da cafke wasu matasa su goma sha bakwai 17 wadanda ake zargi da kai hari ga jami’an rigakafin cutukan yara a garin Kawa dake karamar hukumar Kura.

Ana zargin wani matashi mai suna Abubakar Nuhu shi ne ya jagoranci matasan inda suka lakadawa jami’an rigakafin su bakwai 7 duka, don kawai basu gamsu da aikin da jami’an keyi ba.

Kakakin rundunar ‘yan sanda ta jihar Kano DSP. Abdullahi Haruna Kiyawa ya tabbatar da faruwar al’amarin ya kuma ce suna cigaba da bincike domin gurfanar da wadanda ake zargin a gaban Kotu.

Rubutu masu alaka:

Yadda ‘yan sandan Kano suka cafke matan aure

Zamu gurfanar da ‘yan mari a gaban Kotu –’Yan sanda

Continue Reading

Labarai

Yadda ‘yan sandan Kano suka cafke matan aure

Published

on

Rundunar ‘yan sandan jihar Kano ta gurfanar da wasu mata 6 a gaban kotu, bisa zargin su da aikata caca.

Tun da farko dai ‘yan sanda sun kai sumame garin Wudil biyo bayan korafe-korafe da suka samu, na cewa ana aikata caca a yankin da ta hada da matan aure da kananan yara.

Kakakin rundunar ‘yan sanda ta jihar Kano DSP. Abdullahi Haruna Kiyawa ya tabbatar mana cewa bayan da ‘yan sandan suka samu nasarar dakume wadanda ake zargin sun kuma gurfanar dasu a gaban kotu.

A karshe wakilin mu Abba Isa Muhammad ya rawaito mana cewa kotu ta yankewa wadanda ake zargi daurin watanni 26 a gidan gyaran hali, ko kuma tarar dubu talatin N30,000 da bulala goma.

Rubutu masu alaka:

Zamu gurfanar da ‘yan mari a gaban Kotu –’Yan sanda

Iyaye su gargadi ‘ya’yansu kan yin amfani da tashe wajen tayar da fitina ko kwace -‘Yan sanda

Rundunar ‘yan sandan jihar Kano ta kama mota makare da kwaya da makamai.

Continue Reading

Labarai

Gwamnati ta sauya tashar manyan motoci dake sabon gari –Dan Baito

Published

on

Kwararren lauyan nan da ya yi fice a bagaren shari’ar addinin musulunci Umar Usman Dan Baito ya shawarci gwamnatin jihar kano da ta sauyawa tashar manyan motocin safa dake sabon gari new road matsuguni zuwa kasuwar Dawanau.

Barista Umar Usman Dan-Baito ya bayyana hakanne a ganawarsu da gidan Radio dala jim kadan bayan kammala shirin shari’a a aikace da safiyar yau laraba 13 ga watan Nuwamba.

Ya kuma ce akwai zargin ana amfani da wanan tashar wajen aikata miyagun laifuka duba da cewar suna shige da fice cikin dare.

Ya kuma kara da cewa sauyawa tashar matsuguni zai taimaka matuka wajen rage matsalolin tsaro da kuma aikata manyan laifuka tsakanin masu mu’amala da tashar.

Wakilinmu Nasir Khalid Abubakar ya rawaito cewa lauyan ya bukaci sauran al’umma su sanya ido kan batagarin mutane tare da sanar da jami’an tsaro mafi kusa domin daukar matakin daya dace.

 

Continue Reading

Trending

en_USEnglish
en_USEnglish