Connect with us

Manyan Labarai

Al’adar Tashe: Ba za mu saurarawa masu ƙwacen waya da faɗan Daba ba – Ƴan Sandan Kano

Published

on

Rundunar ƴan sandan jihar Kano ta ce ba za ta saurarawa dukkan irin matasan da suke ɗauke da ɗabi’ar nan ta ƙwacen wayoyin mutane, da faɗan Daba, da kuma ta’ammali da miyagun ƙwayoyi ba, yayin gudanar da Al’adar Tashe a sassan jihar.

Jami’in hulɗa da jama’a na rundunar ƴan sandan ta Kano SP Abdullahi Haruna Kiyawa, shi ne ya bayyana hakan yayin zantwarsa da gidan rediyon Dala FM, da yammacin yau Laraba.

SP Kiyawa, ya kuma ce a ƙokarin su na samar da tsaro ga al’ummar Kano ne ma, Kwamishinan ƴan sandan jihar CP Muhammad Usaini Gumel, ya yi zama da jagoran al’adar Tashen Auwalu Sani Sarki Na Lako, da masu ruwa da tsaki a harkar Tashen, domin zama na musamman dan nemo hanyoyin magance matsalar tsaro yayin Tashen a jihar.

“Kwamishinan ƴan sandan Kano SP Gumel ya baiwa baturen ƴan sanda da suke aiki a jihar Kano, da dakarun ƴan sandan, umarnin da su tabbata an bada tsaro a guraren da ake yin Ibada, “in ji SP Kiyawa”.

Rundunar ƴan sandan ta kuma umarci jami’an ts da su yi duk mai yiyuwa wajen hana masu ɗabi’ar ƙwacen wayoyin mutanen, da masu ta’ammali da miyagun kwayoyi, da magance faɗan Daba, yayin fitowa yin tashen a faɗin jihar Kano.

A al’adar Hausawa dai, an saba gudanar da tashen ne daga goma ga Azumin watan Ramadan, duk kuwa da wasu suna ganin cewar yanzu lamarin tashen ya juya inda wasu matasa suka mayar da Al’adar tashen zuwa yin abinda bai da ce ba, lamarin da ya sa ba’a fiya gudanarwa ba kamar baya.

Manyan Labarai

Zamu farfaɗo da masana’antun ƙananan hukumomi 44 na jihar Kano – Kwamishina

Published

on

Gwamnatin jihar Kano ta ce za ta farfaɗo da masana’antun yin saƙa na ƙananan hukumomi 44 da ke faɗin jihar nan, domin samawa matasa aiki ta yadda za su dogara da kansu.

Kwamishinan ciniki da masana’antu na jihar Kano Alhaji Adamu Aliyu Kibiya, ne ya bayyana hakan, yayin da ya ziyarci masana’antar saƙar kayayyaki ta ƙaramar hukumar Kura yau Laraba, domin duba halin da take ciki tare da duba yadda za’a farfaɗo da ita daga dogon suman da ta yi.

Tun dai a lokacin mulkin tsohon gwamnan Kano Injiniya Rabi’u Musa Kwankwaso, a shekarar 2014, ne ya samar da injina a masana’antar, amma tsohuwar gwamnatin Kano da ta ganata ta yi watsi da masana’anatar.

Yayin duba masana’antar Kwamishinan cikinki da masana’antu na jihar Kano Alhaji Adamu Aliyu Kibiya, ya kuma bada tabbacin farfaɗo da masana’antar yin saƙar ta ƙaramar hukumar Kura da ma na faɗin jihar nan, domin samawa matasa ayyukan yi.

Da yake yiwa Dala FM Kano, ƙarin bayani babban sakataren ma’aikatar ciniki da masana’antu na jihar Kano, Muhammad Yusuf Ɗan-duwa, ya ce, farfaɗo da masana’antar ta Kura, na zuwa ne bisa ƙokarin gwamnan Kano Injiniya Abba Kabir Yusuf, da Kwamishinan ma’aikatar Alhaji Adamu Aliyu Kibiya, domin samawa matasa ayyukan yi.

Ya kuma ce yadda tsohuwar gwamnatin da ta gabata ta wofantar da masana’antar tsawon lokaci, a yanzu gwamnatin su za ta yi duk mai yiyuwa, domin ganin an ta ci gaba da aiki ka’in da na’in.

Tun dai a shekarar 2014 ne aka samar da injina a masana’antar, amma tsohuwar gwamnatin da ta gabata ta wofantar da aikin, lamarin da ya sa aikin ya tsaya cak, inda gwamnatin Kano mai ci a yanzu ta ce za ta farfaɗo da ita domin samawa matasa aikin yi, da kuma bunƙasa tattalin arziƙi.

Continue Reading

Manyan Labarai

Mun ware miliyoyin Kuɗi domin biyan ƴan Fansho haƙƙoƙin su – Gwamnan Kano

Published

on

Gwamnan jihar Kano Injiniya Abba Kabir Yusuf, ya ce gwamnatin sa ta ware Naira biliyan biyar domin biyan ƴan Fansho haƙƙoƙin su bisa la’akari da yadda ake samun matsala wajen biyan su kudaɗen su.

Gwamnan Kano ya yi wannan jawabin ne da safiyar yau Laraba, yayin taron majalisar zartarwa da gwamnatin jihar ta saba yi duk sati, domin tattauna batutuwan da suka shafi gwamnatin jihar Kano.

“Za mu tabbatar an biya dukkanin waɗanda suka dace hakkin su na Fansho, domin su samu damar gudanar da sana’o’in dogaro da kai da za su iya riƙe iyalan su, “in ji Gwamnan”.

Wakilinmu na fadar gwamnatin Kano Umar Abdullahi Sheka ya rawaito cewa, gwamnatin Kano ta ce za ta tabbatar ta magance matsalar rashin ruwa da al’umma suke fuskanta a sassan jihar, domin samar musu da wani sauƙi.

Continue Reading

Manyan Labarai

Kotu ta zartas da hukuncin hallasta yarjejeniyar ƴan kasuwar Sabon Gari da hukumar gudanarwar kasuwar

Published

on

Babbar kotun jaha mai lamba 1, ƙarƙashin jagorancin mai Shari’a Dije Abdu Aboki, ta zartas da hukunci a kunshin wata ƙara wadda Alhaji Musa Yakubu da mutane 7 suka shigar, suna ƙarar hukumar kasuwar Muhammadu Abubakar Rimi wato Sabon Gari da shugaban hukumar.

Tunda farko, masu karar sun garzaya gaban kotun ne domin neman kotun ta tabbatar da yarjejeniyar da ke tsakanin ƴan kasuwar da hukumar kasuwar.

Masu ƙarar sun bayyana wa kotun cewar, tun a zamanin mulkin Soja suka ƙulla yarjejeniya da hukumar kasuwar a kan za su gina shaguna a filin kasuwar, kuma za su saɓunta biyan haraji bayan shekaru 15, masu ƙarar sun bayyana cewar kafin shekaru 15 din su cika hukumar kasuwa ta karɓe shagunan.

Da take zartas da hukuncin mai Shari’a Dije Aboki Aboki, ta ayyana cewar wannan yarjejeniya da ke tsakanin kungiyar ƴan kasuwar da hukumar kasuwar halastacciya ce kuma kotun ta tabbatar da ita.

A zaman dai mai Shari’a Dije Aboki ta halastawa ƴan kasuwar ta Sabon Gari, a ɓangaren Barkono da gidajen wanka a shagunan da suka mallaka a karkaahin waccan yarjejeniyar.

An kuma ayyana cewar hukumar kasuwar Sabon Gari, da shugaban hukumar za su biya Naira dubu dari biyu ga ƴan kasuwar.

Continue Reading

Trending