Labarai
Ganduje ya fara binciken ciyarwa a makarantun Firamare
Gwamnan jihar Kano, Dr Abdullahi Umar Ganduje ya kafa kwamitin da zai binciki yadda a ke ciyar da daliban firamare a fadin jihar Kano.
Daliban makarantar Firamaren Dan Isaa.
Kwamitin karkashin jagorancin hukumar Hisba, ta fara bibiyar al’amuran ne tun a cikin makon nan wanda ta fara rangadin gudanar da binciken karkashin babban Kwamadan hukumar, Sheikh Muhammad Haruna Ibn Sina.
Daliban sun yi layi a na zuba masu taliya samfurin macaroni kowa rabin ludayi.
Cikin zagayen na ranar Laraba, karkashin mataimakin babban kwamandan hukumar mai kula da bangaren Da’awah, Murtala Muhammad Adam, wanda su ka ziyarci makarantu uku daga yankin karamar hukumar Rimin Gado.
Masu dafa Macaroni mai da yaji suna aikin gaurayawa kafin su rabawa dalibai a Firamaren Butu-Butu.
Cikin makarantu da hukumar ta ziyarta ta fara yada zango ne a Firamaren Butu-Butu, wanda ta tarar da a na kokarin gauraya Taliya samfarin Macaroni da man gyada da yaji, wanda masu dafa abincin suka bayyana cewa su ma a haka a ka umarce su tare da baiwa dalibai dafafiyar Macaroni da mai da yaji kusan leda 7 ga dalibai sama da 350.
Dafa dikar Macaroni da za a rabawa dalibai a Firamaren Dan Isaa.
Haka zalika hukumar bayan daukar adadin dalibai maza da mata a makarantar ta kuma wuce makarantar Firamaren Dan Isa da firamaren Dan Isaar Kanawa a yankin, wanda nan ma hukumar ta Hisba ta duba yadda a ke raba abincin ciki kuwa akwai shinkafa da Macaroni wake da Biskit harma da Dambu a dukannin ranaku biyar. Sai dai a cikin makarantun malaman makarantun Firamaren sun koka kan rashin basu isasun kayan abinci da man girki inda suka bayyana cewa ciki harma kudin su ne yake shiga sakamakon karancin abincin da bay a isar daliban wanda wasu dole sai chokali daidai suke samu wasu kuwa a makarantun rabin ludayin roba suke samu.
Dafa dikar macaroni da a ke rabawa daliban makarantar Dan Isaar Kanawa.
A nasa jawabin, jagoran tafiya a yankin Rimin Gado, Murtala Muhammad Adam, ya bayyana takaicin sa sakamakon yadda suka tsinci a na rabawa daliban abincin.
Dalibai na dakon a raba masu abinci a cikin ajujuwan su.
Malaman makarantun sun bayyana cewa suna ciyar da daliban ne tun daga matakin ajin Firamare na daya har zuwa na hudu a gwamnatin jiha sai kuma matakin ajin firamare na biyar da na shida gwamnatin tarayya ke ciyar da daliban.
Kwamitin CRC shi ne dai mai kula da alhakin ciyar da daliban makarantun firamaren jihar Kano.
Mai martaba sarkin Kano Dakta Khalifa Muhammadu Sunusi na biyu, ya buƙaci dukkanin hakimansa da ke faɗin jihar nan da su mayar da hankali wajen gudanar da aikin su bisa gaskiya da riƙon Amana.
Sarkin ya bayyana hakan ne a lokacin da ya naɗa DSP Aminu Lamiɗo Sunusi a matsayin Chiroman Kano, kuma babban ɗan fadar Sarki, yau Juma’a a fadar sa.
Khalifa Muhammadu Sunusi na biyu, ya ce ya naɗa DSP Aminu Lamiɗo Sunusi a matsayin Chiroman Kano, ne bisa cancanta da zuminci da kuma gogewarsa akan aikinsa na ƴan sanda, tare kuma da taimakawa al’umma da yake yi a koda yaushe.
Mai martaba sarkin ya kuma taya Chiroman Kano, murna bisa wannan naɗin da aka yi masa, tare da fatan zai zamo jakada na gari musamman wajen samar da cigaban Al’umma da kuma masarautar Kano.
Wakilinmu na masarautar Kano Shamsu Da’u Abdullahi ya rawaito cewa taron naɗin ya samu halartar gwamnan jihar Kano Injiniya Abba Kabir Yusuf, da sarakunan gargajiya daga wasu daga cikin jahohin ƙasar nan.
Labarai
Za mu magance matsalolin da hukumar Hisbah ta Dala ke fuskanta – Shugaban ƙaramar hukumar Dala
Ƙaramar hukumar Dala ta ce za ta yi bakin ƙoƙarin ta wajen magance matsalolin da hukumar Hisbah ta ƙaramar hukumar Dala ke fuskanta, domin ƙara ƙarfafa musu gwiwa wajen gudanar da ayyukan al’umma.
Shugaban ƙaramar hukumar Suraj Ibrahim Imam ne ya bayyana hakan, a lokacin da jami’an hukumar Hisbah ta ƙaramar hukumar Dala, suka ziyarce shi a ofishinsa, domin taya shi murnar nasarar cin zaɓe da suka yi, tare da sanar dashi halin da hukumar Hisbar ke ciki a halin yanzu.
“Daga cikin ƙalubalen da zan yi ƙoƙarin magance wa akwai samar da ruwa da wutar lantarki da kuma samar wa hukumar kayan aiki, bisa yadda suke fama da rashin su, “in ji Suraj Imam”.
Shugaban ƙaramar hukumar ta Dala Sura ya kuma yi kira ga babban kwamandan hukumar Hisbah ta jihar Kano Sheikh Aminu Ibrahim Daurawa, da ya ƙara kulawa da walwalar hukumar ta ƙaramar hukumar Dala bisa ƙalubalen da suke fuskanta.
Da yake nasa jawabin kwamandan hukumar Hisbah ta ƙaramar hukumar Dala Mallam Umar Bala Muhammad, ya ce sun ziyarci shugaban ƙaramar hukumar ne domin taya shi murnar nasarar cin zaɓe da kuma sanar da shi halin da hukumar ke ciki, domin haɗa ƙari da ƙarfe wajen magance ƙalubalen da suke fuskanta.
Wakiliyarmu Hadiza Balanti ta rawaito cewa Mallam Umar Bala ya kuma ƙara da cewa a shirye hukumar hisbar ta ƙaramar hukumar Dala take wajen gudanar da ayyukan al’umma babu gajiyawa.
Labarai
Mun dakatar da karɓar kuɗin haraji a Fagge har sai an kammala bincike – Shugaban Ƙaramar hukumar Fagge
Ƙaramar hukumar Fagge ta dakatar da dukkannin harkokin karɓar haraji har zuwa lokacin da za’a kammala bincike, don tabbatar da cewa bangaren harajin nayin aiki bisa doka domin ciyar da ƙaramar hukumar gaba.
Shugaban ƙaramar hukumar ta Fagge Salisu Usman Masu ne ya bayyana hakan yayin zantawar sa da tashar Dala FM Kano, a safiyar yau Talata.
Salisu Usman ya kuma bayyana cewar duk filotan da aka yanka aka sayar ko aka bayar ba bisa ƙa’ida ba shima an soki shi.
Shugaban ya kuma yi kira ga ƴan kwangila waɗanda suka watsar da ayyukan da aka basu da su dawo bakin aiki ka’in da na’in.
A cewar sa, “Na fahimci irin kalubalen da ke damun al’umma a ɓangaren lafiya a ƙaramar hukumar mu ta Fagge; kuma za mu yi ƙoƙarin samar da kayan aiki domin magance matsalar, “in ji shi”.
Masu ya kuma bayyana cewar ƙaramar hukumar ta Fagge za ta inganta harkar ilimi da tsaro, da Lafiya, inda kuma yi kira ga duk wani mai kaunar ci gaban karamar hukumar Fagge da ya taho a hada hannu ko da shawara zai bayar dan ciyar da karamar hukumar gaba.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su