Connect with us

Labarai

An sa ranar da za a saurari shaidun Farfesan da a ke zargi da satar yara

Published

on

Babbar kotun jihar Kano mai lamba 2 karkashin jagorancin mai shari’a, Aisha Rabiu Danlami, ta fara sauraron wata kara wadda gwamnatin jihar ta shigar a gaban ta.

Gwamnatin jihar Kano ita ce ta gurfanar da Farfesa Solomon Tarfa, wanda a ke zargi da laifin satar kananun yara maza da mata 19.

Lauyan gwamnati, Lamido Soron Dinki, shi ne ya gabatar da takardun kunshin zargin, sai dai Farfesa Tarfa ya musanta zargin da a ke yi masa.

Kunshin zargin ya bayyana cewar, Farfesa Tarfa, ya na satar yara ya na kai su gidansa da ke unguwar No man’s land.

Ko da ya ke, Tarfan ya ce kalan sharri ne, lauyan da ya ke kare shi ya roki kotun da ta sanya, Tarfa a hannun beli.

Mai gabatar da kara Lamido Soron Dinki ya yi suka inda ya bayyana cewar akwai irin wannan rokon a gaban, mai shari’a, Faruk Adamu na babbar kotun jhar mai lamba 7.

Mai shari’a, Aisha Rabiu Danlami, ta bayyana cewar ba za ta yi wani umarni dangane da batun bayar da beli ba, tun da dai batun neman belin ya na gaban wata kotun wadda su ke da hurumi iri daya da kotun ta.

Tun a farkon watan 2 ne kotun majistret mai lamba 29 karkashin mai shari’a, Hassan Fagge, ta sanya Tarfa a hannun beli bisa sharadin sai ya kawo babban sakatare daga ma aikatar tarayya.

Ko da ya ke, Tarfan ya kasa cika wannan sharadi domin haka ya garzaya babbar kotun jiha mai lamba 7 domin a sassauta sharadin.

Wakilin mu, Yusuf Nadabo Ismail, ya rawaito cewar an sanya ranar 12 da 13 ga watan 5 domin fara sauraron shaidu.

Sai dai kuma shugaban kungiyar kare hakkin dan Adam, kwamared AA Haruna Ayagi, ya bayyana cewar za su sanya idanu a kan shari’ar har zuwa karshen ta.

Labarai

Sarkin Kano Khalifa Muhammadu Sunusi na biyu, ya naɗa Ɗan Sa a matsayin Chiroman Kano.

Published

on

Mai martaba sarkin Kano Dakta Khalifa Muhammadu Sunusi na biyu, ya buƙaci dukkanin hakimansa da ke faɗin jihar nan da su mayar da hankali wajen gudanar da aikin su bisa gaskiya da riƙon Amana.

Sarkin ya bayyana hakan ne a lokacin da ya naɗa DSP Aminu Lamiɗo Sunusi a matsayin Chiroman Kano, kuma babban ɗan fadar Sarki, yau Juma’a a fadar sa.

Khalifa Muhammadu Sunusi na biyu, ya ce ya naɗa DSP Aminu Lamiɗo Sunusi a matsayin Chiroman Kano, ne bisa cancanta da zuminci da kuma gogewarsa akan aikinsa na ƴan sanda, tare kuma da taimakawa al’umma da yake yi a koda yaushe.

Mai martaba sarkin ya kuma taya Chiroman Kano, murna bisa wannan naɗin da aka yi masa, tare da fatan zai zamo jakada na gari musamman wajen samar da cigaban Al’umma da kuma masarautar Kano.

Wakilinmu na masarautar Kano Shamsu Da’u Abdullahi ya rawaito cewa taron naɗin ya samu halartar gwamnan jihar Kano Injiniya Abba Kabir Yusuf, da sarakunan gargajiya daga wasu daga cikin jahohin ƙasar nan.

Continue Reading

Labarai

Za mu magance matsalolin da hukumar Hisbah ta Dala ke fuskanta – Shugaban ƙaramar hukumar Dala

Published

on

Ƙaramar hukumar Dala ta ce za ta yi bakin ƙoƙarin ta wajen magance matsalolin da hukumar Hisbah ta ƙaramar hukumar Dala ke fuskanta, domin ƙara ƙarfafa musu gwiwa wajen gudanar da ayyukan al’umma.

Shugaban ƙaramar hukumar Suraj Ibrahim Imam ne ya bayyana hakan, a lokacin da jami’an hukumar Hisbah ta ƙaramar hukumar Dala, suka ziyarce shi a ofishinsa, domin taya shi murnar nasarar cin zaɓe da suka yi, tare da sanar dashi halin da hukumar Hisbar ke ciki a halin yanzu.

“Daga cikin ƙalubalen da zan yi ƙoƙarin magance wa akwai samar da ruwa da wutar lantarki da kuma samar wa hukumar kayan aiki, bisa yadda suke fama da rashin su, “in ji Suraj Imam”.

Shugaban ƙaramar hukumar ta Dala Sura ya kuma yi kira ga babban kwamandan hukumar Hisbah ta jihar Kano Sheikh Aminu Ibrahim Daurawa, da ya ƙara kulawa da walwalar hukumar ta ƙaramar hukumar Dala bisa ƙalubalen da suke fuskanta.

Da yake nasa jawabin kwamandan hukumar Hisbah ta ƙaramar hukumar Dala Mallam Umar Bala Muhammad, ya ce sun ziyarci shugaban ƙaramar hukumar ne domin taya shi murnar nasarar cin zaɓe da kuma sanar da shi halin da hukumar ke ciki, domin haɗa ƙari da ƙarfe wajen magance ƙalubalen da suke fuskanta.

Wakiliyarmu Hadiza Balanti ta rawaito cewa Mallam Umar Bala ya kuma ƙara da cewa a shirye hukumar hisbar ta ƙaramar hukumar Dala take wajen gudanar da ayyukan al’umma babu gajiyawa.

Continue Reading

Labarai

Mun dakatar da karɓar kuɗin haraji a Fagge har sai an kammala bincike – Shugaban Ƙaramar hukumar Fagge

Published

on

Ƙaramar hukumar Fagge ta dakatar da dukkannin harkokin karɓar haraji har zuwa lokacin da za’a kammala bincike, don tabbatar da cewa bangaren harajin nayin aiki bisa doka domin ciyar da ƙaramar hukumar gaba.

Shugaban ƙaramar hukumar ta Fagge Salisu Usman Masu ne ya bayyana hakan yayin zantawar sa da tashar Dala FM Kano, a safiyar yau Talata.

Salisu Usman ya kuma bayyana cewar duk filotan da aka yanka aka sayar ko aka bayar ba bisa ƙa’ida ba shima an soki shi.

Shugaban ya kuma yi kira ga ƴan kwangila waɗanda suka watsar da ayyukan da aka basu da su dawo bakin aiki ka’in da na’in.

A cewar sa, “Na fahimci irin kalubalen da ke damun al’umma a ɓangaren lafiya a ƙaramar hukumar mu ta Fagge; kuma za mu yi ƙoƙarin samar da kayan aiki domin magance matsalar, “in ji shi”.

Masu ya kuma bayyana cewar ƙaramar hukumar ta Fagge za ta inganta harkar ilimi da tsaro, da Lafiya, inda kuma yi kira ga duk wani mai kaunar ci gaban karamar hukumar Fagge da ya taho a hada hannu ko da shawara zai bayar dan ciyar da karamar hukumar gaba.

Continue Reading

Trending