Connect with us

Labarai

Dogaro da kai: Mata ku kara kaimi – Ambasada Gashash

Published

on

Mashawarci na musamman ga gwamnan jihar Kano a kan aiki a tsakanin al’umma da jami’an tsaron ‘yansanda, Ambasada Muntari Gashash, ya ja hankalin mata da su kara himma wajen dogaro da sana’o’in dogaro da kai.


Ambasada Muntari ya bayyana hakan ne a yayin da kungiyar Taskira Heritage Media da hadin gwiwa da kungiyar gaskiya Women Multipurpose, su ka yaye dalibai a gidan yara na karamar hukumar Nasarawa a jihar Kano.


Ya ce, “Kamata ya yi matan su kara kaimi wajen riko da sana’o in dogaro da kai, domin zama ababen koyi a cikin al’umma”. A cewar Ambasada Gashash.


Da take na ta jawabin, shugabar kungiyar, Amina Abubakar, ta ce, sun koyawa matan sana’o in ne, domin su samu damar dogaro da kan su.


A nata bangaren mai kula da gidan yaran na Nasarawa Hajiya A’isha Sani Kurawa tace, za suyi bakin kokarin su wajen ganin yaran sun dogara da kan su kan sana’o in da aka koya mu

Labarai

Za mu ci gaba da karɓar tsofaffin kuɗi a Singa har nan da kwanaki 2 – Habibu Fantiya

Published

on

Wani ɗan kasuwa dake kasuwar Singa a jihar Kano ya ce, Alhaji Habibu Yusuf Abdullahi Fantiyahar zuwa nan da kwanaki biyu za su ci gaba da karbar kudade a shagunansu, sai dai idan bankuna sun yi musu barazanar daina karbar tsofaffin kudi za su dakata.

Alhaji Habibu Yusuf Abdullahi Fantiya, ya bayyana hakan ne a zantawarsa da wakilin mu na ‘yan Zazu, Abubakar Sabo, yana mai cewar, al’umma daga garuruwa daban-daban sun shigo kasuwar, idan suka daina karɓar tsofaffin kuɗi za a cutar da su.

Akwai cikakken rahoton a muryar da ke kasa.

Continue Reading

Labarai

Buhari zai tafi kasar Senegal

Published

on

Shugaban Najeriya Muhammdu Buhari zai tafi ƙasar Senegal ranar Talata domin halartar taron ƙasa da ƙasa kan harkokin noma karo na biyu da za a gudanar a birnin Dakar.

Wannan na ƙunshe ne cikin wata sanarwa da mai magana da yawun shugaban ƙasar Femi Adesina ya fitar ranar Litinin.

Taron wanda shugaban Senegal kuma shugaban ƙungiyar ƙasashen Afirka ta AU, Macky Salla zai karɓi baƙunci – an shirya shi ne domin samar da kyakkyawan yanayin noma domin ciyar da haniyar Afirka.

Mista Adesina ya ce maharta taron za su tattauna batun shigar da abinci da sauran kayan amfanin gona zuwa wasu ƙasashen, ciki har da Najeriya.

Ya ƙara da cewa yayin da nahiyar Afirka ke da mutum miliyan 249 da ke cikin ƙagin yunwa, taron – wanda shugabannin ƙasashen Afirka da ministocin kuɗaɗen da na noma na nahiyar, da ƙungiyoyin duniya za su halarta – zai saka aniyar kawar da yunwa a nahiyar Afirka nan da shekarar 2030.

Daga cikin tawagar da za ta yi wa shugaba Buhari rakiya zuwa taron har da ministan harkokin ƙasashen waje, Geoffrey Onyeama, da ministan noma da raya karkara, Dakta Mohammad Mahmood Abubakar, da mai bai wa shugaban ƙasa shawara kan harkokin tsaro Babagana Monguno da daraktan hukumar tattara bayanan sirri ta ƙasar Ambassada Ahmed Rufai Abubakar.

Continue Reading

Labarai

Mun ƙara tsaurara matakan tsaro domin tunkarar zaɓen 2023 – NDLEA

Published

on

A yayin da ya rage kwanaki 39 a fara fita babban zaɓen 2023 da ke ƙara gabatowa a ƙasa, hukumar hana sha da fataucin miyagun ƙwayoyi ta ƙasa NDLEA reshen jihar Kano ta ce, yanzu haka ta ƙara tsaurara matakan tsaro a gurare daban-daban na Kano domin kawar da masu ta’ammali da miyagun ƙwayoyi.

Shugaban hukumar Alhaji Abubakar Idris Ahmad ne ya bayyana hakan yayin zantawarsa da gidan rediyon Dala a yau Litinin, inda ya ce shirin na hukumar ya shafi yayin da bayan zaɓen 2023 dake tafe.

Ya kuma yi kira ga iyaye da su ƙara jan ƴaƴansu a jiki yayin da zaɓen 2023 ke ƙara ƙaratowa don kaucewa faɗawarsu cikin mawuyacin hali.

Wakilinmu Hassan Mamuda Ya’u ya rawaito cewar, shugaban hukumar NDLEA ɗin na Kano Alhaji Abubakar Idris Ahmad, ya kuma ce yin amfani da miyagun kwayoyi ya kan sanya mutum yayi duk abinda ya wuce hankali bisa fita da suke yi daga hayyacinsu, a dan haka matasa su kaucewa sanya kan su a cikin harkokin shaye-shayen.

Continue Reading

Trending