Labarai
Sauke Ibrahim Khalil: Kwadayi ya janyo wasu malamai yin tawaye – Abdullahi Danfodio
Masanin magungunan addinin musulunci a jihar Kano, malam Abdullahi Idris Danfodio ya ce, abin takaici ne a samu malamai su na yiwa shugaba tawaye, domin yin hakan haramun.
Malam Abdullahi Danfodio, ya bayyana hakan ne a zantawar sa da wakilin mu na ‘yan Zazu Ibrahim Abdullahi Soron Dinki.
Ya na mai cewa, “Saboda me malamai za su yiwa shugaba tawaye, bayan sun san hakan ya kaucewa koyarwar addinin musulunci”
Ya kuma ce, “Abin takaici dukkan malaman ba za a gan su a masallaci daya su na sallah ba, amma sai ga shi wata bukata ta yin tawaye ga shugaba ta hada su waje guda”. Inji Malam Abdullahi Danfodio
A jiya ne dai wasu ɓangarori daban-daban na kungiyoyin addinin musulunci su ka fitar sanarwar tsige shugaban majalisar malamai ta jihar Kano, malam Ibrahim Khalil , aka maye gurbin sa da Farfesa Abdallah Sale Pakistan.
Limamin masallacin juma’a na Usman Bin Affan dake unguwar Gadan Ƙaya, Dakta Abdullah Usman Umar ya ce, ba dai-dai ba ne mata su rinƙa fita duk inda su ka so zuwa, ba tare da neman iznin mazajen su ba.
Dakta Abdallah Gadon Ƙaya ya bayyana hakan ne ta cikin shirin Rayuwa Abar Koyi na nan gidan rediyon Dala FM, wanda ya gudana da safiyar Juma’a.
Ya ce”Fitar da wasu matan ke yi ba tare da neman izinin mazajen su ba yin hakan saɓawa ne, kuma bai kamata mata su rinƙa cin mutuncin mazajen su ba, domin kuwa raina miji raina addini ne”. A cewar Dakta Aballah.
Wakilin mu Hassan Mamuda Ya’u ya rawaito cewa, Dakta Abdullah Gadan Ƙaya, ya kuma shawarci magidan ta, da su kaucewa yin azalo ga matan su, domin yin hakan ba dai dai ba ne ba a tsarin addinin Musulunci.
Matar gwamnan Kano, Farfesa Hafsat Umar Ganduje, ta ce yaki da shan miyagun kwayoyi a tsakanin matasa ba zai tabbata ba, har sai kowa ya bayar da gudunmawar sa a fannin.
Farfesa Hafsat Ganduje ta bayyana hakan ne, a yayin wani rabon bayar da tallafin kekuna da kayan karatu ga dalibai, wanda ya gudana a hukumar Shari’a.
Ta ce”Gwamnatin Kano na iya kokarin ta wajen yaki da shan miyagun kwayoyi, amma duk da haka sai kowa ya shigo ya bayar da ta sa gudunmawar, yanzu haka gwamnatin Kano ta kara daura dammara wajen gyara tare da samar da kayayyakin da a ke da bukata a makarantar gyaran hali dake karamar hukumar Kiru”. Inji Farfesa Hafsat Ganduje.
Wakilin mu Ahmad Rabi’u Ja’en ya rawaito cewa, a yayin bayar da tallafin an raba kekunan hawa da jakunkuna na makaranta ga wasu daga cikin daliban Firamare.
Limamin masallacin juma’a na Ammar bin Yasir da ke unguwar Gwazaye gangar ruwa a karamar hukumar Gwale, Malam Zubairu Almuhammdi ya ce, musulmi su kara jaddada godiyar su kasancewar su na cikin al’ummar manzon Allah (S.A.W).
Malam Zubairu Almuhammdi, ya bayyana hakan ne yayin da ya ke yi wa gidan rediyon Dala FM karin bayanin abin da hudubarsa ta kunsa.
Domin jin cikakken bayanin hudubar saurari wannan.
-
Nishadi2 years agoIna neman mijin aure – Rayya
-
Manyan Labarai2 years agoKAROTA: An baiwa Baffa Babba wa’adin kwanaki bakwai
-
Labarai2 years agoAuren dan Panshekara da ba Amurkiya ya samu cikas
-
Nishadi2 years agoMansura Isah ta yi kaca-kaca da Sadiya Haruna
-
Labarai1 year agoHamisu Breaker ya kai kan sa wajen ‘yan sanda
-
Nishadi2 years agoAn gano daliban da Adam Zango ya dauki nauyin karatun su
-
Manyan Labarai2 years agoBa’amurkiya da masoyin ta sun hada cinkoso a kasuwar Sabon Gari
-
Manyan Labarai2 years agoSabuwar damfarar da ta fito a Kano
You must be logged in to post a comment Login
You must log in to post a comment.