Connect with us

Manyan Labarai

Bikin cika shekara 73 na majalisar dinkin duniya UN.

Published

on

A wani bangaren na bukukuwan cikar ta 74 da kafuwa, majalisar dinkin duniya wato UN ta fidda kididdigar alkalumman jin kai da ta ke aiwatar wa a sassan duniya

Cikin abubuwan data wassafa har da ceto rayukan kananan yara sama da miliyan 3 a kowacce shekara.

Fadada wasu ayyukan na jin kai ga yan gudun hijira da kuma yankuna da ke fama fari sama da mutum miliyan 71.

Samar da abinci da kuma tallafi ga mutane sama da miliyan 91 dake kasashe 83.

Aiki kafada da kafada da kasashe mambobi domin yaki da dumamar yanyi.

Kadan kenan daga cikin gudummuwar da majalisar ta zayyano ta bayar ga cigaban kasashen duniya.

Continue Reading

Labarai

Kano9: ‘Yan sanda sun kara ceto yaron Kano daga Onitsha

Published

on

Rundunar ‘yan sanda ta jihar Kano ta tabbatar da kara ceto wani yaro mai suna Muhammad Ya’u dan shekaru 11 dan unguwar PRP dake nan Kano, a garin Onitsha na jihar Anambra.

Cikin wata sanarwa da rundunar ‘yan sanda ta jihar Kano ta fitar mai dauke da sa hannun kakakin rundunar ta jihar Kano DSP. Abdullahi Haruna Kiyawa ta bayyana cewa wasu mutane biyu Paul Onwe namiji da kuma wata mace mai suna Mercy Paul ne suka sace yaron tun a shekarar ta 2014.

Daga nan ne kuma suka sayar da shi ga wata mata mai suna Ebere Ogbodo akan kudi naira dubu dari biyu (N200,000), sannan suka sauya masa suna daga Muhammad Ya’u zuwa Chinedu Ogbodo .

Hoton Muhammad Ya’u bayan ceto shi

Sanarwar ta kara da cewa tuni wadanda ake zargi na hannun ‘yan sanda kuma suna cigaba da fadada bincike akai.

Idan baku manta ba dai a baya-bayan nan ne dai, ‘yan sanda sunyi nasarar ceto wasu yara 9 daga garin na Onitsha ‘yan asalin jihar Kano da aka sata aka kuma sayar.

Rubutu masu alaka:

Majalisa: A gaggauta dawo da yaran da aka sace

‘Yan sandan Katsina sun gano motar da aka sace daga Kano

Continue Reading

Labarai

Mutanen unguwar Ja’en sun yi zanga-zangar lumana

Published

on

Alummar unguwar ja’en dake karamar hukumar gwale anan birnin kano sun gudanar da wata zanga-zangar lumana a daren jiya sakamakon nuna kin amincewarsu da jingine aiki da yan kwamatin yankin suka yi.

A yayin zanga-zangar lumanar al’ummar sun bayyana cewar dalilin daina aikin na yan kwamatin, yanzu haka an fara samun matsalar sace-sace a yankin unguwar.

Wakilin namu Tijjani Adamu ya kuma rawaito cewa jami’an na bijilante sun jingine aikin ne sabo da yadda jami’an tsaro suka kama wasu daga cikin mambobinsu, bisa tuhumarsu da laifin kisan wani matashi da suka kama da zargin satar man injin da yake baiwa fitulin titi yankin wuta.

Wannan dai ba shi ne karo na farko da mutanen unguwar Ja’en kan gudanar da zanga-zangar lumana kan wani abu dake ci musu tuwo a kwarya ba, domin zaku iya tunawa a kwanakin baya ma mun kawo muku labarin yadda matan aure na unguwar Ja’en Dango, suka gudanar da wata zanga-zangar lumana ta kin jinin wani mutum wanda suke zargin yana yin lalata da kananan yara a unguwar.

Rubutu masu alaka:

Matan unguwar Ja’en sunyi zanga-zanga

Wasu iyaye mata sun gudanar da zanga-zanga

Mutanen Rimin Gado sunyi zanga-zanga

Continue Reading

Labarai

Likitoci na kokarin ce to rayuwar mutumin da ake zargi da kwartanci a Kano

Published

on

Shi dai wannan al’amari ya faru ne a kauyen Wutar Kara dake karamar hukumar Rano, da misalin karfe 5 na asuba, inda ake zargin wani mutum mai suna Sulaiman Saleh mai shekaru 30, ya kutsa kai gidan wani mutum mai mata biyu, inda yayi kokarin neman daya matar da mijin baya dakinta.

Sai dai bayan da matar ta kwarma ihu, mijinta ya shigo har ta kai sun fara rigima da Sulaiman Saleh da ake zargi da kwartancin, sai dai al’ummar unguwa sun kawo dauki inda suka yiwa wanda ake zargin duka har ta kai da ya galabaita.

Kakakin rundunar ‘yan sanda ta jihar Kano DSP. Abdullahi Haruna Kiyawa ya tabbatawa da wakilin mu Abba Isah Muhammad cewa tuni suka dauki wanda ake zargin zuwa babban asibitin garin Rano, inda daga nan aka tura shi zuwa asibitin kwararru na Murtala Muhammad dake nan birnin Kano.

DSP. Kiyawa ya kara da cewa tuni kwamishin ‘yan sanda na jihar Kano CP. Ahmed Iliyasu ya bada umarnin dawo da wannan korafi zuwa sashen bincikin na sakatariyar ‘yan sanda dake Bompai domin cigaba da bincike.

Rubutuka masu alaka:

YAU MA’AIKATAN LAFIYA DA BA LIKITOCI BA SUKA KOMA AIKI BAYAN SHAFE FIYE DA KWANAKI 40 SUNA YAJIN AIKI.

Zamu gurfanar da ‘yan mari a gaban Kotu –’Yan sanda

Continue Reading

Trending

en_USEnglish
en_USEnglish