Connect with us

Labarai

Likitoci na kokarin ce to rayuwar mutumin da ake zargi da kwartanci a Kano

Published

on

Shi dai wannan al’amari ya faru ne a kauyen Wutar Kara dake karamar hukumar Rano, da misalin karfe 5 na asuba, inda ake zargin wani mutum mai suna Sulaiman Saleh mai shekaru 30, ya kutsa kai gidan wani mutum mai mata biyu, inda yayi kokarin neman daya matar da mijin baya dakinta.

Sai dai bayan da matar ta kwarma ihu, mijinta ya shigo har ta kai sun fara rigima da Sulaiman Saleh da ake zargi da kwartancin, sai dai al’ummar unguwa sun kawo dauki inda suka yiwa wanda ake zargin duka har ta kai da ya galabaita.

Kakakin rundunar ‘yan sanda ta jihar Kano DSP. Abdullahi Haruna Kiyawa ya tabbatawa da wakilin mu Abba Isah Muhammad cewa tuni suka dauki wanda ake zargin zuwa babban asibitin garin Rano, inda daga nan aka tura shi zuwa asibitin kwararru na Murtala Muhammad dake nan birnin Kano.

DSP. Kiyawa ya kara da cewa tuni kwamishin ‘yan sanda na jihar Kano CP. Ahmed Iliyasu ya bada umarnin dawo da wannan korafi zuwa sashen bincikin na sakatariyar ‘yan sanda dake Bompai domin cigaba da bincike.

Rubutuka masu alaka:

YAU MA’AIKATAN LAFIYA DA BA LIKITOCI BA SUKA KOMA AIKI BAYAN SHAFE FIYE DA KWANAKI 40 SUNA YAJIN AIKI.

Zamu gurfanar da ‘yan mari a gaban Kotu –’Yan sanda

Labarai

Sinadarin hada shayi ya haddasa asarar rayuka a Kano

Published

on

Tsohon daraktan ma’ikatan jinya a asibitin kwararru na Murtala Muhammad a jihar Kano, Yusuf Yakubu, ya ja hankalin al’umma da su kauracewa yin amfani da kayayyakin da wa’adin su ya kare wato dameji.

Jami’in lafiyar ya bayyana hakan ne, lokacin da ya ke tsokaci tare da bayyana alhinin sa a kan yadda ake zargin kananan ‘ya’yansa sun sha wani sinadarin hada shayi kalar makuba wanda ake amfani da shi a shayi yau da kullum.

Yusuf Yakubu, ya ce “Ta sanadiyar shan sinadarin suka rasa ransu wanda wa’adin amfani da shi yak are, kuma suna shan garin cikin su ya rinka kadawa su hudu a lokacin. Mun yi kokarin kai su asibiti biyu sun mutu daga cikin su”.

Wakilin mu Ibrahim Abdullahi Sorondinki ya rawaito mana cewa, masanin lafiyar ya kuma shawarci mahukunta da su kara kaimai wajen dakile samuwar irin wadannan kayayyaki a kasuwanni.

Continue Reading

Labarai

Rashin tsaro barayi sun takura mana a Ja’en –Kungiyar Zumunta

Published

on

Shugaban Kungiyar Zumunta da take a unguwar Ja’en cikin karamar hukumar Gwale a jihar Kano, Abubakar Muhammad, ya yi kira ga gwamnatin jihar Kano da ta shiga tsakanin ‘yan Bijilantin yankin, domin su dawo da aikin sintiri kamar yadda suka saba a baya.

Abubakar Muhammad ya yi kiran ne, a ya yin ganawarsa da gidan rediyon Dala.

Ya na mai cewa” Tun bayan da ‘yan Bijilantin yankin suka dakatar da aikin su a unguwar ta Ja’en mu ke fama da yawan sace-sace daga wasu bata gari ba tare da kakkautawa ba, sabida haka dole sai gwamnati ta shigo cikin lamarin mu. Kuma Kungiyarsu mu ta Zumunta ta yi iya bakin kokarin ta wajen ganin ‘yan Vijilanten sun dawo aikin su ka’in da na’in, amma basu samu nasarar hakan ba, saboda hakan ne ma mu ke bukatar gwamnatin Kano da Kwamishinan ‘yansandan jihar Kano da su kawo ma na dauki”.

Wakilin mu Hassan Mamuda Ya’u ya rawaito cewa, shugaban Kungiyar Abubakar Muhammad, ya kuma bukaci al’ummar garin na Ja’en, da su baiwa yan kungiyar Sintirin hadin kan da ya dace musamman ma idan suka dawo bakin aikin su a yankin domin kara karfafa mu su gwiwa.

Continue Reading

Labarai

Tsofaffi tukuf sun koma makarantar islamiyya a Kano

Published

on

Wasu iyaye tsofaffi ‘yan kimanin shekaru 70 zuwa 80 sun bayyana cewa da su yi yawo zuwa gidan makwabta ko kuma a cikin unguwanni sun gwammace su koma su koyi karatun al’kurani mai girma.

Tsofaffin sun tabbatar da hakan ne a yayin saukar karatu na makarantar Khalid Bin Walid, dake unguwar Ja’en Shago Tara a karamar hukumar Kumbotso a jihar Kano.

Guda daga cikin wata tsohuwa mai shekaru 70 da haihuwa mai suna Rabi Abdullahi, ta ce” Da na tafi ina yawo a unguwa yafi in koma makaranta na samu ilimi sabida ilimi shi ne rayuwar mutum har lahira, su kuma tsofaffi irina su koma makaranta domin samin rabo”.

Ita kuwa Zainab Adamu mai shekaru 60 ta ce” Da in rinka yawon shige da fice a unguwa yafi na koma makaranta sabida ba dadi yawo haka kawai ba ilimi”.

Maryam Alhassan mai shekaru 75 cewa ta yi” Yafi in rinka yin tilawa maimakon zama kai babu komai sabida yanzu haka zan iya karatun al’kurani da hadisi da kuma al’azkar”.

Hajara Sa’adu mai shekaru 80 ta ce” gashi har shaidar karatu aka bamu na girmamawa sabida mun koma makaranta ko daga nan ai mun ci riba”.

Shi kuwa shugaban makarantar, Mustapha Abba Abdulsalam ya ce” Wannan saukar ta zo da wani sabani sakamakon iyaye dattijawa sun mayar da kai wajan neman ilimin Al’kurani mai girma, kuma ina kira ga matasa su mayar dakai wajen neman ilimi”.

Wakiliyar mu Aisha Ibrahim Abdul ta rawaito cewa dalibai (38) ne suka yi sauka a makarantar ta Khalid Bin Walid, ciki kuwa akwai matan aure biyar da maza biyar tare da kuma samari maza da mata (28).

Continue Reading

Trending

error: Content is protected !!
en_USEnglish
en_USEnglish