Connect with us

Labarai

KEDCO: An yanke mana wuta bayan an karɓi kuɗaɗen mu – Al’ummar Salanta

Published

on

Al’ummar unguwar Sharaɗa Salanta dake yankin ƙaramar hukumar Birni, sun koka kan yadda ma’aikatan wutar lantarki KEDCO, su ka yanke musu wayoyin wuta, yayin da su ka je karɓar kuɗaɗe a wajen su, wanda har yanzu ba su dawo musu da wayoyin ba.

Mutanen sun ce, ma’aikatan wutar sun karɓarwa wasun su, Naira dubu uku, yayin da wata aka karɓar mata Naira dubu biyu da dari biyar, wani kuma naira dubu ɗaya.

Sai dai ƙungiyar kare haƙƙin ɗan Adam ta Global Cummunity for Humman Right Network, ƙarƙashin jagorancin Ƙaribu Yahya Lawan Kabara ta ce, za su yi duk mai yiyuwa wajen ganin sun ƙwato musu haƙƙinsu, musamman ma na kuɗaɗen da sukace an karɓar musu, kasancewar mutanen sun kai kokensu ga ƙungiyar.

Wakilin mu Hassan Mamuda Ya’u ya rawaito cewa, mai magana da yawun kamfanin wutar lantarkin a jihar Kano Ibrahim Sani Shawai ya ce, kamfanin ne ya tura ma’aikatan sa domin su je karɓo kuɗaɗen wutar, sai dai koda aka yi masa tambaya akan kuɗaɗen da ma’aikatan na su suka karɓa a wajen mutanen bai ce komai ba, amma za mu ci gaba da bibiya domin sanin matsayin kuɗaɗen waɗanda aka karɓarwa.

Ilimi

Kai ziyara a ranar Sallar Idi na da muhimmanci a tsakanin al’umma – Limami

Published

on

Limamin masallacin juma’a na Alaramma Abubakar Ɗan Tsakuwa Mallam Abdulkareem Aliyu ya ce, kai ziyara ga gidajen ‘yan uwa a ranar Sallar Idi abu ne mai matuƙar mahimmanci a rayuwa.

Mallam Abdulkareem ya bayyana hakan ne ta cikin huɗubar Sallar Idi da ya gabatar yau Alhamis a masallacin ga al’ummar Musulmai.

Wakilin mu Hassan Mamuda Ya’u da ya halarci masallacin ya rawaito cewar, Mallam Abdulkareem Aliyu ya kumace, kamata yayi a irin wannan ranaku Musulmai su rinƙa kai ziyarar musamman ma ga gidajen marayu, gakiyayyu, maƙabartu, da gidan masu rangwamin hankali, inda yace kai ziyarar kansa a samu gwaggwaɓan lada ba ka ɗan ba.

Sannan kuma Malamin ya shawarci al’umma da su ƙara dagewa da yin addu’a domin neman falalar Allah S.W.T

Continue Reading

Labarai

Huɗubar Sallar Idi: Mu rinƙa taimakawa marayu: Muhammadu Sunusi II

Published

on

Tsohon Sarkin Kano Malam Muhammadu Sunusi Na biyu, ya ja hankalin al’ummar musulmai da su ƙara mayar da hankali wajen neman ilmin addinin dana zamani, domin  sanin yadda zasu bautawa Allah S.W.T

Muhammadu Sunusi Na biyu ya bayyana hakan ne, a yayin gabatar da huɗubar Sallar Idi da ya gabatar a ranar  Alhamis a Filin Idi na Murtala Muhammad Square dake jihar Kaduna.

Ya kuma yi kira ga al’umma dasu ƙara himma wajen taimakawa marayu tare kuma da sada zumunci a tsakani, domin rabauta da rahamar Allah S.W.T

Wakilin mu Abba Ibrahim Lafazi da ya halarci masallacin a jihar Kadunan, ya rawaito mana cewar, Mallam Muhamadu Sunusi na biyun ya kuma shawarci mutane, da su kaucewa saɓawa Allah S.W.T domin gujewa fushinsa.

Continue Reading

Labarai

Bikin Sallah:  Duk budurwar da ta yi kwalliyar abaya ba ma so a kai kasuwa – Samari

Published

on

Yayin da ake shirye-shiryen bikin Sallah karama, samari sun ce duk budurwar da ta yi kwalliyar abaya ba su a ciki a kai kasuwa.

Sai dai kuma a hannu guda wasu samarin kuwa cewa su ka yi, duk wacce ta yi kwalliyar abayar mai son kudi ce.

Shi kuwa wani matashi ya bayyana ra’ayin sa ne da cewa, duk wanda baya son mai abayar tsoho ne, saboda haka shi mai abayar ma yafi kauna, saboda ita ce wayayya ‘yar zamani, kuma shi yaro ai da yarinya aka san shi.

Haka zalika, wasu matasan a nasu ra’ayin cewa su ka yi, kwata-kwata ma su ba zu su yi budurwar a lokacin wankan sallar ba, saboda gudun kar su dauki Kucaka.

Continue Reading

Trending

error: Content is protected !!