Labarai

Ba zamu bari ambaliya ta shanye al’ummar Ja’en ba – KNUPDA

Published

4 years ago

08/07/2020

Hukumar tsara birane ta jihar Kano (KNUPDA) ta ce ba za ta lamunta ba, a kan mutunen da su ke yin gini a kan magudanen ruwa a fadin jihar Kano.

Babban manajan daraktan hukumar, Akitakta Sulaiman Ahmad Abdulwahab ne ya tabbatar da hakan lokacin da yake ganawa da wakilin mu yayin wata ziyara ta musamman da hukumar ta kai ziyara yankin unguwar Ja’en a karamar hukumar Gwale, sakamakon ambaliyar ruwa da yake addabar wani bangare a yankin.

Ya ce”A korafin da mu ka samu cewa, ruwa ya na shiga cikin gidajen mutanen unguwar, haka mu ka hakura da taron da mu ke, domin duba wannan koken na su, kuma nan take mu ka sanar da injiniyoyin mu domin samar da mafita a lamarin, amma da mu ka zo sai mu ka fuskanci abubuwa guda uku, na farko akwai tare hanyar ruwa, tare hanyar mutane da gini ba bisa ka’ida ba. Matakin da za mu dauka, saboda rayuwar mutum daya, rayuwar mutane da dama ta salwanta, dokar da mu ka dauka shi ne, za mu zo mu bi duk matakan da za mu bi mu bude hanyar ruwa, bama so mu ji an yi bacci mutum ya tashi a ruwa tsamo-tsamo, har salwantar rayuwa a ka samu”. Inji Akitet Sulaiman.

Ga cikakken jawabin sa da wakilin mu Abba Isah Muhammad ya aiko mana.

Labarai

Ƴan kasuwa ku tsaftace magudanan ruwa bisa gabatowar Damuna – Ƙungiyar Amata ta kasuwar Singa

Published

1 day ago

17/04/2024

Hassan Mamuda Ya'u

An buƙaci ƴan kasuwa da su rinƙa tsaftace tare da gyara magudanan ruwa a cikin kasuwannin su, bisa yadda damuna ke ƙara gabatowa.

Shugaban ƙungiyar Amata reshen kasuwar Singa Alhaji Musa Ibrahim Ɗan gaske, ne ya bukacin hakan a zantawar sa da manema labarai, yayin kaddamar da tsaftace kasuwar da kuma gyara mugudanun ruwan kasuwar.

Alhaji Musa, ya kuma ce ta hanyar tsaftace magudanan ruwan ne za a gujewa kowacce irin ambaliyar ruwa a cikin kasuwanni.

Hangen Dala

Yau za’a fara Shari’ar Ganduje da gwamnatin Kano

Published

2 days ago

17/04/2024

Ahmad Rabi'u Ja'en

A yau ne babbar kotun jaha mai lamba 4 zata fara sauraron wata sharia wadda gwamnatin kano ta ahigar.

Gwamnatin jahar kano dai ta shigar da karar tsohon gwamnan jahar kano Dr Abdullahi Umar Ganduje da mai dakinsa Hafsat Umar Ganduje da kuma dansu Umar Abdullahi Ganduje da kuma wani kamfani mai suna Lamash da kuma Dr Jibrilla Muhammad.

Gwamnatin jahar kano dai tana zargin Ganduje da wadanna mutane da laifin hada baki da barnatar da dukiyoyin gwamnati.

Cikin zarge-zargen da ake yiwa su Ganduje akwai batun sun sayar da wasu filotai ba bisa ka’ida ba.

Da kuma batun zargin da akewa Ganduje na badakalar karbar dala tun a shekarar 2019.

Yanzu haka an girke jami,an tsaro a harabar sakateriyar Audu Bako inda kuma daga yanzu zuwa kowane lokaci kotun zata fara sauraron korafin kamar yadda wakilinmu Yusuf Nadabo Ismail ya rawaito

Labarai

Ku tallafawa mazauna gidajen gyaran halin dan rage musu raɗaɗin rayuwa – Mallam Ibrahim Bunkure

Published

3 days ago

15/04/2024

Hassan Mamuda Ya'u

Limamin masallacin Salafussaleh dake unguwar Ɗorayi ƙarama a jihar Kano, Mallam Ibrahim Abdullahi Bunkure, ya shawarci al’umma da su ƙara dagewa wajen tallafawa mazauna gidajen ajiya da gyaran hali, da masu buƙata ta musamman, domin rage musu wani raɗaɗin rayuwa na yau da kullum.

Mallam Ibrahim Abdullahi Bunkure, ya bayyana hakan ne yayin da suka tallafawa mazauna gidan gyaran hali na Goron Dutse, da kayayyakin Abinci, da kuma na gidan yara, a wani ɓangare na taya su bikin ƙaramar Sallah, wajen ganin sun samu farin ciki a bukukuwan ƙaramar sallar da aka gudanar.

Ya ce matuƙar masu hali za su rinƙa tallafawa mazauna gidan gyaran halin da abubuwan da suka sawwaƙa, babu makawa za’a rage musu wata damuwa ta yau da kullum.

Wakilinmu Yakubu Ibrahim Dogarai ya rawaito cewa, Mallam Ibrahim Abdullahi Bunkure, ya ce daga cikin kayan abincin da suka kai wa mazauna gidajen akwai Tuwon Sallah, da garin Kwakwaki, da kuma sinadarin Ɗanɗano, da Sukari, domin ragewa mazaunan gidajen wani raɗaɗin rayuwa.