Connect with us

Labarai

Za mu mika matar da a ke zargi da safarar yara zuwa NAPTIP -Karibu Lawan

Published

on

Kungiyar kare hakkin dan Adam ta Global Community for Human Right, ta ce za ta mika matar da a ke zargi zuwa wuirn hukumar kare hakkin yara ta NAPTIP sakamakon safarar yara da ta yi.

Shugaban kungiyar Karibu Lawan Kabar, ya tabbar da hakan ne yayin da suka karbo korafin matar da a ke zargi da aikata safarar yaran kawo su aikatau a cikin birnin Kano.

Ya ce” Lamarin ya shigo ofishin mu kuma kasancewar a na maganar matar da a ke zargin ta na kai yaran aikatau mai suna Zainab Kabuga ta saba hakan ne ya sa za mu mika al’amarin wajen hukumar kare hakkin yara ta NAPTIP, kuma za mu ci gaba da bibiyar al’amarin domin tabbatar da cewar an dauki matakin da ya da ce”. Inji Karibu Kabara.

wani mutum mai suna Hamada shi ne ya tsinci karamar yarinyar mai suna Amina Hussaini ‘yar kimanin shekara 11, a unguwar Kabuga a gefen wata katuwar kwata wanda ya sanya dole ya kawo ta ofishin kungiyar domin duba al’amarin.

Sai dai mahaifiyar yarinyar ta ce”Dole ce ta sa suka kai yarinyar aikatau,saboda za a rinka ba ta Naira dubu biyu duk wata, amma mun yi kuskure ba za mu kara ba”. Inji Suwaiba Hussaini.

Wakilin mu Hassan Mahmud Ya’u ya rawaito cewa sai dai Zainab Kabuga ta ce ita sharri a ka yi mata ba safarar yara ta ke yi ba, amma dai tasan takai yarinyar aikatau.

Labarai

Rashin amfani da ƙananun kuɗaɗe na (Coins) yana kawo tsadar kayan masarufi – Masanin tattalin arziki

Published

on

Wani masanin tatttalin arziki a jihar Kano Dakta Ibrahim Ahmad Muhammad, ya ce rashin amfani da ƙananun kuɗaɗe na (Coins) kwandaloli, hakan kan haifar da koma baya musamman ma ga ƙasashen da basa amfani da su.

Dakta Ibrahim Ahmad Muhammad, wanda kuma shine shugaban sashin koyar da ilimin banking and finance na jami’ar tarayya ta Dutse, ya bayyana hakan ne ta cikin shirin Doka Gatan Al’umma na nan gidan rediyon Dala FM Kano, da ya gudana a yau Litinin.

“Dai na amfani da ƙananun kuɗaɗe na (Coins) yana kawo tsadar kayan masarufi, kuma idan mutum yaje sayen kayan masarufin zai fuskanci hakan, “in ji Dr. Ibrahim”.

Ya ƙara da cewa duk da cewar dai na amfani da ƙananun kudaɗen (Coins) da zarar an inganta harkar wutar lantarki, babu makawa za’a samu sauƙi saboda masu ƙananun masana’antu za su rage kashe kuɗi.

Wakilinmu Yusuf Nadabo Isma’il ya rawaito cewa Dakta Ibrahim Muhammad Ahmad, ya kuma bukaci hukumomi da su mayar da hankali akan noma da sanya kishin kasa a gaba, domin samar da ci gaba ga al’umma.

Continue Reading

Labarai

Zamu magance ƙalubalen da ake samu a fannin ilimi mai zurfi – Gwamnatin Kano

Published

on

Gwamnatin jahar kano ta sha alwashin mangance dukkanin wani ƙalubale a fannin ilimi mai zurfi a fadin jihar Kano.

Kwamishinan ilimi mai zurfi Dakta Ibrahim Yusif kofar mata, ne ya
bayyana hakan a yayin taron yaye daliban kwalejin ilimi ta Aminu
Kano (AKCOE), da ya gudana a ranar Alhamis.

Y kuma ce yanzu haka tattaunawa tayi nisa a hukumance akan bukatar kwalejin dan ganin ta samu wadataccenf ilin da za ta gina jami’a.

Dakta Ibrahim kofar mata ya bayyana gamsuwa da tsarin da kwalejin take bi wajen gudanar da karatu, inda ya kuma ja hankalin dalibai 40 da suka karbi shaidar kammala karatun NCE,
da su zama ababen koyi.

Da yake nasa jawabin shugaban kwalejin Dr. Ayuba Ahmad Muhammad, ya ce da zarar sun shiga sabon tsari za su fara da daukar dalibai yan asalin jahar Kano mutum dubu daya kyauta, tare da biyawa ‘yan makarantar
kudi sama da Naira miliyan 300 yan asalin jahar kano dan
karfafawa matasa gwiwa.

Wakilinmu Yusif Nadabo Isma’il ya rawaito cewa al’umma da dama ne suka samu damar halartar taron daga guraren daban-daban na jihar Kano, da ma ƙasa baki ɗaya.

Continue Reading

Labarai

Bama jin daɗin yadda wasu iyaye suke hana ƴaƴan su maza auren mu – Budurwa mai larurar Ƙafa

Published

on

Wata matashiyar budurwa mai buƙata ta musamman dake da lalurar Ƙafa Samira Ahmad Tijjani, ta nuna rashin jin daɗin ta, bisa yadda mafi yawan iyaye suke nunawa masu lalurar ƙyama, wajen hana ƴaƴan su auren masu lalurar ƙafar lamarin da yasa al’amarin ke matuƙar ɓata musu rai.

A zantawar wakilinmu na ƴan Zazu Hassan Mamuda Ya’u, da budurwar ta ce, mafi yawancin su mata masu lalurar ƙafar sun ma fi mata masu lafiya iya Girki, da sauran ayyukan yau da kullum.

Ta ci gaba da cewa, “Amma abin takaici sai a rinƙa nuna mana ƙyama, ko kuma wariya musamman ma wajen neman aure, bayan kuma ba mu muka yiwa kan mu halitta ba, “in ji Samira”.

Ta kuma ce abinda wasu daga cikin iyaye suke yi musu kan nuna ƴaƴan su ba za su aure mai lalurar Kafa ba, basa jin daɗin hakan, shi yasa ma ta fito domin ta sanarwa al’umma domin gujewa hakan.

A cewar ta, “Ko nima nayi soyayya mara misaltuwa da samari masu lafiyar Ƙafa, amma mahaifiyar ɗaya daga cikin su ta ce ita ba wai bata sona ba, amma tana jin kunyar ta tuna ni a cikin mutane cewar a zummar matar ɗan ta”.

Daga bisani dai ta yi kira ga al’umma da su dai na nuna ƙyamar ko kuma nuna wariya a gare su, bisa yadda iyayen su suke matuƙar shiga cikin damuwa a duk lokacin da aka nuna musu wariyar.

Continue Reading

Trending