Labarai
Al’umma su rinka tallafawa masu hakar kabari – Dagacin Sharada
Dagacin Sharada Alhaji Iliyasu Mu’azu Sharada ya ce, sun yi kokarin ganin masu hidimar aikin hakar kabari a Sharada gidan Kwari sun samu katin karbar tallafin kayan abinci na Covid-19, domin gudanar da shagulgulan sallah, saboda hidimar taimakawa al’umma a koda yaushe.
Alhaji Iliyasu Mu’azu Sharada ya bayyana hakan ne a yayin baiwa masu hakar kabarin karbar katin na su.
Ya ce, “Saboda mutane ne masu hidimar jama’a, mu ka da cewar basu katikan, kuma a nan gaba ma za mu sake basu wannan kati. Mu na kira da attajirai kamar yadda su ke bayar da taimakon kasa da tukwane a makabartu, su daure su ci gaba yin wannan aikin alheri a unguwar ta Sharada”. A cewar Dagacin Sharada
Daya daga cikin masu hakar kabarin kuma sakataren kwamitin sakai na masu kula da makabartar gidan Kwari, Dalladi Ibrahim ya ce, “Mu na aikin toshe kabarin da ya bude da kasa, da kuma feshin magani koda yaushe… Na yi matukar farin ciki da wannan tallafi da a ka bamu, kuma muna yiwa Dagaci fatan alheri da ci gaba da daukar nauyin al’umma”. Inji Dalladi Ibrahim
Wakilin mu Abubakar Sabo ya rawaito cewa, Dagacin na Sharada Alhaji Iliyasu Mu’azu ya kuma yi kira ga al’umma su rinka tallafawa masu hakar kabari, saboda yadda su ka sadaukar da lokacin su domin yin aikin al’umma.
Labarai
Ƴan kasuwa ku tsaftace magudanan ruwa bisa gabatowar Damuna – Ƙungiyar Amata ta kasuwar Singa
An buƙaci ƴan kasuwa da su rinƙa tsaftace tare da gyara magudanan ruwa a cikin kasuwannin su, bisa yadda damuna ke ƙara gabatowa.
Shugaban ƙungiyar Amata reshen kasuwar Singa Alhaji Musa Ibrahim Ɗan gaske, ne ya bukacin hakan a zantawar sa da manema labarai, yayin kaddamar da tsaftace kasuwar da kuma gyara mugudanun ruwan kasuwar.
Alhaji Musa, ya kuma ce ta hanyar tsaftace magudanan ruwan ne za a gujewa kowacce irin ambaliyar ruwa a cikin kasuwanni.
A yau ne babbar kotun jaha mai lamba 4 zata fara sauraron wata sharia wadda gwamnatin kano ta ahigar.
Gwamnatin jahar kano dai ta shigar da karar tsohon gwamnan jahar kano Dr Abdullahi Umar Ganduje da mai dakinsa Hafsat Umar Ganduje da kuma dansu Umar Abdullahi Ganduje da kuma wani kamfani mai suna Lamash da kuma Dr Jibrilla Muhammad.
Gwamnatin jahar kano dai tana zargin Ganduje da wadanna mutane da laifin hada baki da barnatar da dukiyoyin gwamnati.
Cikin zarge-zargen da ake yiwa su Ganduje akwai batun sun sayar da wasu filotai ba bisa ka’ida ba.
Da kuma batun zargin da akewa Ganduje na badakalar karbar dala tun a shekarar 2019.
Yanzu haka an girke jami,an tsaro a harabar sakateriyar Audu Bako inda kuma daga yanzu zuwa kowane lokaci kotun zata fara sauraron korafin kamar yadda wakilinmu Yusuf Nadabo Ismail ya rawaito
Labarai
Ku tallafawa mazauna gidajen gyaran halin dan rage musu raɗaɗin rayuwa – Mallam Ibrahim Bunkure
Limamin masallacin Salafussaleh dake unguwar Ɗorayi ƙarama a jihar Kano, Mallam Ibrahim Abdullahi Bunkure, ya shawarci al’umma da su ƙara dagewa wajen tallafawa mazauna gidajen ajiya da gyaran hali, da masu buƙata ta musamman, domin rage musu wani raɗaɗin rayuwa na yau da kullum.
Mallam Ibrahim Abdullahi Bunkure, ya bayyana hakan ne yayin da suka tallafawa mazauna gidan gyaran hali na Goron Dutse, da kayayyakin Abinci, da kuma na gidan yara, a wani ɓangare na taya su bikin ƙaramar Sallah, wajen ganin sun samu farin ciki a bukukuwan ƙaramar sallar da aka gudanar.
Ya ce matuƙar masu hali za su rinƙa tallafawa mazauna gidan gyaran halin da abubuwan da suka sawwaƙa, babu makawa za’a rage musu wata damuwa ta yau da kullum.
Wakilinmu Yakubu Ibrahim Dogarai ya rawaito cewa, Mallam Ibrahim Abdullahi Bunkure, ya ce daga cikin kayan abincin da suka kai wa mazauna gidajen akwai Tuwon Sallah, da garin Kwakwaki, da kuma sinadarin Ɗanɗano, da Sukari, domin ragewa mazaunan gidajen wani raɗaɗin rayuwa.
-
Nishadi4 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Manyan Labarai4 years agoKAROTA: An baiwa Baffa Babba wa’adin kwanaki bakwai
-
Nishadi5 years agoMansura Isah ta yi kaca-kaca da Sadiya Haruna
-
Labarai4 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai4 years agoSabuwar damfarar da ta fito a Kano
-
Nishadi4 years agoAn gano daliban da Adam Zango ya dauki nauyin karatun su