Connect with us

Labarai

Titin Kaduna da Zaria zuwa Kano ya yi sanadiyar mutuwar mutane 600 daga Janairu zuwa Yuni – FRSC

Published

on

Hukumar kiyaye haddura ta kasa (FRSC), ta ce sama da mutane 600 ne suka rasa rayukansu ta sanadiyyar hadarin mota da suka afku a hanyar Kaduna da Zaria zuwa Kano tsakanin watan Janairu zuwa Yuni, 2022.

Mataimakin shugaban rundunar soja mai kula da shiyya ta daya da ta kunshi jihohin Kano, Katsina, Kaduna da Jigawa, Dr. Godwin Omiko, ya bayyana haka jiya a lokacin da ya kai ziyarar wayar da kai wajen martaba Sarkin Zazzau Ambasada Ahmed Nuhu Bamalli a Zariya.

Omiko ya ce, karin mutane 2,310 da hadarin ya rutsa da su, su ma sun samu raunuka daban-daban a cikin tsawon lokacin, inda ya ce, sabanin shekarar da ta gabata a watan Yunin 2021 a irin wannan hanya, hadurran tituna sun yi sanadiyar mutuwar mutane 350, yana mai jaddada cewa adadin ya rubanya a bana.

Omiko ya alakanta hadurran kan tukin wuce gona da iri da tukin ganganci da rashin mutunta dokokin zirga-zirgar ababen hawa da dai sauransu.

Ya nuna damuwarsa musamman kan yadda direbobin motar Sharon motocin bas, ke nuna rashin kulawa a kan hanyar Kaduna zuwa Zariya da Kano. In ji All Africa.

Labarai

Tsohon shugaban kasa Obasanjo ya dauki fasinjoji kyauta a Adaidaita Sahu

Published

on

Tsohon shugaban kasa, Olusegun Obasanjo, ya tuka babur mai kafa uku, inda ya debi fasinjoji kyauta.

Obasanjo, ya bi ta wasu hanyoyi a Abeokuta, babban birnin Ogun, don daukar fasinjoji, lamarin ya dauki hankulan mutane da dama wadanda su ka yi wa tsohon Shugaban kasa murna tare da daukar hotunan sa.

Obasanjo wanda ya rinka daukae mutane kyauta  a ranar Asabar, ya zarce ta Moshood Abiola, NNPC Mega Station, Kasuwar Kuto, da dai sauransu.

Aikin wani bangare ne na shirin Keke na OBJ @ 85 na Cibiyar Bunkasa Matasa na Laburaren Shugaban Kasa na Olusegun Obasanjo (OOPL).

A cikin jawabinsa, Obasanjo ya yi kira ga matasa cewa kar su bar masu tada zaune tsaye.

Tsohon shugaban ya ce, duk da kalubalen da ake fuskanta, ya kamata su yi kokarin amfani da damar da ake da su domin yin tasiri ga al’umma.

“Dole ne matasa ku dunkule ku byar da gudummawa, domin ganin abubuwa su kasance kamar yadda ya kamata.

“Idan kun bar abubuwa ga masu yi muku almundahana sun cigaba da shugabanci, komai ba zai tafi daidai ba, domin ku ne shugabannin gobe, ba za ku taba samun haka gobe ba.

“Allah ya baka ikon zama abin da ke so ka zama. Idan kuka yanke shawara, Allah zai taimake ku ya samar da mutanen da za su taimake ku,”  A cewra Obasanjo.

Continue Reading

Labarai

Karancin man fetur a Najeriya gazawar gwamnati ne – NUPENG

Published

on

Kungiyar ma’aikatan man fetur da iskar gas ta kasa NUPENG, ta zargi gwamnatin tarayya da laifin karancin man fetur da ake fama a Najeriya.

NUPENG ta ce karancin man fetur ya samo asali ne sakamakon gazawar gwamnati.

Da yake jawabi yayin taron wakilai karo na 5 na kungiyar direbobin tankar mai karakshin reshen NUPENG a Ibadan, babban birnin jihar Oyo, shugaban kungiyar, Kwamared William Akporeha, ya ce, maimakon dora laifin karancin man fetur a kan direbobin tankar man fetur ba su ba ne laifin gwamnati ne, wanda ya ce ta ki gina sabbin matatun mai a cikin shekaru 30 zuwa 40 da suka wuce.

Akporeha ya ce: “Me ya sa ake karancin man fetur? Ina man yake? Karancin ba direbobin tanka ne suka haddasa shi ba,  idan man fetur yana samuwa, membobin mu za su kawo shi.

“Ta hanyar shigo da kayan, zai samar da ayyukan yi. Matatun man da muke da su a yau sojoji ne suka gina su tun shekaru 30 zuwa 40 da suka wuce.” In ji shi.

Continue Reading

Labarai

Mun samu rashin fitowar jama’a wajen yin rijistar katin zabe a Katsina – INEC

Published

on

Hukumar Zabe Mai Zaman Kanta ta Kasa (INEC), ta bayyana damuwarta kan yadda mazauna yankin jihar  Katsina suka yi rijistar katin zabe na dindindin (PVC) a sabbin rumfunan zabe 1,750 da aka kafa a jihar.

Alhaji Jibril Zarewa, kwamishinan zabe na INEC a jihar, ya bayyana hakan a wata hira da kamfanin dillancin labarai na kasa NAN a ranar Juma’a a Katsina.

Ya ce, bayan shekara daya da fara rajistar PVC, an samu rashin fitowar jama’a domin yin rajista a sabbin rumfunan zabe da aka kafa.

A cewar Zarewa, “A watan Mayun 2022 da muka yi bincike, mun gano a cikin sabbin rumfunan zabe 1,750 da aka kafa, kusan guda 1,200 ba su da mutane sama da 50 da suka yi rajista a kowannen su.

“Wannan rijistar ta ƙunshi canja wuri. Wasu rumfunan zabe ba su da rijista, yayin da wasu ba su wuce mutane 50 da suka yi rajista ba.

“Ko da yake ana iya danganta hakan da dakatar da hanyoyin sadarwa a kananan hukumomi 17 daga cikin 34 na kananan hukumomi kusan watanni biyar saboda matsalar tsaro.

“Muna kira ga al’ummar yankunan da aka kirkiro sabbin rumfunan zabe da su je su yi rajista, domin INEC a shirye take a kodayaushe.

Ya bayyana cewa da farko akwai rumfunan zabe 4,902 a jihar amma tare da samar da karin rumfunan zabe 6,652 a halin yanzu.

Continue Reading

Trending