Connect with us

Labarai

Hattara dai ‘yan mata: Rangwadar ta ce ta ja hankali na – Aljani

Published

on

Wata mahaifiya ta gargadi ‘yan mata masu tafiya kan titi su na rangwada domin hakan ne ya janyo Aljani ya shiga jikin ‘yar ta.

A cewar mahaifiyar budurwar, Aljanu sun ce mata masu tafiya su na rangwada suma su na burge su kamar yadda suke burge Dan Adam.

Sai dai  da farko aljanin ya so ya hada fada inda ya ce, wai saurayin ta wanda ba ta so aka mayar masa da kayansa ne ya turo shi, aka kuma ce ba a yarda ba karya yake fada yake so ya hada.

Masanin al’amuran aljanu a jihar Kano, Malam Abdullahi Idris Danfodiyo ya bayyana cewar, ai dama duk mace mai kwarkwasar sai ta rudi maza ta karfi koda kuwa ta hanyar hadawa da Acuci ne da sauyin tafiya, to ta sani kafin mazan su yi sha’awar ta Aljanu sun fara.

Labarai

Kungiyoyin tallafawa marayu ku hade kan ku wuri guda – Malam Ibrahim Khalil

Published

on

Shugaban majalisar Malamai ta jihar Kano Malam Ibrahim Khalil, ya yi kira ga kungiyoyin tallafawa marayu dake jihar Kano da su hade kan su waje guda domin yin magana da murya daya.

Malam Ibrahim Khalil, ya yi kiran ne yayin da gamayyar Kungiyar Tukuntawa Foundation dake tallafawa marayu da marasa karfi a yankin unguwar Tukuntawa dake karamar hukumar birni a jihar Kano ta kai masa ziyara a ranar Talata.

Ya ce, “Hadewar kungiyoyin waje guda ne zai sa a rinka ganin amfanin kungiyoyin ta hanyar yin shugaba guda daya a jihar Kano, sai kuma masu taimaka masa a kananan hukumomi”.

Ya kuma ce, “Naji dadi da ku ka yi tunanin taimakawa al’ummar yankin ku, domin hakan shi ke da wahala a cikin al’umma, da za a ce kowa ya na tunanin al’ummar sa, ba shakka da an zauna lafiya da kuma samun ci gaba a tsakanin al’umma”. Inji Malam Ibrahim Khalil.

Malam Ibrahim Khalil, ya kuma ja hankalin ‘yan kungiyar da su kasance masu biyayya ga shugabanci da kuma girmama manyan unguwa.

 

 

 

 

 

 

 

 

Continue Reading

Labarai

Mu na bukatar gwamnatin Kano ta gyara hanyar Doka da Riruwai – Majalisa

Published

on

Majalisar dokokin jihar Kano ta bukaci  gwamnatin jiha da ta karasa aikin titin da ya hade garuruwan Doka da Riruwai dake karamar hukumar Doguwa.

Bukatar ta biyo bayan kudurin da dan majalisa mai wakiltar karamar hukumar Doguwa Salisu Ibrahim Muhammad ya gabatar a zaman majalisar na ranar Talata karkashin jagorancin mataimakin shugaban majalisar  Zubairu Hamza Massu.

Ya ce, “Idan aka gyara wannan hanya za ta taimaka wajen ci gaban al’ummar yankin”. Inji Salisu Ibrahim.

Wakiliyar mu a majalisar dokokin jihar Kano Khadija Ishaq Muhammad  ta rawaito cewa, kudurin ya sami goyon bayan wakilin mutanen kananan hukumomin Rimin Gado da Tofa, wanda daga bisani zaman majalisar ya bukaci gwamnatin jiha da ta ci gaba da samarwa al’umma ababen more rayuwa.

Continue Reading

Labarai

Al’umma ku rinka tanadar lambobin mu – Hukumar kashe Gobara

Published

on

Hukumar kashe Gobara da kai agajin gaggawa ta jihar Kano ta danganta asarar rayuka da dukiyoyi a kan rashin tanadar lambobinta na kira domin neman dauki har sai idan iftila’i ya faru.

Babban Daraktan hukumar Alhaji Hassan Ahmad Muhammad ne ya bayyana hakan a ganawarsa da manema labarai a ofishin sa.

Ya ce, “Kame-kamen neman lambar hukumar a lokacin da iftila’i ya faru ya na kawo jinkiri wajen kai dauki, wanda hakan ke haifar da asarar rayuka da dukiya”. A cewar Alhaji Hassan.

Shugaban ya yi kira ga al’umma da su rika ajiye lambobin hukumar kafin bukatar su ta zo domin ceton rayukan al’umma da dukiya akan lokaci.

Lambobin su ne: 080 98 82 26 31 da 070 26 02 64 00 sai kuma 070 51 24 68 33.

Shugaban hukumar kashe gobarar ta jihar Kano, ya kuma bukaci masu ababan hawa a kan titi da su rika baiwa jami’an hukumar hanya a duk lokacin da suka fita kai agajin gaggawa.

Daga bisani ya kuma nuna gamsuwarsa bisa yanda jami’an tsaro da al’ummar jIhar Kano suke ba su hadin kai.

 

 

Continue Reading

Trending

error: Content is protected !!