Manyan Labarai
Mutane 6 sun rasu daga cikin 14 da wani ginin Bene ya danne a Kano
![](https://dalafmkano.com/wp-content/uploads/2024/06/Screenshot_20240628-201653.png)
Wani ginin Bene mai hawa ɗaya da ake ginawa a unguwar Kuntau kusa da layin Uba Safiyanu, da ya ruguzowa mutane sama da 13, an yi zargin ya yi sanadiyyar rasuwar mutane shida, ciki kuwa har da mai gidan da kuma mai aikin ginin.
Ginin benen dai mai hawa ɗayan ya ruguzo ne a wannan rana ta Juma’a, a dai-dai lokacin da wasu mutane da dama suka fakewa ruwa a jikin gidan, al’amarin da ya danne akalla mutane sama da 13, wanda ya yi sanadiyyar mutane da dama.
Dagacin Dorayi Babba Mallam Musa Badamasi, ya bayyanawa wakilin mu
Mu’azu Musa Ibrahim cewa, a gaban sa an zaƙulo aƙalla mutane 12 daga cikin baraguzan ginin, inda tuni mamallakin gidan da kuma mai aikin gidan suka rasu, inda aka kai su Asibiti.
Dagacin ya kuma shawarci al’umma da su rinƙa neman shawarwarin masana
aikin Gini, a duk lokacin da za suyi gini, ta yadda za’a kaucewa fuskantar matsala irin wacce aka samu.
Yanzu haka dai ana ci gaba da fargaba yayin da ake ci gaba da bada agajin gaggawa a wajen, domin tonon sauran wadanda ginin ya danne.
Idan dai ba’a manta ba ko a kwanakin baya, sai da aka samu ruguzowar
wani ginin Bene a unguwar ta Kuntau al’amarin da ya yi sanadiyyar rasuwar mutane da dama, inda ko a ranar Alhamis, ma sai da aka samu ruguzowar wani ginin Bene mai hawa uku da ake ginawa a unguwar Sharada kwanar kasuwa, amma bai danne kowa ba.
Akan al’amarin ne wakilin Dala FM Kano, Abubakar Sabo, ya tuntuɓi mai magana da yawun hukumar tsara birane ta jihar Kano, KNUPDA, Bahijja Mallam Kabara, ta wayar tarho, sai dai kawo yanzu haƙar sa bata cimma ruwa ba, kasancewar bai ji daga gare ta ba.
![](https://dalafmkano.com/wp-content/uploads/2022/11/YOUTUBE-SUBSCRIBED.jpeg)
Manyan Labarai
Gwamnatin Kano ta ɗage komawar ɗalibai makarantu Firamare da na Sakandire
![](https://dalafmkano.com/wp-content/uploads/2024/08/1722976544128.jpg)
Gwamnatin jihar Kano ta ɗage komawa makarantun Firamare da na Sakandire daga ranar Lahadi da Litinin, har zuwa wani lokaci da za a saka a nan gaba.
Kwamishinan Ilmi na jihar Kano Umar Haruna Doguwa, ne ya bayyana hakan ta cikin wani saƙon murya da aka aikowa Dala FM Kano, a cikin daren yau Asabar 07 ga watan Satumban 2024.
Doguwa ya kuma ce gwamnatin ta yi niyyar buɗe makarantun kwana ne daga gobe Lahadi, yayin da na jeka ka dawo kuma ana kuɗiri aniyar buɗewa daga ranar Litinin, amma sakamakon wani abu na gaggawa da ya taso ya sanya aka ɗage komawa makarantun zuwa wani lokaci da za’a saka a nan gaba.
Kwamishinan Ilmin ya kuma bai wa iyayen yara haƙuri bisa jinkirin komawa makarantar da aka samu, wanda ya ce an yi hakan ne domin cikar daraja da mutumtakar ƴaƴan su, da kuma ƙara shiri akai.
![](https://dalafmkano.com/wp-content/uploads/2022/11/YOUTUBE-SUBSCRIBED.jpeg)
Manyan Labarai
Mun cafke yaron da suke satar Adai-dai ta sahu da wasu matasa a Kano – Rundunar tsaro ta Anti-Phone Snaching
![](https://dalafmkano.com/wp-content/uploads/2024/05/IMG-20240519-WA0002.jpg)
Rundunar tsaro da ke yaƙi da ƙwacen waya da faɗan Daba da kawar da Shaye-shaye ta Anti-Phone Snaching da ke jihar Kano, ta samu nasarar cafke wani Yaro da bai wuce shekaru 14 ba, da ake zargin wasu matasa sun haɗa kai da shi suka saci wani baburin Adai-dai ta sahu a unguwar Gammaja Tagwayen Gida.
Kwamandan rundunar tsaron ta Anti-Phone Snaching, Inuwa Salisu Sharaɗa, ne ya bayyanawa Dala FM Kano a ranar Juma’a, ya ce sun cafke matashin da baburin ne a cikin tsakar daren Laraba da misalin ƙarfe 04:00, a lokacin da suke sintiri, inda suka ci karo da matasan.
“A lokacin da muka yi kan matasan su huɗu da suke cikin baburin Adai-dai ta sahun inda uku suka tsere muka samu nasarar cafke Yaron ɗan unguwar Ɗorayi da Babur ɗin, amma muna ci gaba da bincike tare da ƙoƙarin kamo sauran matasan, “in ji Inuwa Sharaɗa”.
Kwamandan rundunar ya kuma ce a lokacin da suka cafke yaron ana tsaka da ruwan sama ne har ma ruwan ya jiƙa su sosai bisa rashin rigar ruwa da suke fama dashi, tare da fuskantar ƙarancin kayan aiki, har ma guda cikin ma’aikatan su ya faɗi tare da jin ciwo.
Hamisu Ahmad, shine Ma-mallakin Babur ɗin, ya ce a lokacin da aka sace masa baburin ya matuƙar shiga cikin damuwa duk da dai satar Babur ɗin shine karo na biyu.
Yaron da rundunar ta kama ya shaidawa Dala FM Kano cewa, su huɗu ne suke fita satar baburin Adai-dai Sahun, da kuma satar wayoyin mutane idan an ɗauka su sayar, amma ya yi nadama idan aka sake shi zai koma makaranta duk da mahaifin sa ya kareshi daga gidan su.
A cewar sa, “Mahaifina ya koreni nida ƙanena saboda yadda muke ƙin zuwa makaranta, amma dai idan na fita zan koma in bashi haƙuri domin nima abin ya dameni, “in ji yaron”.
Mai baburin ya kuma miƙa godiyar sa ga Allah S.W.T. tare da godewa jami’an rundunar bisa nasarar da aka na ganin Babur ɗin nasa har ma aka kama yaron da ake zargin sun sace ɗan sahun.
Majiyar Dala FM Kano, ta rawaito cewa, Inuwa Salisu Sharaɗa ya ƙara da cewa za su zurfafa bincike akan al’amarin gabanin bai wa wanda ya zo ya ce babur ɗin nasa ne.
![](https://dalafmkano.com/wp-content/uploads/2022/11/YOUTUBE-SUBSCRIBED.jpeg)
Manyan Labarai
Ruguzowar Gini ya yi sanadiyyar rasuwar mutane uku da jikkatar wasu a Kano
![](https://dalafmkano.com/wp-content/uploads/2024/09/Screenshot_20240905-210343.png)
Hukumar kashe gobara ta jihar Kano, ta tabbatar da mutuwar mutane uku a unguwar Sabon gari yankin Noman’sland da ke ƙaramar hukumar Fagge a Kano, sakamakon yadda gidan da suke mai hawa biyu ya ruguzo musu su biyar.
Jami’in hulɗa da jama’a na hukumar PFS Saminu Yusif Abdullahi, ne ya bayyanawa Dala FM Kano, hakan a ranar Alhamis, ya ce iftila’in ruguzowar ginin ya rutsa da mutane biyar biyo bayan mamakon ruwan saman da akayi a daren jiya Laraba.
Ya ce bayan da aka kai su Asibiti ne likitoci suka tabbatar da rasuwar mutane uku yayin da biyu suke karɓar kulawar likitoci.
Saminu Yusif ya kuma tabbatar da ruguzowar wani gini mai hawa ɗaya a unguwar Sharaɗa Turba layin Service da ke ƙaramar hukumar Birni, da ya faɗawa mutanen gidan su shida, inda jami’ansu suka kai su Asibitin Murtala Muhammad da ke Kano, yayin da suke karɓar kulawar likitoci.
A cewar sa, “Mun kuma samu labarin yadda wani gini mai hawa ɗaya da gaban gidan ta ruftawa mutane uku a unguwar Ƙofar Nassarawa Movie Quarters, daga bisani jami’an mu suka kai ɗauki, “in ji Samun Yusif”.
SC Musbahu ya ƙara da cewa, hukumar ta samu kiran gaggawa ne akan iftila’in ruftawar gine-ginen a ranar Alhamis, daga ɓangarorin da al’amarin ya faru, inda jami’ansu suka kai ɗaukin gaggawa.
![](https://dalafmkano.com/wp-content/uploads/2022/11/YOUTUBE-SUBSCRIBED.jpeg)
-
Nishadi5 years ago
Ina neman mijin aure – Rayya
-
Labarai4 years ago
Hamisu Breaker ya kai kan sa wajen ‘yan sanda
-
Nishadi5 years ago
Mansura Isah ta yi kaca-kaca da Sadiya Haruna
-
Manyan Labarai5 years ago
KAROTA: An baiwa Baffa Babba wa’adin kwanaki bakwai
-
Labarai5 years ago
Auren dan Panshekara da ba Amurkiya ya samu cikas
-
Lafiya2 years ago
Rahoto: An gano wani gida da ake gini da takardun Kur’ani da Alluna
-
Manyan Labarai5 years ago
Sabuwar damfarar da ta fito a Kano
-
Nishadi5 years ago
An gano daliban da Adam Zango ya dauki nauyin karatun su