Labarai
An cafke wadanda sukayi garkuwa da karamin yaro a Kano
Rundunar ‘yan sanda ta jihar Kano ta cafke wani matashi mai suna Anas Isa dan shekaru 22, mazaunin unguwar Zangon Dakata, wanda ake zargida hada baki da kuma sace wani karamin yaro mai suna Abdurrahman Dalha mai kimanin shekaru hudu 4 tare da neman kudin fansa.
Wanda ake zargin ya bayyana cewar wani abokinsa mai suna Sulaiman shi ne ya kawo masa yaron a lokacin da yake tsaka da gudanar da sana’arsa ta aski, domin ya boye shi.
Anas Isa daya daga cikin wadanda ake zargin.
A don haka bayan ya karbi yaron sai ya tafi dashi kauyen Inusawa dake nan Kano gidan wata kanwar mahaifiyarsa mai suna Hajiya Hajjo inda yace da ita yaron ‘dan uwar dakinsa ne suka samu sabani da mijinta shi ne ya kawo shi wurinta domin ta ajiye masa shi, kafin a samu dai-daito.
Daga nan ne kuma suka nemi iyayen yaron da su biya su diyyar zunzurutun kudi har naira miliyyan hudu, sai dai a karshe an dai-daita akan kudi naira miliyan uku.
Rubutu masu alaka:
Yadda aka cafke budurwa na kokarin shigar da kwaya gidan gyaran hali na Kano
Kano9: ‘Yan sanda sun kara ceto yaron Kano daga Onitsha
Amma dai wanda ake zargi Anas Isa ya shiga hannu a yayin da yazo don karbar kudin fansar a yankin unguwar Dakata Bela dake nan Kano.
Wakilin mu Abba Isa Muhammad ya samu zantawa da matar da aka kaiwa ajiyar yaron mai suna Hajiya Hajjo wadda ta bayyana masa cewar ko kadan ba ta san cewa yaron nan sato shi akayi ba, hassalima ita dai dan ‘yar uwarta ne ya kawo mata shi da sunan ‘dan uwar dakin sa ne, amma a karshe ta yi nadama kan aikata wannan laifi na karbar ajiyar yaro ba tare da kwakwkwaran bincike ba.
Kakakin rundunar ‘yan sanda ta jihar Kano DSP. Abdullahi Haruna Kiyawa ya bayyana cewar a yanzu haka suna cigaba da bincike akai, kuma sun baza komar su domin kamo daya matashin, sannan da zarar sun kammala bincike zasu gurfanar da wadanda ake zargi a gaban kotu.
Rubutu masu alaka:
An kara ceto yara biyu da aka sace a Anambra
An ceto rayuwar jamiin kwana kwana da yayi arba da Maikilago
Mai martaba sarkin Kano Dakta Khalifa Muhammadu Sunusi na biyu, ya buƙaci dukkanin hakimansa da ke faɗin jihar nan da su mayar da hankali wajen gudanar da aikin su bisa gaskiya da riƙon Amana.
Sarkin ya bayyana hakan ne a lokacin da ya naɗa DSP Aminu Lamiɗo Sunusi a matsayin Chiroman Kano, kuma babban ɗan fadar Sarki, yau Juma’a a fadar sa.
Khalifa Muhammadu Sunusi na biyu, ya ce ya naɗa DSP Aminu Lamiɗo Sunusi a matsayin Chiroman Kano, ne bisa cancanta da zuminci da kuma gogewarsa akan aikinsa na ƴan sanda, tare kuma da taimakawa al’umma da yake yi a koda yaushe.
Mai martaba sarkin ya kuma taya Chiroman Kano, murna bisa wannan naɗin da aka yi masa, tare da fatan zai zamo jakada na gari musamman wajen samar da cigaban Al’umma da kuma masarautar Kano.
Wakilinmu na masarautar Kano Shamsu Da’u Abdullahi ya rawaito cewa taron naɗin ya samu halartar gwamnan jihar Kano Injiniya Abba Kabir Yusuf, da sarakunan gargajiya daga wasu daga cikin jahohin ƙasar nan.
Labarai
Za mu magance matsalolin da hukumar Hisbah ta Dala ke fuskanta – Shugaban ƙaramar hukumar Dala
Ƙaramar hukumar Dala ta ce za ta yi bakin ƙoƙarin ta wajen magance matsalolin da hukumar Hisbah ta ƙaramar hukumar Dala ke fuskanta, domin ƙara ƙarfafa musu gwiwa wajen gudanar da ayyukan al’umma.
Shugaban ƙaramar hukumar Suraj Ibrahim Imam ne ya bayyana hakan, a lokacin da jami’an hukumar Hisbah ta ƙaramar hukumar Dala, suka ziyarce shi a ofishinsa, domin taya shi murnar nasarar cin zaɓe da suka yi, tare da sanar dashi halin da hukumar Hisbar ke ciki a halin yanzu.
“Daga cikin ƙalubalen da zan yi ƙoƙarin magance wa akwai samar da ruwa da wutar lantarki da kuma samar wa hukumar kayan aiki, bisa yadda suke fama da rashin su, “in ji Suraj Imam”.
Shugaban ƙaramar hukumar ta Dala Sura ya kuma yi kira ga babban kwamandan hukumar Hisbah ta jihar Kano Sheikh Aminu Ibrahim Daurawa, da ya ƙara kulawa da walwalar hukumar ta ƙaramar hukumar Dala bisa ƙalubalen da suke fuskanta.
Da yake nasa jawabin kwamandan hukumar Hisbah ta ƙaramar hukumar Dala Mallam Umar Bala Muhammad, ya ce sun ziyarci shugaban ƙaramar hukumar ne domin taya shi murnar nasarar cin zaɓe da kuma sanar da shi halin da hukumar ke ciki, domin haɗa ƙari da ƙarfe wajen magance ƙalubalen da suke fuskanta.
Wakiliyarmu Hadiza Balanti ta rawaito cewa Mallam Umar Bala ya kuma ƙara da cewa a shirye hukumar hisbar ta ƙaramar hukumar Dala take wajen gudanar da ayyukan al’umma babu gajiyawa.
Labarai
Mun dakatar da karɓar kuɗin haraji a Fagge har sai an kammala bincike – Shugaban Ƙaramar hukumar Fagge
Ƙaramar hukumar Fagge ta dakatar da dukkannin harkokin karɓar haraji har zuwa lokacin da za’a kammala bincike, don tabbatar da cewa bangaren harajin nayin aiki bisa doka domin ciyar da ƙaramar hukumar gaba.
Shugaban ƙaramar hukumar ta Fagge Salisu Usman Masu ne ya bayyana hakan yayin zantawar sa da tashar Dala FM Kano, a safiyar yau Talata.
Salisu Usman ya kuma bayyana cewar duk filotan da aka yanka aka sayar ko aka bayar ba bisa ƙa’ida ba shima an soki shi.
Shugaban ya kuma yi kira ga ƴan kwangila waɗanda suka watsar da ayyukan da aka basu da su dawo bakin aiki ka’in da na’in.
A cewar sa, “Na fahimci irin kalubalen da ke damun al’umma a ɓangaren lafiya a ƙaramar hukumar mu ta Fagge; kuma za mu yi ƙoƙarin samar da kayan aiki domin magance matsalar, “in ji shi”.
Masu ya kuma bayyana cewar ƙaramar hukumar ta Fagge za ta inganta harkar ilimi da tsaro, da Lafiya, inda kuma yi kira ga duk wani mai kaunar ci gaban karamar hukumar Fagge da ya taho a hada hannu ko da shawara zai bayar dan ciyar da karamar hukumar gaba.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su