Labarai
Iyaye na taimakawa wajen lalacewar tarbiyar matasa – Kwamaret Adamu
Wani wani matashi dan gwagwarmaya, Kwamaret Adamu Dayi ya ce, iyaye na taka rawar gani wajen lalacewar tarbiyar matasa a wannan zamanin.
Kwamaret Adamu ya bayyana hakan ne a zantawar sa da gidan rediyon Dala ranar Alhamis.
Ya ce, “Matsalolin da su ke damun matasa a yau, ni a nawa tunanin abubuwa ne guda uku, idan kayi aure ka haifi yaro, nauyin kula da shi yana wuyan ka, kafin ya fito waje a samu malamai, da sauran al’umma su bashi wata tarbiyar, to da zarar iyayen sun sakaci ya fito babu kulawa a nan tarbiyar sa take lalacewa”.
Ya kuma ce, “Abun da yake damun iyaye a yanzu shi ne mu na shagwaba ‘ya’yan mu, mu na nuna masu soyayya fiye da tarbiya, shi yasa makwabci baka isa ka tsawatarwa dan makawabci ba, haka ma abun yake a cikin family… Kalubale ga gwamnati, ya kamata a ce gwamnati ta koma ga tsari irin na da, iyaye su hada kai da malamai, malamai su hada kai da gwamnati, gwamnati kuma ta hada kai da Dagatai, to za’a samu sauki”.
Ya kara da cewa, “Idan iyaye su ka saki ‘ya’yan su a hanya dole su nemi abun da za su ci da kan su, wasu ‘yan siyasar kuma masu neman mukami a ofisoshi su kwashe su sun zama ‘yan kwaya da ‘yan daba domin biyan bukatun su, ta hanyar ba su kudi da kuma odar makamai”. A cewar Kwamaret Adamu Dayi
Wakilin mu Yusuf Nadabo Isma’il ya rawaito cewar, Kwamaret Adamu Dayi ya kuma yi kira ga matasa a kan su san mahimmancin rayuwar su, ta hanyar yin karatu da sana’a domin yin rayuwa mai inganci.
Al’ummar garin Ɗan-Dalama da ke ƙaramar hukumar Dawakin Tofa a jihar Kano, sun koka tare da neman ɗaukin mahukunta kan yadda katangar masallacin Juma’a na garin ta lalace, lamarin da hakan ke barazanar faɗuwar katangar.
Shugaban kwamitin masallacin juma’ar na garin Ɗan Dalama, Mallam Muhammad Mai Nama, ne ya magantu kan al’amarin, inda ya kuma yi kira ga al’umma ciki har da Attajirin ɗan kasuwar nan Alhaji Alhassan Aminu Ɗan Tata, da su kawo musu ɗauki domin gyara katangar masallacin na Ɗan Dalama, bisa yadda take neman faɗuwa.
Ya kuma ƙara da cewa ba iya katangar ce ke barazanar faɗuwar ba, haka ma cikin masallacin ba a cewa komai, duk kuwa da ƴan kwamitin sun yi bakin ƙokarin su, amma dai kawo yanzu akwai gyare-gyaren da ya ke buƙata.
Yayin da ake ci gaba da fuskantar tsadar man fetur a ƙasar nan, shugaban kungiyar Dillalan Man fetur da Iskar Gas, ta ƙasa Bashir Ahmad Ɗan malam, ya ce koda kuwa matatar Mai ta Dangote za ta yi ƙarfi ka’in da na’in, ba lallai ne a samu saukin Man fetur ba a ƙasa, matuƙar gwamnatin tarayya bata sa hannu ba.
Bashir Ɗan Malam ya bayyana hakan ne yayin ganawarsa da gidan rediyon Dala FM, da safiyar yau Juma’ar.
Ɗan Mallam ya kuma ce sakamakon yadda gwamnati take taimakawa a fagen shan man, hakan yasa idan har bata sanya hannu ba za’a rinƙa shan wahala wajen samun man fetur ɗin a ƙasa.
Wannan dai na zuwa ne yayin da al’umma ke ci gaba da fuskantar ƙalubalen tsadar man fetur, lamarin da ya sa ake siyar da kowacce lita sama da Naira 800 a jihar Kano, inda ake ci gaba da fuskantar manyan layuka a gidajen man da dama.
Hukumar zaɓe mai zaman kanta ta jihar Kano KANSEC, ta sha alwashin aiki kafaɗa-kafaɗa da ma’aikatan Jarida, musamman ma da zaɓen ƙananan hukumomin jihar nan 44 da ke tafe.
Sabon shugaban hukumar Farfesa Sani Lawan Manumfashi, ne ya bayyana hakan, yayin ziyarar da tawagar ƙuniyar matasan ƴan Jarida, ta Kano Youth Journalist Forum, suka kai masa a ofishin sa yau Alhamis, yayin da ya shafe kwanaki huɗu da kama aiki.
Ya kuma ce, za su yi aiki da ma’aikatan Jarida musamman ma yayin gudanar da ayyukan zaɓen ƙananan hukumomin Kano 44, da ke tafe, domin wayar da kan al’umma da ma samun nasara yayin zaɓen da ma bayan sa.
Farfesa Manumfashi, ya kuma ƙar da cewa, akwai buƙatar kowa ya bayar da tasa gudummawar a harkar zaɓe, domin kuwa yanzu haka suna ci gaba da aiki wajen shirya zaɓen ƙananan hukumomin.
Da yake nasa jawabin shugaban ƙungiyar matasa ƴan Jaridar ta jihar Kano Musa Zangina Adam, ya ce sun kai ziyarar ne, domin su ƙulla alaƙar aiki a tsakanin su da hukumar, bisa yadda kowanne ɓangare yake buƙatar juna, tare kuma da bayar da gudunmawar da ya kamata.
Zangina, ya kuma ce a shirye ƙungiyar su take wajen ci gaba da bibiyar al’amuran da suka shafi al’umma, tare da nusar da mahukunta dan ganin an wadata su da kayayyakin more rayuwa.
-
Nishadi4 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Manyan Labarai4 years agoKAROTA: An baiwa Baffa Babba wa’adin kwanaki bakwai
-
Nishadi5 years agoMansura Isah ta yi kaca-kaca da Sadiya Haruna
-
Labarai4 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai4 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su