Connect with us

Manta Sabo

Kotu ta yi umarnin a duba kwakwalwar Cucu da ake zargi da kashe abokin kasuwancin ta

Published

on

Babbar kotun jaha mai lamba 13 karkashin jagorancin mai shari,a Zuwaira Yusuf, ta fara sauraron karar da gwamnatin kano ta shigar tana karar wata mata mai suna Hafsat Surajo da wasu mutane uku.

Gwamnatin jaha dai tana zargin Hafsat da laifin kashe wani matashi ta hanyar caka masa wuka a kirji da ciki, a ranar 21 ga wata 12 na shekarar da ta gabata ta 2023.

Ana kuma zargin wasu mutane da laifin hada baki da boye gaskiya da yunkurin kawar da shaida akan laifin kisan kai.

Mutanen da ake zargin sun hadar da mijin Hafsat wato Dayyabu Abdullahi, da Adamu Muhammad da kuma Nasidi Muhammad, dukkaninsu sun musanta zarge-zargen da ake musu.

Ita kuwa Hafsa da ake zargi da laifin kisan kai taki cewa komai a gaban kotun.

A yayin zaman lauyar gwamnati Barrister Aisha Mahamud, ta roki kotun cewar a yi umarni likitici su binciki lafiyar Hafsat, kotun ta amince da rokon.

Lauyoyin wadanda ake kara sun roki kotun ta sanya su a hannun beli sai dai lauyoyin gwamnati sun yi suka.

Wakilinmu Yusif Nadabo Isma’il ya rawaito cewa kotun ta ce za ta sanya rana dan bayyana ra’ayinta.

Manta Sabo

Kotu ta yankewa wasu ‘yan kungiyar Bijilante biyar hukuncin Kisa ta hanyar rataya a Kano.

Published

on

Babbar kotun jaha mai lamba 1 karkashin jagorancin mai shari’a Dije Abdu Aboki, ta zartas da hukuncin kisa akan wasu mutane biyar.

Tun da farko gwamnatin jaha ce ta gurfanar da mutanen bisa zargin hada baki da laifin kisan kai, wanda kunshin tuhumar ya bayyana cewar mutanen sun hada baki sun kashe wani matashi a unguwar Dorayi dake jihar Kano.

A ya yin da take karanta hukuncin mai shari’a Dije Abdu Aboki, ta ayyana cewar ta samu mutanen da laifin hada baki da kuma kisan kai.

Justice Dije Aboki ta ayyana cewar ta daure su shekara biyu a laifin hada baki ta kuma zartas musu da hukuncin kisa ta hanyar rataya, duk su biyar din.

Mai shari’a Dije Aboki ta yabawa mai gabatar da kara Lamido soron dinki bisa yanda ya gabatar da shaidu babu kokwanto.

Wakilinmu Yusif Nadabo Isma’il ya rawaito cewa mutanen wadanda yan kungiyar sintirin Bijilante ne na unguwar Samegu, sun hadar da Emanuel Korau da Ilesha Ayuba Jarmai da Irimiya Timothy, da Auwalu Jafar sai kuma Mustafa Haladu.

Continue Reading

Manta Sabo

Kalaman Tunziri: Kotu ta aike da Dan Bilki Kwamanda dake Kano gidan yari

Published

on

Yanzu haka wata kotu a jihar Kano ta aike da Abdulmajid Dan Bilki Kwamanda dan jam’iyyar APC a jihar Kano, gidan yari bisa zargin yin kalaman da ka iya tayar da tarzoma a cikin al’ummar jihar.

Tun da farko dai rundunar tsaron farin kaya ta DSS ce ta gayyaci Danbilki Kwamanda din wanda tsohon makusanci ne ga tsohon shugaban Najeriya Muhammadu Buhari, kafin daga bisani su gurfanar da shi gaban kotun Majistere da ke Nomansland bisa zargin bata suna da tunzura al’umma.

Yanzu haka dai Dan Bilki zai ci gaba da zama a gidan yari har zuwa ranae 29 ga watan Janairun shekarar 2024.

Sai dai jim kaɗan da tura shi gidan gyaran halin Danbilki Kwamanda ya bayyana cewa gwamnatin Kano ce ta gurfanar da shi ba hukumar DSS ba a shafinsa na Facebook a yau.

“Ba DSS ne suka kaini kotu ba gwamnatin Jihar Kano ce ta kaini kotu, kuma duk abinda aka yi shiryawa a ka yi. DSS sun gayyaceni kuma na amsa gayyata ni ne na kai kaina wurisu sun kuma yi abinda shi ne doka. Abinda muke son alƙalai su rinka yi su de na aiki da umarnin wani su yi aiki da doka domin Allah zai tambayesu kowanne hukunci da su ka yi” In ji shi”.

Ana tuhumarsa da ɓatawa tsohon gwamnan Kano Senata Rabi’u Musa Kwankwaso suna, kan zargin cewar ya umarci gwamnatin Abba Kabir Yusuf na yunƙurin rushe masarautun da tsohuwar gwamnatin Abdullahi Umar Ganduje ta ƙirkiro tare kuma da yin kalaman da ka iya tayar da tarzoma a jihar Kano da ma kasa baki daya.

Continue Reading

Manta Sabo

Ku kula da mata masu Sanen wayoyi a cikin Baburin Adai-dai ta sahu da gidan Buki – Cewar Rundunar KOSSAP

Published

on

Kwamandan rundunar dake rajin dakile kawar da masu kwacen wayoyi da gyaran matasa ta Anty Snaching Phone dake jihar Kano, Inuwa Salisu Sharada, ya ce yadda ake samun mata masu sanen wayoyin mutane a cikin baburan Adai-daita sahu, sai al’umma sun kara kulawa da irin matan da suke zama a kusa da su a cikin baburin.

Inuwa Salisu Sharada ya bayyana hakan yayin zantawarsa da gidan rediyon Dala FM, ya ce yanzu haka rundunar su ta shirya dakile yawaitar matan da suke yiwa mutane Sane a cikin baburin Adai-daita sahun da ma cikin kasuwanni, da kuma gidajen Buki.

A cewarsa, “Za mu ci gaba da amfani da sabbin dabarun aiki wajen ganin mun kawar da bata garin da suke addabar al’umma a sassan jihar Kano’ “in ji shi”.

Daga bisani dai ya shawarci matasa maza da mata, da ma sauran al’umma da su kara riko da kananan sana’o i domin ganin sun dogara da kansu.

Continue Reading

Trending