Connect with us

Manyan Labarai

Dalilan da ya sanya muka ɗauke Sadio Mane daga Liverpool – Oliver Khan

Published

on

Shugaban Bayern Munich, Oliver Kahn, ya bayyana dalilin da yasa kungiyar ta sayi Sadio Mane daga Liverpool.

Bayern Munich ta tabbatar da daukar Mane daga Liverpool a hukumance ranar Laraba.

Mane ya koma zakarun Bundesliga kan kwantiragin shekaru uku daga kungiyar Liverpool ta Premier.

A cikin wani sakon twitter da ya wallafa a shafinsa na Twitter a ranar Laraba, Kahn ya ce, manyan nasarorin da Mane ya samu a matakin kasa da kasa ya sa Bayern ta saye shi.

Ya wallafa a shafinsa na Twitter: “Muna farin ciki da cewa za mu iya lashe wasanni da Sadio #Mané na @FCBayern.

“Godiya ga fitattun ayyukansa da manyan nasarorin da ya samu a matakin kasa da kasa, ya kasance dan wasa tsawon shekaru da yawa da ba kasafai ake samunsa ba a duniya.”

Kwanan nan Mane ya lashe gasar cin kofin nahiyar Afirka, AFCON, tare da tawagar kasar Senegal, kuma ya ba su damar shiga gasar cin kofin duniya na FIFA na bana a Qatar, yayin da ya samu nasarori da dama a Liverpool.

Click to comment

You must be logged in to post a comment Login

Leave a Reply

Labarai

Gobara ta lalata dukiya ta miliyan 34 da asarar rayuka 135 a watan Yuni – Abdullahi

Published

on

Hukumar kashe gobara ta jihar Kano, ta ce, ta ceci rayuka 135 da dukiyoyi da kudinsu ya kai Naira miliyan 34.6 daga aukuwar gobara 42 a watan Yuni.

Hakan na kunshe ne cikin wata sanarwa mai dauke da sa hannun jami’in hulda da jama’a na hukumar,, PFS Saminu Abdullahi a Kano.

Abdullahi ya ce, mutane 24 ne suka mutu, sannan an kiyasta asarar dukiya ta Naira miliyan 13 da gobarar ta yi a lokacin.

A cewar sa, ma’aikatar ta amsa kiraye-kirayen ceto 77 da kuma kararrawar karya 17 daga mazauna jihar.

Ya danganta gobarar da rashin kula da amfani da na’urorin lantarki marasa inganci.

Ya shawarci jama’a da su rika kula, domin gujewa tashin gobara, yayin da bukukuwan Sallah ke gabatowa.

Abdullahi ya kuma bukace su da su rinka bin dokokin hanya domin gujewa hadurran mota yayin bikin.

Continue Reading

Ilimi

Mataimakin Atiku a takarar shugaban kasa ya shaida wa INEC takardun WAEC dinsa sun bata

Published

on

Rahotannin da muka samu cewa, dan takarar mataimakin shugaban kasa a jam’iyyar PDP, Ifeanyi Okowa, ya sanar da hukumar zabe mai zaman kanta ta kasa INEC, cewa takardar shaidar  karatun sa na WAEC ta bata.

Okowa ya sanar da INEC game da batan shaidar takardun sa na ainihi a wani bangare na takardun sa na tsayawa takara a zaben 2023.

Ya ce, a cikin takardar shaidar hakan ya sa ya shiga ya kuma zana jarabawar kammala jarrabawar makarantar sakandare ta yammacin Afirka (WAEC) a shekarar 1974.

Sanarwar ta ce, ba za a iya samun ainihin takardar shaidar da aka bayar ba, in ji shi a cikin takardar.

Kamfanin dillancin labarai na kasa ya fahimci cewa, takardar sa ta asali ta fito ne daga babbar kotun shari’a ta jihar Delta da ke sashin shari’a na Asaba a ranar 3 ga Oktoba, 2006.

Ya kuma ce, “Cewa ni da kaina na yi rajista, kuma na zana jarrabawar kammala sakandare ta yammacin Afirka (WAEC) a shekarar 1974 a Kwalejin Edo da ke garin Benin a Jihar Edo a yanzu,” inji Gwamnan Jihar Delta. a cikin rantsuwar a cewar Tribune.

“Cewa na ci jarrabawar, sannan aka ba ni shaidar satifiket don haka. Cewa asalin takardar shaidar da aka ba ni yanzu ya ɓace, kuma ba a iya samunsa.

Ya kara da cewa, “Na yi wannan rantsuwar ne, saboda na sani kuma na yarda da hakan gaskiya ne, kuma bisa ga dokar rantsuwar jihar kamar yadda ta shafi jihar Delta,” in ji shi.

Continue Reading

Labarai

Tsohon shugaban kasa Obasanjo ya dauki fasinjoji kyauta a Adaidaita Sahu

Published

on

Tsohon shugaban kasa, Olusegun Obasanjo, ya tuka babur mai kafa uku, inda ya debi fasinjoji kyauta.

Obasanjo, ya bi ta wasu hanyoyi a Abeokuta, babban birnin Ogun, don daukar fasinjoji, lamarin ya dauki hankulan mutane da dama wadanda su ka yi wa tsohon Shugaban kasa murna tare da daukar hotunan sa.

Obasanjo wanda ya rinka daukae mutane kyauta  a ranar Asabar, ya zarce ta Moshood Abiola, NNPC Mega Station, Kasuwar Kuto, da dai sauransu.

Aikin wani bangare ne na shirin Keke na OBJ @ 85 na Cibiyar Bunkasa Matasa na Laburaren Shugaban Kasa na Olusegun Obasanjo (OOPL).

A cikin jawabinsa, Obasanjo ya yi kira ga matasa cewa kar su bar masu tada zaune tsaye.

Tsohon shugaban ya ce, duk da kalubalen da ake fuskanta, ya kamata su yi kokarin amfani da damar da ake da su domin yin tasiri ga al’umma.

“Dole ne matasa ku dunkule ku byar da gudummawa, domin ganin abubuwa su kasance kamar yadda ya kamata.

“Idan kun bar abubuwa ga masu yi muku almundahana sun cigaba da shugabanci, komai ba zai tafi daidai ba, domin ku ne shugabannin gobe, ba za ku taba samun haka gobe ba.

“Allah ya baka ikon zama abin da ke so ka zama. Idan kuka yanke shawara, Allah zai taimake ku ya samar da mutanen da za su taimake ku,”  A cewra Obasanjo.

Continue Reading

Trending