Connect with us

Labarai

Marayu 324 su ka samu kayan sallah a unguwar Tukuntawa

Published

on

Cibiyar tallafawa marayu na Masjid Kuba dake unguwar Tukuntawa a karamar hukumar birni a jihar Kano, ta rabawa marayu maza da mata kimanin 324 kayan sallah dake fadin yankin.

Rabon kayan sallah ga marayun ya gudana a harabar masallacin Juma’a na unguwar Tukuntawa.

Shugaban kungiyar, Adam Musa Dan Azumi ke jawabi a yayin taron.

Shugaban kungiyar, Adam Musa Dan Azumi, ya ce” Wannan dai shi ne kashi na shida da mu ka yi rabon kayan wato yau shekaru shida kenan mu na yi, mun raba kayan sallah na marayu su mutum 324 a tsakanin maza da mata wanda mu ka gayyaci yaran da ba su wuce hamsin ba, saboda dokar hana taruwa da yawa, wannan shi ma mu na samun taimako ne daga daliban makarantar Gharu Hira bangaran matan aure da kuma wasu na waje kamar su Engr. Shehu Ibrahim Khalil Baban Raga da wasu da yawa da su ka bamu gudunmawa musammamma shi Engr ya dau nauyin yara mutum dari da saba’in mata dari da goma sha biyar sai ragowar maza, kuma taron ya sami hallartar dagacin unguwar Gandu da mai unguwar Tukuntawa da mai unguwar Kwandilar Gandu da shi kansa Engr. Ibrahim Khalil da sauran Malan makaranta karkashin shugabancin makarantar Mal Nura Umar Abdulaziz”. A cewar sa.

Cibiyar tallafawa marayu ta Gharu Hira ta kum Ja hankalin mawadata da su fito su taimaka a irin wannan aikin sakamakon mawuyacin halin da marayu ke sha a rayuwar su.

Labarai

Za mu magance ƙarancin Unguzoma a asibitoci – Gwamna Badaru

Published

on

Ma’aikatar Lafiyar jihar Jigawa ta ce, za ta samar da mata masu karbar haihuwa domin magance matsalar karancin su a asibitoci musamman a lunguna.

Babban sakataran ma’aikatar lafiya na jihar Jigawa Dr. Salisu Mu’azu ne ya bayyana haka, yayin da yake ganawa da wakili Dala FM, a jihar Jigawa.

Ya ce, “Babbar matsalar da tafi damun ma’aikatar yanzu haka shi ne dabi’ar da wasu ma’aikatan lafiya ke da ita ta kin zuwa wurin da a ka turasu aiki musamman mata”.

Ya kuma ce, “Irin wannan dabi’a ce ta ke taimakawa wajen kawo cunkoson marasa lafiya a asibitocin birane, duk kuwa da kokarin da gwamnati ke yi na samar da makarantun koyar da aikin lafiya a jihar”. Inji Dakta Salisu Mu’azu

Dr. Salisu ya kuma kara da cewa, akwai takaici matuka kan wannan dabi’a, duba da yadda gwamnatin jihar Jigawa ta samar da asibitoci a kowacce mazaba amma irin wannan halayya na neman kawo nakasu kan wannan yunkuri.

Continue Reading

Labarai

Kudade sun yi tasiri a zaben jihar Edo – CDD

Published

on

Cibiyar bunƙasa dimukuraɗiyya ta CDD ta ce, duk wanda ya ci zaɓen gwamnan jihar Edo da a ka gabatar a jiya Asabar, ƙarfin kuɗinsa ne yasa ya samu nasara.

Jami’i mai lura da wakilan cibiyar dake sanya idanu a zaɓen jihar Farfesa Jibril Ibrahim ne ya bayyana hakan a zantawarsa da Dala FM

Ya ce, “Wakilai 250 tare da ƴan jarida 18 ne ke aikin sanya ido kan zaɓen a ƙarƙashin cibiyar, kuma rahotannin da muka samu daga wakilan mu ya nuna cewa amfani da kuɗi wajen sayen ƙuri’u ya yi tasiri matuƙa a rufunan zaɓe”.

Ya kuma ce, “Labaran ƙarya game da zaɓen sun ta’azzara, kasancewar wasu na amfani da kafafan sada zumunta wajen yaɗa labaran da basu da tushe game da zaɓen”.

Ya kara da cewa, “An fuskanci matsalar rashin fara zaɓe da wuri a wasu mazaɓun, duk da cewar shekara da shekaru an saba fuskantar wannan matsalar a zaɓe amma ya kamata a ce an kauce mata” A cewar Farfesa Jibril Ibrahim

Farfesa Farfesa Jibril Ibrahim ya kuma ce, an yi zaɓen ba tare da samun rigingimun zaɓe ba wanda tun a baya a ka yi zato, sai dai wanda ba a rasa ba.

Inda kuma a yanzu haka rahotanni suka fita cewar, Gamna Godwin Obase na jam’iyyar PDP, ya lashe zaben jihar ta Edo da kuri’u 307, 955, inda abokin takararsa daga jam’iyyar APC Ize-Iyamu ya samu kuri’u 223, 619.

 

 

Continue Reading

Labarai

NNPC: Cire tallafin mai zai sanya a daina cuwa-cuwa – Malam Mele Kyari

Published

on

Shugaban kamfanin mai na kasa NNPC Malam Mele Kolo Kyari ya ce, wasu daidaikun mutane ne kawai ke amfana da tallafin man fetur da gwamnati ta ke bayarwa, wanda bayar da tallafin ke janyo duk matsalolin da ke faruwa.

Malam Mele Kolo Kyari, ya bayyana hakan ne a zantawar sa da gidan rediyon Dala.

Ya ce, “Daga shekarar 2006 zuwa yanzu an kashe kudi sun wuce  Naira Tiriliyan goma sha hudu, kuma tallafin ba za ka nuna cewa ga abin da a ka yi da shi ba”.

Ya kuma ce, “Cire tallafin ya sanya za a daina yin cuwa-cuwa, kudin za su yi wa hukuma da al’ummar Najeriya amfani, kuma babu zancen sayar da matatar mai, yanzu batu a ke yi na samo mutanen da za su zuba hannun jari ne a ciki”. A cewar Malam Mele Kolo Kyari

Wakilinmu Abba Mika’ilu Dandami ya rawaito cewar, Malam Mele Kolo Kyari ya kuma kara da cewa, idan a ka kammala aikin shimfida bututun iskar gas daga Abekuta zuwa Kaduna ya wuce jihar Kano, masana’antun da a ka rufe duk za su tashi, kuma za a samu sababbin masana’antu, kuma za a samu wadatuwar wutar lantarki, kuma za a samu ayyukan yi.

 

Continue Reading

Trending

error: Content is protected !!