Connect with us

Manyan Labarai

Pillars ta yi kunnen doki a jihar Katsina

Published

on

Kungiyar Kwallon kafa ta Kano Pillars ta ya yi kunnen doki daya da daya da abokiyar hamayyar ta ta Katsina United a gasar cin kofin kwarru ta kasa wato (NPFL).

Dan wasan Kano Pillars, Seun Adelani Yusuf ne ya fara zura kwallo a minti 34 na zagayen farko daga baya kuma dan wasan Katsina United Tasiu Lawal ya farke kwallon a daf da a tafi hutun rabin lokaci wato minyi 44.

Yanzu haka Pillars na mataki na 13 da maki 17 yayin da Lobi Stars take matsayi na daya da maki 27 a wasa 14 da ta yi.

Kano Pillars za ta yi wasan ta na gaba da Akwa United

Ga ragowar wasannin da aka buga a yau.

Adamawa Utd 0-0 Wikki

MFM 2-1 Jigawa GS

Joshua Akpudje 41’, 69’ – Joshua Akpudje 30’ (OG)

Enyimba 0-2 Heartland

Sadiq Abubakar 30’, Chukwuemeka Obioma 45+1’

Sunshine Stars 2-1 Plateau Utd

Timileyin Ogunniyi 11’, Fuad Ekelojuoti 33’ – Uche Onwuasoanya 57’

Rivers Utd 1-1 Lobi Stars

Nelson Esor 2’ , Malachi Ohawume 75′ – John Lazarus 19’

Katsina Utd 1-1 Kano Pillars

Abia Warriors 2-1 FC Ifeanyiubah

Lukman Bello 28’, Yakub Hammed 75’ – Jimoh Gbadamosi 55’ (PEN)

Wolves 1-2 Rangers

Charles Atsemene 41’ – Kelvin Itoya 3’, Kenechukwu Agu 14’

Akwa Utd 0-2 Kwara Utd

Alao Dambani 26′ 49′

Labarai

Karo na farko: An yi gwajin kwakwalwa ga masu niyyar aure a Kano

Published

on

A karo na farko an yi gwajin kwakwalwa ga masu niyyar yin aure a unguwar Danbare da ke jihar Kano domin dakile yawaitar rikicin ma’aurata wanda ke haddasa kashe-kashen juna.

Mai unguwar ta Danbare Saifullahi Abba Labaran ne ya bayyana hakan a zantawar sa da gidan rediyon Dala ranar Talata.

Ya ce, “Wannan doka mun dade da kafa ta, kuma wadannan bayin Allah da a ka yiwa gwajin mu na yi musu godiya, sakamakon hadin kai da su ka bamu. Wanda zai aure ta zuwa ya ke ya na a gini a unguwar, har a ka saba da shi kamar dan unguwa, ita kuma yarinyar a unguwar ta ke. Likitoci sun ce ya taba faduwa a mashin amma hakan ba wata matsala ba ce, ranar daurin aure za’a kawo takardar gwajin domin kowa yasan babu matsala a tare da su”.

Ya kuma ce, “Ko auro mace a ka yi za’a a shigo da ita unguwar sai mun tabbatar da an yi gwajin. Idan likitoci su ka nuna akwai matsala tsakanin mace ko namiji zamu sanar domin daukar matakin hana auren”. A cewar mai unguwa

Kazalika, shima matashin da zai yi auren ya ce, “Na yi farin ciki da wannan tsarin, an yi mana gwajin kwakwalwa, an kuma gano na taba faduwa a kan mashin, amma an ce ba wata matsala a auren mu, duk abubuwan da a ka zayyana na zama a unguwar na yarda da su. Ni ba asalin dan unguwar ba ne zuwa aikin gini na ke har mu ka saba da su”. Inji matashin

A nata bangaren, itama matashiyar da za’a aura ta ce, “Ni ba a same ni da matsala ba, kuma ‘yar asalin unguwar ce ni. Ina fatan za mu zauna ba matsala ni da shi, kuma zai zauna da ni babu kishiya insha Allahu”. A cewar matashiyar

Saifullahi Abba Labaran ya kuma ja hankalin hukumomi a sauran jihohi domin yin dokar gwajin kwakwalwa ga masu niyyar yin aure, wanda hakan zai kawo karshen kashe-kashe a tsakanin ma’aurata.

Continue Reading

Labarai

Ganduje na ci gaba da bai wa al’umma tallafin Corona

Published

on

Shugaban kwamitin tattara tallafin rage radadin yanayin Corona Farfesa Muhammad Yahuza Bello ya ce a wannan karon ma gidaje dubu 50 ne za a rabawa tallafin a jihar Kano.

Farfesa Muhammad Yahuza Bello ya bayyana hakan ne a ranar Talata yayin kaddamar da tallafin karo na uku.

Ya ce, “A wannan karon za a fara rabon ne da kananan hukumomi da ke karkashin masaurautar Karaye”.

Ya kuma ce, “Duk magidancin da a ka zabo zai samu buhun shinkafa mai nau’in kilo 25, sai Dawa, da Taliya da kuma man girki”. A cewar Farfesa Muhammad Yahuza

Da yake jawabi gwamnan Kano wanda mataimakin sa kuma shugaban kwamitin  kar ta kwana ya wakilta Nasir Yusif Gawuna ya ce, “Hakika kwamitin tattara tallafin sun cancanci yabo duba da yadda tun daga kafa su su ke gudanar da aikin su”. Inji mataimakin gwamna

Wakiliyar mu Zahrau Nasir ta ruwaito cewa, kafin kaddamar da tallafin karo na uku sai da kwamitin ya kaddamar da wani tallafin gamayyar kungiyoyi masu zaman kan su da ba na gwamnati ba suka bayar.

Continue Reading

Labarai

Unguwar Wailari sun yi gangamin jan kunne ga masu shaye-shaye

Published

on

Al’ummar unguwar Wailari da ke karamar hukumar Kumbotso sun gudanar da gangami domin wayar da kai da kuma jan kunne a kan matasan da ke ta’ammali da kayan maye da fataucin su a yankin.

Kwamandan kungiyar Bijilante na unguwar ta Wailari Abdullahi mai Karfi a zantawar sa da gidan rediyon Dala a ranar Talata ya ce, “Sakamakon abubuwan da ke faruwa a unguwar mu ta Wailari, nan ‘Yan Lemo, akwai wuri da a ke cewa ‘Yar Kwadi kowa yasan wuri ne na ‘yan daba, mutane su ka ce ba su yarda ba, mu ka kai takardar koke wajen jami’an tsaro, shi ne mu ka fito domin mu ja kunnen matasan… A jiya mata tara su ka shigo unguwar su na shaye-shaye, yaran nan ‘ya’yan mu ne da kannan mu, bama kyamar su, halin su ne bama so, burin mu su shiryu”. Inji Kwamanda

Kazalika, shugaban Kwamitin cigaban unguwar ta Wailari Umar Isah Bidda, shima ya bayyana dalilin yin gangamin na su ya na mai cewa, “Wannan shekara saboda karuwar yara masu shaye-shaye ya sanya an samu kisan kai, su n gayyato abokan su na wata unguwar lokacin biki, garin yin bikin ne kuma a ke kashe wasu”. A cewar shugaban Kwamiti

Malam Ibrahim Idris Dagacin Wailari ya ce, “Dama duk wani shugaba, hatta mai sarautar gargajiya burin sa al’umma su bayar da gudunmawa, su shigo domin dakile abubuwan da basu dace ba, domin wasu yaran baki ne ba ‘yan unguwa ba, dole sai an hada karfi da karfe domin kawo ci gaban unguwa”. Inji Dakaci

Continue Reading

Trending

error: Content is protected !!
en_USEnglish
en_USEnglish