Labarai

Matashi ya kai karar abokin sa ofishin ‘yansanda saboda ya ci mai shinkafa cokali daya

Published

5 years ago

02/04/2020

Wani matashi ya kai karar abokin sa zuwa ofishin ‘yan sanda sakamakon abokin say a ci masa abincin sa cokali guda kacal.

Lamarin ya faru ne a cikin kasuwar Sabon Gari dake Kano, lokacin da mai karar Basiru Kura Wardau, ya kai Malam Umar Kyauta zuwa ofishin ‘yan sanda mafi kusa da kasuwa.

Malam Umar, ya ce” Na ci shinkafar sa ne cokali daya tsabar ransa ne ya bace ya kai ni ofishin ‘yan sanda, kuma aboki na ne sosai har abunci na ya na ci, hatta yanzu ma akwai kudi na a wurin sa, kuma wannan kaddare ce ta faru da ni, domin kuwa da mu ka je ofishin sulhu a ka yi ma na da shi, kuma ni na siyi abinci wanda ya fi na sa ya kuma ci. Yanzu an yi ma na Tsakani da shi, ko rabin cokalin bai kai ba wanda na ci, kuma shinkafa ce da taliya ko nama babu, ina zaune sai na ji dan sanda ya zo wuri na ya ce mu tafi caji ofis”. Inji Malam Umar.

Sulaiman Ayuba ya na cikin wadanda su ka lamarin ya ce” Wata mai siyar da abinci Khadija it ace ta kawo abuncin ina zaune a cikin rumfa ta, kuma wannan shi ne rana ta farko bamu taba ganin irin wannan tsarin ba a rayuwar mu da mu ke zaune, mu mu na daukar abun da wasa ba mu san abun zai zama haka ba”.

Murtala Yobe Dala inda ya ce” Ina zuwa na ga an dako dan sanda na ce indai a kan abinci ne Basiru Kura bai kyauta ba, sai wani ya ce wai yawu ya tofa masa a cikin abinci, abun ya ba mu mamaki sosai, kuma hakan ba ta taba faruwa ba, domin kowa na cin abincin kowa”.

Wakilin mu Abubakar Sabo, ya tuntubi mai karar ta wayar tarho, Basiru Kura Wardau, ya shaida masa cewa ba a kan abinci cokali daya ba ne kawai dai akwai abun da ya yi masa shi ya say a dauki matakin.

Labarai

Sarkin Kano Khalifa Muhammadu Sunusi na biyu, ya naɗa Ɗan Sa a matsayin Chiroman Kano.

Published

1 week ago

15/11/2024

Hassan Mamuda Ya'u

Mai martaba sarkin Kano Dakta Khalifa Muhammadu Sunusi na biyu, ya buƙaci dukkanin hakimansa da ke faɗin jihar nan da su mayar da hankali wajen gudanar da aikin su bisa gaskiya da riƙon Amana.

Sarkin ya bayyana hakan ne a lokacin da ya naɗa DSP Aminu Lamiɗo Sunusi a matsayin Chiroman Kano, kuma babban ɗan fadar Sarki, yau Juma’a a fadar sa.

Khalifa Muhammadu Sunusi na biyu, ya ce ya naɗa DSP Aminu Lamiɗo Sunusi a matsayin Chiroman Kano, ne bisa cancanta da zuminci da kuma gogewarsa akan aikinsa na ƴan sanda, tare kuma da taimakawa al’umma da yake yi a koda yaushe.

Mai martaba sarkin ya kuma taya Chiroman Kano, murna bisa wannan naɗin da aka yi masa, tare da fatan zai zamo jakada na gari musamman wajen samar da cigaban Al’umma da kuma masarautar Kano.

Wakilinmu na masarautar Kano Shamsu Da’u Abdullahi ya rawaito cewa taron naɗin ya samu halartar gwamnan jihar Kano Injiniya Abba Kabir Yusuf, da sarakunan gargajiya daga wasu daga cikin jahohin ƙasar nan.

Labarai

Za mu magance matsalolin da hukumar Hisbah ta Dala ke fuskanta – Shugaban ƙaramar hukumar Dala

Published

2 weeks ago

11/11/2024

Hassan Mamuda Ya'u

Ƙaramar hukumar Dala ta ce za ta yi bakin ƙoƙarin ta wajen magance matsalolin da hukumar Hisbah ta ƙaramar hukumar Dala ke fuskanta, domin ƙara ƙarfafa musu gwiwa wajen gudanar da ayyukan al’umma.

Shugaban ƙaramar hukumar Suraj Ibrahim Imam ne ya bayyana hakan, a lokacin da jami’an hukumar Hisbah ta ƙaramar hukumar Dala, suka ziyarce shi a ofishinsa, domin taya shi murnar nasarar cin zaɓe da suka yi, tare da sanar dashi halin da hukumar Hisbar ke ciki a halin yanzu.

“Daga cikin ƙalubalen da zan yi ƙoƙarin magance wa akwai samar da ruwa da wutar lantarki da kuma samar wa hukumar kayan aiki, bisa yadda suke fama da rashin su, “in ji Suraj Imam”.

Shugaban ƙaramar hukumar ta Dala Sura ya kuma yi kira ga babban kwamandan hukumar Hisbah ta jihar Kano Sheikh Aminu Ibrahim Daurawa, da ya ƙara kulawa da walwalar hukumar ta ƙaramar hukumar Dala bisa ƙalubalen da suke fuskanta.

Da yake nasa jawabin kwamandan hukumar Hisbah ta ƙaramar hukumar Dala Mallam Umar Bala Muhammad, ya ce sun ziyarci shugaban ƙaramar hukumar ne domin taya shi murnar nasarar cin zaɓe da kuma sanar da shi halin da hukumar ke ciki, domin haɗa ƙari da ƙarfe wajen magance ƙalubalen da suke fuskanta.

Wakiliyarmu Hadiza Balanti ta rawaito cewa Mallam Umar Bala ya kuma ƙara da cewa a shirye hukumar hisbar ta ƙaramar hukumar Dala take wajen gudanar da ayyukan al’umma babu gajiyawa.

Labarai

Mun dakatar da karɓar kuɗin haraji a Fagge har sai an kammala bincike – Shugaban Ƙaramar hukumar Fagge

Published

4 weeks ago

29/10/2024

Hassan Mamuda Ya'u

Ƙaramar hukumar Fagge ta dakatar da dukkannin harkokin karɓar haraji har zuwa lokacin da za’a kammala bincike, don tabbatar da cewa bangaren harajin nayin aiki bisa doka domin ciyar da ƙaramar hukumar gaba.

Shugaban ƙaramar hukumar ta Fagge Salisu Usman Masu ne ya bayyana hakan yayin zantawar sa da tashar Dala FM Kano, a safiyar yau Talata.

Salisu Usman ya kuma bayyana cewar duk filotan da aka yanka aka sayar ko aka bayar ba bisa ƙa’ida ba shima an soki shi.

Shugaban ya kuma yi kira ga ƴan kwangila waɗanda suka watsar da ayyukan da aka basu da su dawo bakin aiki ka’in da na’in.

A cewar sa, “Na fahimci irin kalubalen da ke damun al’umma a ɓangaren lafiya a ƙaramar hukumar mu ta Fagge; kuma za mu yi ƙoƙarin samar da kayan aiki domin magance matsalar, “in ji shi”.

Masu ya kuma bayyana cewar ƙaramar hukumar ta Fagge za ta inganta harkar ilimi da tsaro, da Lafiya, inda kuma yi kira ga duk wani mai kaunar ci gaban karamar hukumar Fagge da ya taho a hada hannu ko da shawara zai bayar dan ciyar da karamar hukumar gaba.