Labarai
Shekara guda: Ina a ka kwana a batun gidauniyar Umar Sa’idu Tudun Wada?
Shugaban kungiyar ‘yan jaridu ta kasa reshen jihar Kano, Kwamrade Abbas Ibrahim, ya ce har yanzu kungiyar na yunkurin kafa gidauniya mai suna Umar Sa’id Tudun Wada, wadda za ta tallafawa iyalan sa.
Kwamrade Abbas Ibrahim na wannan batun ne a wajen taron addu’ar shekara guda da rasuwar Umar Sa’id Tudun Wada da kuma tunawa da shi wanda ya gudana yau Talata a dakin taro na Coronation dake gidan gwamnatin Kano.
Ya ce” In Allah ya yarda mu na yunkurin kafa gidauniya mai suna UST, domin tallafawa iyalan sa mu na kan wannan batun wajen ganin wannan gidauniyar ta tabbata”. A cewar Kwamrade Abbas.
Lokacin da marigayin UST ke jawabi a wajen taro.
Marigayin ya rike mukamaki a wasu daga cikin kafafen gidajen rediyo a Kano ciki akwai Freedom Radio wanda ya rike mukamin Janar Manaja da mataimakin shugaban rukunin tashar Freedon rediyo, ya yi Manajan Darakta na rediyo Kano da kuma Daraktan yada labarai na gidan gwamnatin Kano lokacin tsohon gwamnan Kano Dr Rabi’u Musa Kwankwaso ya kuma yi aiki a sashen hausa na rediyo Amurka.
Yayin da marigayin ke aiki a sashen Hausa na Rediyo Amurka.
Marigayi Umar Sa’id Tudun Wada wanda ya samu lakabin UST, kafin rasuwar sa ya bada gudunmawa a bangaren aikin jarida ciki da wajen jihar Kano da kasa da kuma duniya baki daya. Wanda ya tallafa wajen yin amfani da ilimin sa na koyarwa da fadakarwa tare da sa wasu daga cikin ma su aikin jarida a kan hanya. Sannan a duk lokacin da aikin zabe ya taso marigayin ya kan yi iya kokarin san a bada gudunmawa ga wadanda za su yi aikin wajen koyar da su yadda za su yi aikin tare da kare kan su a yayin aikin. Sannan a duk ranar Laraba a kan gayya ce shi zuwa makarantar koyar da ‘yan jarida wanda tsohon gwamnan jihar Kano, Dr Rabi’u Musa Kwankwaso ya bude a gidan talabijin din ARTV wato Kano Development Journlism Institute domin nunawa dalibai ma’aikata ilimi a kan aikin jarida.
Marigayin na jawabi a wajen taro.
Haka zalika an sanyawa sabon masallacin juma’a na rediyon manoma dake unguwar Tukuntawa a karamar hukumar birni mai suna Umar Sa’id Tudun Wada, sakamakon gudunmawa da ya bayar wajen yada addinin musulunci kasancewar shi ne mutumin da ya assasa harsashin ginin masallacin lokacin ya na shugaban gidan rediyon Kano kafin rasuwar sa.
Marigayi Umar Sa’id Tudun Wada na zaune a ofishin sa kafin rasuwar sa.
Marigayin ya rasu ne a lokacin da yake dawo wa daga kan hanyar sa ta Abuja zuwa garin Kano, inda ya gamu da hadari a kan hanyar sa ta dawo wa Kano daga Kaduna. Ya kuma bar mata Uku da kuma ‘ya’ya da dama tare da jikoki.
Lokacin da UST ke gabatar da shiri a wajen aikin sa kafin rasuwa.
A yayin taron wanda wakilin mu Abubakar Sabo ya halarci taron addu’o’in marigayi UST tare da tunawa da shi, ya ce mutane da dama ne su ka halarci taron daga sassan jihohin kasar nan ciki harda jihar Kano, sannan yayan marigayin Alhaji Yakubu Sa’id Tudun Wada da kuma shugabar taron Sa’a Ibrahim wadda ita ce shugabar tashar ARTV, sai shugabar kungiyar ‘yan jarida mata Bilkisu Ado Zango tare da Kwamishinan yada labarai na jihar Kano, Kwamrade Muhammad Garba.
Mai martaba sarkin Kano Dakta Khalifa Muhammadu Sunusi na biyu, ya buƙaci dukkanin hakimansa da ke faɗin jihar nan da su mayar da hankali wajen gudanar da aikin su bisa gaskiya da riƙon Amana.
Sarkin ya bayyana hakan ne a lokacin da ya naɗa DSP Aminu Lamiɗo Sunusi a matsayin Chiroman Kano, kuma babban ɗan fadar Sarki, yau Juma’a a fadar sa.
Khalifa Muhammadu Sunusi na biyu, ya ce ya naɗa DSP Aminu Lamiɗo Sunusi a matsayin Chiroman Kano, ne bisa cancanta da zuminci da kuma gogewarsa akan aikinsa na ƴan sanda, tare kuma da taimakawa al’umma da yake yi a koda yaushe.
Mai martaba sarkin ya kuma taya Chiroman Kano, murna bisa wannan naɗin da aka yi masa, tare da fatan zai zamo jakada na gari musamman wajen samar da cigaban Al’umma da kuma masarautar Kano.
Wakilinmu na masarautar Kano Shamsu Da’u Abdullahi ya rawaito cewa taron naɗin ya samu halartar gwamnan jihar Kano Injiniya Abba Kabir Yusuf, da sarakunan gargajiya daga wasu daga cikin jahohin ƙasar nan.
Labarai
Za mu magance matsalolin da hukumar Hisbah ta Dala ke fuskanta – Shugaban ƙaramar hukumar Dala
Ƙaramar hukumar Dala ta ce za ta yi bakin ƙoƙarin ta wajen magance matsalolin da hukumar Hisbah ta ƙaramar hukumar Dala ke fuskanta, domin ƙara ƙarfafa musu gwiwa wajen gudanar da ayyukan al’umma.
Shugaban ƙaramar hukumar Suraj Ibrahim Imam ne ya bayyana hakan, a lokacin da jami’an hukumar Hisbah ta ƙaramar hukumar Dala, suka ziyarce shi a ofishinsa, domin taya shi murnar nasarar cin zaɓe da suka yi, tare da sanar dashi halin da hukumar Hisbar ke ciki a halin yanzu.
“Daga cikin ƙalubalen da zan yi ƙoƙarin magance wa akwai samar da ruwa da wutar lantarki da kuma samar wa hukumar kayan aiki, bisa yadda suke fama da rashin su, “in ji Suraj Imam”.
Shugaban ƙaramar hukumar ta Dala Sura ya kuma yi kira ga babban kwamandan hukumar Hisbah ta jihar Kano Sheikh Aminu Ibrahim Daurawa, da ya ƙara kulawa da walwalar hukumar ta ƙaramar hukumar Dala bisa ƙalubalen da suke fuskanta.
Da yake nasa jawabin kwamandan hukumar Hisbah ta ƙaramar hukumar Dala Mallam Umar Bala Muhammad, ya ce sun ziyarci shugaban ƙaramar hukumar ne domin taya shi murnar nasarar cin zaɓe da kuma sanar da shi halin da hukumar ke ciki, domin haɗa ƙari da ƙarfe wajen magance ƙalubalen da suke fuskanta.
Wakiliyarmu Hadiza Balanti ta rawaito cewa Mallam Umar Bala ya kuma ƙara da cewa a shirye hukumar hisbar ta ƙaramar hukumar Dala take wajen gudanar da ayyukan al’umma babu gajiyawa.
Labarai
Mun dakatar da karɓar kuɗin haraji a Fagge har sai an kammala bincike – Shugaban Ƙaramar hukumar Fagge
Ƙaramar hukumar Fagge ta dakatar da dukkannin harkokin karɓar haraji har zuwa lokacin da za’a kammala bincike, don tabbatar da cewa bangaren harajin nayin aiki bisa doka domin ciyar da ƙaramar hukumar gaba.
Shugaban ƙaramar hukumar ta Fagge Salisu Usman Masu ne ya bayyana hakan yayin zantawar sa da tashar Dala FM Kano, a safiyar yau Talata.
Salisu Usman ya kuma bayyana cewar duk filotan da aka yanka aka sayar ko aka bayar ba bisa ƙa’ida ba shima an soki shi.
Shugaban ya kuma yi kira ga ƴan kwangila waɗanda suka watsar da ayyukan da aka basu da su dawo bakin aiki ka’in da na’in.
A cewar sa, “Na fahimci irin kalubalen da ke damun al’umma a ɓangaren lafiya a ƙaramar hukumar mu ta Fagge; kuma za mu yi ƙoƙarin samar da kayan aiki domin magance matsalar, “in ji shi”.
Masu ya kuma bayyana cewar ƙaramar hukumar ta Fagge za ta inganta harkar ilimi da tsaro, da Lafiya, inda kuma yi kira ga duk wani mai kaunar ci gaban karamar hukumar Fagge da ya taho a hada hannu ko da shawara zai bayar dan ciyar da karamar hukumar gaba.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su