Connect with us

Labarai

Jam’iyyar PDP ta dakatar da ‘dan takarar gwamnan Kano

Published

on

Jam’iyyar PDP ta dakatar da tsohon ɗan takarar gwamnan Kano Ibrahim Al’amin Little na tsawon wata guda.

Sakataren yaɗa labaran jam’iyyar PDP na ƙaramar hukumar Nassarawa Sulaiman Mustapha Mainasara ne ya tabbatar da hakan a tattaunawar sa da Dala FM.

A cewar sa, shugabancin mazaɓar Tudunwada ne ya aike musu da takardar dakatarwar bisa zarginsa da aikata laifukan da suka saɓa da kundin tsarin mulkin jam’iyya.

Ana zargin Little da tsame kansa daga al’amuran jam’iyya sannan ya kai jam’iyyar ƙara kotu, ba tare da yin ƙorafi ga jam’iyya ba, sannan ana zarginsa da yiwa jam’iyyar zagon ƙasa a cewar Mainasara.

Har kawo lokacin haɗa wannan rahoto Alhaji Al’amin Little bai ce komai ba a kai.

Wannan rikici na cikin gida, abu ne da ya dabaibaye jam’iyyar PDP a Kano, ko a makon da ya gabata ma, tsagin Ambasada Aminu Wali ya sanar da korar tsohon gwamna Kwankwaso daga jam’iyyar.

Sai dai tsagin Kwankwaso ya yi watsi da korar da aka yi masa.

Yayin da ake rikicin shugabanci tsakanin ɓangarorin biyu, uwar jam’iyyar ta ƙasa ta ce tsagin Kwankwaso su ne halastattun shugabannin jam’iyyar.

Labarai

Ranar ‘yan jaridu ta duniya: Aljanu na satar labarai daga sama – Danfodio

Published

on

Masanin harkokin aljanu a jihar Kano, Abdullahi Idris Danfodio ya ce, aljanu na satar labarai daga sama domin fada wa al’umma.

Abdullahi Idris Danfodio, ya bayyana hakan ne, a zantawarsa da wakilin mu na ‘yan Zazu, Ibrahim Abdullahi Soron Dinki.

Akwai cikakken rahoton a muryar da ke kasa.

Continue Reading

Labarai

Rahoto: Da zarar PI ta fashe za mu yi abinda za mu taimaka wa mutane – Matashi

Published

on

Wani matashi a jihar Kano, Auwal Muhammad Musa, mai jiran fashewar PI ya ce, da zarar ta fashe za su gudanar da abubuwan da za su taimakawa al’umma.

Auwal Muhammad, ya bayyana, ya bayyana hakan ne, yayin zantawarsa da wakilin mu na ‘yan Zazu, Yusuf Nadabo Isma’il.

Domin jin cikakken rahoton saurari wannan.

Continue Reading

Labarai

Rahoto: Matasa masu jiran fashewar PI na fama da matsalar damuwa – Masani

Published

on

Wani masani da ke karatun babban Digiri a jami’ar Bayero, bangaren nazarin halayyar Dan Adam a jihar Kano, Shu’aibu Lawan Matawalle, ya ce, akwai damuwa ga matasan da ke jiran fashewar PI, domin babu wanda yake samun kudi haka kawai ba tare da yayi kasuwanci ba.

Shu’aibu  Matawalle, ya bayyana hakan ne, a zantawarsa da wakilin mu na ‘yan Zazu, Yusuf Nadabo, dangane da yadda matasa ke jiran fashewar PI.

Muna da cikakken rahoton a muryar da ke kasa.

Continue Reading

Trending