Connect with us

Manyan Labarai

INEC za ta baiwa Fintiri shaidar lashe zabe

Published

on

Hukumar zaɓe ta kasa INEC ta ce a yau Laraba ne za ta bai wa gwamnan jihar Adamawa Ahmadu Umaru Fintiri da mataimakiyarsa farfesa Kaletapwa Farauta shaidar sake cin zaɓe karo na biyu.

INEC din ta ce za ta bai wa Fintiri da mataimakiyarsa shaidar cin zaɓen ne da misalin karfe 3 na rana.

A jiya Talata ne jami’in sanar da sakamakon zaɓen jihar Adamawa, Farfesa Mohammed Mele ya ce Ahmadu Fintiri ya yi nasarar lashe zaɓen da ƙuri’a, 430, 861.

Fintiri ya samu nasara a kan babbar abokiyar fafatawarsa Aisha Ɗahiru Binani wadda ta samu ƙuri’a, 398, 788.

INEC ɗin za kuma ta bai wa ƴan majalisar tarayya da na jihohi da aka zaɓa shaidarsu ta cin zaɓe.

Manyan Labarai

Mun shiga damuwa kan rashin cinikin Raguna a sallar bana – Mai sayar da Dabbobi a Kano

Published

on

Masu sana’ar sayar da Dabbobi, na ci gaba da kokawa a jihar Kano, bisa yadda suka samu ƙarancin kasuwar Dabbobi a babbar sallar bana, biyo bayan rashin kuɗi a hannun jama’a.

A zantawar Dala FM Kano, da wani mai sana’ar sayar da Dabbobi, a kasuwar Awaki ta Gandu a jihar Kano, Mallam Sule Sheka, ya ce a shekarar da ta gabata yakan sayar da raguna guda Ɗari zuwa sama a rana, amma a wannan shekarar baya wuce guda biyar a rana.

Mallam Sule Sheka, ya kuma ƙara da cewa, Raguna a bana sun yi tashin Gwauron zabi, amma kuma duk da hakan babu masu saye, domin ba ma su fiya zuwa kasuwar ba saboda rashin kuɗi.

“Raguna a bana suna farawa ne daga Naira dubu 100, dubu 130,000, har Naira dubu Ɗari Tara, da kuma Miliyan Ɗaya, amma a hakan babu masu saya, “in ji shi”.

Malam Sule Sheka, mai Dabbobi, ya kuma ce sun shiga cikin damuwa a bana bisa rashin cinikin Dabbobi, lamarin da ya kawo musu koma baya a batun kasuwancin su a bana, inda ya nemi ɗaukin mahukunta kan sauƙaƙa farashin kayayyaki domin a samun sauƙi.

Continue Reading

Manyan Labarai

An gudanar da taron addu’a da karatun Alqur’ani, dan samun sauƙi daga matsin rayuwa a Kano.

Published

on

Yayin da al’umma ke ci gaba da fuskantar halin matsin rayuwa a sassan ƙasar nan, da safiyar wanna rana ne ɗumbin al’ummar jihar Kano suka gudanar da taron addu’a, tare da karatun Alkur’ani mai girma, domin samun sauƙi.

Al’umma da dama ne dai, maza da mata, manya da yara, suka samu damar halartar taron, wanda ya gudana a filin Bajakoli da ke kan titin gidan Zoo yau Asabar a jihar Kano.

Ƙungiya mai tabbatar da zaman lafiya da ci gaban al’umma da samar da aikin yi ta ta ƙasa wato Sustainable Peace, Empowerment and Deplopment Initiative of Nigeria, haɗin gwiwa da majalisar ci gaban matasan Kano, ne suka shirya taron.

Kwamared Idris Ibrahim Makama unguwar Gini, shi ne shugaban ƙungiyar ta SPEDEN, ya ce sun shirya taron ne domin yiwa jihar Kano, da ma arewacin ƙasar nan addu’a, tare da karatun Alkur’ani mai girma, domin samun sauƙi a wajen Allah S.W.T, dan ganin an fita daga cikin halin matsin rayuwar da aka samu kai yanzu a ciki.

“A lokacin taron mun yiwa ƙasa musamman ma Arewa, addu’o’i, domin fita daga halin tsadar kayayyakin masarufi, da na amfanin yau da kullum, da kuma matsalar tsaro da ake fama da ita; kuma Allah ya yi mana maganin waɗanda suka sanya mu cikin ƙuncin rayuwar da aka samu kai a ciki, “in ji shi”.

Majiyar Dala FM Kano, ta rawaito cewa taron ya samu halartar al’umma da dama, kuma ciki har da malamai, da ƴan ƙungiyoyi, da Dattawa, domin yiwa jihar Kano, da ma arewacin ƙasar nan addu’a.

Continue Reading

Manyan Labarai

Mamakon ruwan sama ya ruguje fiye da gidaje 100 a jihar Jigawa.

Published

on

Wani mamakon ruwan sama haɗe da guguwa da aka yi a wasu garuruwa da ke karamar hukumar Kaugama a jihar Jigawa, ya yi sanadiyyar rushewar fiye da gidaje sama da 100 a jihar.

A zantawar wakilinmu Abubakar Sabo, da guda daga cikin ‘yan kungiyar samar da ci gaban karamar hukumar da al’amarin ya faru, mai suna Haruna Kani Kaugama, ya ce, bayan faruwar al’amarin a ranar Talatar da ta gabata, ya tattara bayanan akalla mutane 72, da gidajensu suka ruguje, lamarin da ake ci gaba da tattara bayanan.

Haruna Ƙani, ya kuma yi kira ga mahukunta da su kai wa al’ummar karamar hukumar ta Kaugama da ke jihar Jigawa, da al’amarin ya faru da
su ɗaukin da ya kamata bisa dumbin asarar da suka yi, baya ga batun halin talauci da al’ummar yankin suke ciki.

“Ko nima sai da wani ɗakina ya ruguje kuma har kawo yanzu da nake muku wannan bayanin ban iya samun damar gina shi ba bisa halin babu da muke ciki, “in ji shi”.

Sai dai a nasa bangaren babban Sakataren hukumar ba da agajin
gaggawa ta jihar Jigawa SEMA, Dakta Haruna Mairiga, ya ce tuni
hukumarsu ta tura tawagar da za ta tantance irin barnar da aka samu tare da bayar da tallafi ga wadanda abin ya shafa.

Wannan dai na zuwa ne bayan da ko a baya ma irin Ifrila’in ya faru a garin Fagam da ke ƙaramar hukumar Gwaram, da kuma wasu sassan ƙaramar hukumar Ringim, dukka da ke jihar ta Jigawa.

Continue Reading

Trending