Labarai

Covid-19: Gwamnati ta kara kaimi wajen taimakawa al’umma -Sarkin Kano

Published

5 years ago

17/04/2020

Maimartaba Sarkin Kano, Dr Aminu Ado Bayero, ya ce wannan doka da gwamnati ta dauka an dauke ta ne bisa shawarwarin masana lafiya domin dakile yaduwar ta a tsakankanin al’umma baki daya.

A cikin jawabin san a yau juma’a a kan cutar Coronavirus da ya yi, Dr Aminu Ado Bayero ya ce a wannan gabar ya ke kara baiwa al’umma su ci gaba da hakuri na halin da a ka tsinci kai a wannan rana.

Ya ce” Mu zama masu biyayya a kan wannan umarnin na gwamnati domin kasancewa a gidajen mu domin gudanar da ibadun mu a wannan rana ta juma’a da sauran ranaku domin kaucewa yaduwa daga wannan annoba, saboda haka ina kira ga dukannin jama’a mu jure da wannan al’amari da Allah ya jarabce mu da ita, mu bi shawarar masana mu yi biyayya ga dokokin gwamnati kamar yadda addinin mu ya tanada, mu tsananta neman tuba da kariya a wurin Allah, jama’a mu na jimame kwarai da gaske bisa halin da za a shi ga bisa yadda hana zirga-zirga za ta shafi harkokin neman abincin su da kuma nay au da kullum”.

Ya kuma ce“ Gwamnati da ta kara kaimi wajen fito da hanyoyin da za a taimakawa masu rauni da masu kananan sana’o’i da wannan dokar za ta fi shafa, mu na kuma sake kira ga dukan jama’a da mu yi azama mu amfana da wannan dama domin taimakawa ‘yan uwa da makwabta da sauran mabukata na kusa damu, lallai musulmi dan uwan musulmi ne, domin haka mu yi kokari mu tallafawa ‘yan uwan mu makwabtan mu da dukan mabukata tun kafin tsare-tsaren hukuma ya sadu ga kowa, mu na fatan gwamnati za ta gaggauta a wannan bigiren, yin hakan Allah madaukakin sarki zai sauko mana da rahamar sa da gaggawa, a karshe ina kira ga jama’a da su fahimci cewa duk kaddarar da ubangiji ya daurawa bayin sa, lallai za ta wuce idan a ka yi hakuri da juriya a ka koma gareshi a cikin tuba da tawali’u a ka kuma dai na sabawa dokokin sa, sannan kuma a ka bi shawarar masana”. A jawabin sarkin Kano, Dr Aminu Ado Bayero.

Labarai

Sarkin Kano Khalifa Muhammadu Sunusi na biyu, ya naɗa Ɗan Sa a matsayin Chiroman Kano.

Published

1 week ago

15/11/2024

Hassan Mamuda Ya'u

Mai martaba sarkin Kano Dakta Khalifa Muhammadu Sunusi na biyu, ya buƙaci dukkanin hakimansa da ke faɗin jihar nan da su mayar da hankali wajen gudanar da aikin su bisa gaskiya da riƙon Amana.

Sarkin ya bayyana hakan ne a lokacin da ya naɗa DSP Aminu Lamiɗo Sunusi a matsayin Chiroman Kano, kuma babban ɗan fadar Sarki, yau Juma’a a fadar sa.

Khalifa Muhammadu Sunusi na biyu, ya ce ya naɗa DSP Aminu Lamiɗo Sunusi a matsayin Chiroman Kano, ne bisa cancanta da zuminci da kuma gogewarsa akan aikinsa na ƴan sanda, tare kuma da taimakawa al’umma da yake yi a koda yaushe.

Mai martaba sarkin ya kuma taya Chiroman Kano, murna bisa wannan naɗin da aka yi masa, tare da fatan zai zamo jakada na gari musamman wajen samar da cigaban Al’umma da kuma masarautar Kano.

Wakilinmu na masarautar Kano Shamsu Da’u Abdullahi ya rawaito cewa taron naɗin ya samu halartar gwamnan jihar Kano Injiniya Abba Kabir Yusuf, da sarakunan gargajiya daga wasu daga cikin jahohin ƙasar nan.

Labarai

Za mu magance matsalolin da hukumar Hisbah ta Dala ke fuskanta – Shugaban ƙaramar hukumar Dala

Published

2 weeks ago

11/11/2024

Hassan Mamuda Ya'u

Ƙaramar hukumar Dala ta ce za ta yi bakin ƙoƙarin ta wajen magance matsalolin da hukumar Hisbah ta ƙaramar hukumar Dala ke fuskanta, domin ƙara ƙarfafa musu gwiwa wajen gudanar da ayyukan al’umma.

Shugaban ƙaramar hukumar Suraj Ibrahim Imam ne ya bayyana hakan, a lokacin da jami’an hukumar Hisbah ta ƙaramar hukumar Dala, suka ziyarce shi a ofishinsa, domin taya shi murnar nasarar cin zaɓe da suka yi, tare da sanar dashi halin da hukumar Hisbar ke ciki a halin yanzu.

“Daga cikin ƙalubalen da zan yi ƙoƙarin magance wa akwai samar da ruwa da wutar lantarki da kuma samar wa hukumar kayan aiki, bisa yadda suke fama da rashin su, “in ji Suraj Imam”.

Shugaban ƙaramar hukumar ta Dala Sura ya kuma yi kira ga babban kwamandan hukumar Hisbah ta jihar Kano Sheikh Aminu Ibrahim Daurawa, da ya ƙara kulawa da walwalar hukumar ta ƙaramar hukumar Dala bisa ƙalubalen da suke fuskanta.

Da yake nasa jawabin kwamandan hukumar Hisbah ta ƙaramar hukumar Dala Mallam Umar Bala Muhammad, ya ce sun ziyarci shugaban ƙaramar hukumar ne domin taya shi murnar nasarar cin zaɓe da kuma sanar da shi halin da hukumar ke ciki, domin haɗa ƙari da ƙarfe wajen magance ƙalubalen da suke fuskanta.

Wakiliyarmu Hadiza Balanti ta rawaito cewa Mallam Umar Bala ya kuma ƙara da cewa a shirye hukumar hisbar ta ƙaramar hukumar Dala take wajen gudanar da ayyukan al’umma babu gajiyawa.

Labarai

Mun dakatar da karɓar kuɗin haraji a Fagge har sai an kammala bincike – Shugaban Ƙaramar hukumar Fagge

Published

4 weeks ago

29/10/2024

Hassan Mamuda Ya'u

Ƙaramar hukumar Fagge ta dakatar da dukkannin harkokin karɓar haraji har zuwa lokacin da za’a kammala bincike, don tabbatar da cewa bangaren harajin nayin aiki bisa doka domin ciyar da ƙaramar hukumar gaba.

Shugaban ƙaramar hukumar ta Fagge Salisu Usman Masu ne ya bayyana hakan yayin zantawar sa da tashar Dala FM Kano, a safiyar yau Talata.

Salisu Usman ya kuma bayyana cewar duk filotan da aka yanka aka sayar ko aka bayar ba bisa ƙa’ida ba shima an soki shi.

Shugaban ya kuma yi kira ga ƴan kwangila waɗanda suka watsar da ayyukan da aka basu da su dawo bakin aiki ka’in da na’in.

A cewar sa, “Na fahimci irin kalubalen da ke damun al’umma a ɓangaren lafiya a ƙaramar hukumar mu ta Fagge; kuma za mu yi ƙoƙarin samar da kayan aiki domin magance matsalar, “in ji shi”.

Masu ya kuma bayyana cewar ƙaramar hukumar ta Fagge za ta inganta harkar ilimi da tsaro, da Lafiya, inda kuma yi kira ga duk wani mai kaunar ci gaban karamar hukumar Fagge da ya taho a hada hannu ko da shawara zai bayar dan ciyar da karamar hukumar gaba.