Connect with us

Labarai

Covid-19: Yadda gwajin Corona ke tafiya a Kano

Published

on

Tun bayan bullar cutar Covid-19 a Kano a kan samu wasu ranaku da ba a samu karin wadanda a ka gano su na dauke da cutar ba.

Ko a ranar Asabar 16 ga watan Mayun da mu ke ciki, ba a samu ko mutum guda dake dauke da cutar ba a Kano, haka abun yake a ranar Talata 19 ga watan Mayun.

Farfesa Isah Sadiq Abubakar shi ne shugaban sashen gwaje-gwajen cututtuka masu yaduwa na jami’ar Bayero dake jihar Kano, domin jin shin ko hakan ya na nufin an tasamma kassara cutar a Kano?

Ya ce “A’a ba za mu yi saurin daukar hakan ba, domin yin hakan zai zama wani ganganci, domin idan a ka dauka anyi nasarar dakile wannan cuta tun yanzu to kaga mutane za a yi sake, daga mu masu yakar abun zuwa mutanen gari. Ganin cewa ba a samu case ba na kwana daya abu ne da zai faranta mana rai, amma kuma kwana daya ba komai bane a wannan yaki, har sai in an samu hakan ya dore zuwa wani lokaci, mun ga cewa abun ba a samun bullar cutar shi ne  za mu yi wannan murna cewa an fara samun nasara”.

Ko a kwai mutanen da ku ka yi wa gwaji a ranar Asabar din kuma a ka samu basa dauke da cutar, domin haka ya zama “0 Case” ko yaya?

“To akwai dakunan gwaji guda 3 a Kano, amma na san a dakin da nake shugabanci na jami’ar Bayero ba muyi gwajin Kano ko guda daya ba a wannan rana, ban san sauran dakunan gwajin ba. Mu a wurin mu ranar mun yi aikin da a ka aiko mana daga jihohin Katsina da Jigawa, amma Jigawa sun aiko guda 600, Katsina kuma sun aiko da guda 200 to sai ranar Lahadi mu ka yi aikin na Kano”.

A kididdigar da ku ke fitarwa ta adadin wadanda su ka kamu ko su ka warke a kullum, ko akwai yi wuwar ku rika fitarwa dauke da adadin wadanda ku ka yi wa gwaji a kullum, a cikin su ga wadanda su ka kamu domin jama’a su rinka rarrabewa?

 

“Eh, ya kamata dai kam, wannan tsari ne me kyau kuma kwamiti na jiha zai yi hakan nan bada jimawa ba. Inji Farfesa Isah.

Tattaunawar mu da Farfesa Isah Sadiq Abubakar shugaban sashen gwaje-gwajen cututtuka masu yaduwa na jami’ar Bayero dake jihar Kano.

Click to comment

You must be logged in to post a comment Login

Labarai

An kama wani matashi da zargin sacewa almajirai kayan sawa

Published

on

Shugaban kungiyar Bijilante na yankin unguwar Hausawa dake karamar hukumar Tarauni a Kano, Usaini Haruna Kailo, ya shawarci iyaye da su kara kulawa da tarbiyyar ya’yan su domin rayuwar su ta zama abar koyi a nan duniya dama ranar gobe kiyama.

Usaini Kailo ya bayyana hakan ne a yayin zantawar sa da wakilin mu Hassan Mamuda Ya’u, bayan kama wani matashi da su ka yi, da zargin diban kayayyakin sawa na almajirai cikin wata makarantar tsangaya a unguwar Hausawa ‘yan babura.

Ya ce” Matukar iyaye za su kara kulawa da tarbiyar ya’yan su babu shakka za a rage yawaitar samun lalacewar su”.

Da yake nasa jawabin matashin da a ka kama ya ce” Wannan shi ne na farko kuma shi ne na karshe ba zan kara satar kayayyakin mutane ba”.

Wakilin na mu Hassan Mamuda Ya’u ya rawaito mana cewa, Kwamandan Bijilanten Usaini Haruna Kailo ya ce, za su mika matashin da su ka kama wajen jami’an tsaro domin matakin da ya dace a kan sa domin hakan ya zama izina ga sauran matasa.

Continue Reading

Labarai

Covid-19: Gwamnatin Kogi ta karyata hukumar NCDC

Published

on

Gwamnatin Jihar Kogi ta musanta rahoton hukumar dakile yaduwar cututtuka ta kasa NCDC cewa mutum biyu sun kamu da cutar Coronavirus a jihar.

A ranar Larabar da ta gabata ne dai hukumar ta NCDC ta sanar a shafinta na Twitter cewa an samu bullar cutar Covid-19 a jihar ta Kogi inda tace mutane 2 ne ta tabbatar sun kamu da cutar a jihar.

Sai dai a cikin wata sanarwa da kwamishinan lafiya na jihar ta Kogi, Dakta Saka Haruna Audu ya musanta rahoton, inda sanarwar ta bayyana rahoton na NCDC a matsayin labarin kanzon kurege ne da bashi da tushe balantana makama.

Ya ce” A shirye gwamnatin Kogi ta ke wajen kare rayukan al’ummar ta, kuma ba za ta sanya siyasa a cikin sha’anin kiwon lafiya a jihar ba”.

Sai dai hukumar NCDC ba ta ce komai ba dangane da ikrarin na gwamnatin jihar Kogi.

Continue Reading

Labarai

Covid-19: Buhari ya nemi sake ciyo bashi

Published

on

Shugaban kasa Muhammadu Buhari ya sake aikewa da wata wasika ga majalisar wakilai domin sahale masa ya ciyo bashin dala Biliyan 5.

Wasikar da shugaban majalisar wakilan Femi Gbajabiamila ya karanta a gaban majalisar a yau alhamis, ta bayyana cewa, za a yi amfani da bashin ne domin cike gurbin kasafin kudin bana, na manyan ayyuka.

Kazalika ta cikin wasikar shugaban ya kuma ce za a yi amfani da bashin wajen kara tallafawa jihohi domin yaki da cutar corona.

A kwanakin bayane dai majalisa ta sahalewa shugaban kan ciyo wasu bashi na biliyan 22.

Continue Reading

Trending

error: Content is protected !!
en_USEnglish
en_USEnglish