Connect with us

Labarai

Iyakacin Kwankwasiyya Naibawa a 2023 – Aminu Mai Dawa

Published

on

Guda daga cikin mabiya jam’iyyar PDP tsagin Ambasada Aminu Wali, ya ce sun gama shiryawa tsaf, domin fatattakar tsagin Kwankwasiyya daga cikin jamiyyar.

Aminu Mai Dawa Fagge ya bayyana hakan ne ta cikin shirin siyasa Hangen Dala na Dala FM, inda ya ce matukar za a ci gaba da tafiya a tsarin da suka dauko, babu makawa jam’iyar za ta shafe tarihin Kwankwasiyya.

Ya ce”Tun tuni mun fara shirye-shiryen da za mu tunkari zaben 2023, inda za mu hade da ragowar bangarori jam’iyyar, domin dai korar tsagin Kwankwasiyya. Domin mu ne ‘yan asalin jamiyyar PDP, saboda kuwa Kwankwasiyya kungiya ce kawai ba jam’iyya ba, domin haka ma a jira zuwa 2023 iyakacin Kwankwasiyya Naibawa”. Aminu Mai Dawa.

Aminu Mai Dawa Fagge wanda tsohon mabiyin jam’iyyar PDP tsagin Kwankwasiyya ne, daga bisani ya koma bangaren Ambasada Aminu Wali.

 

Labarai

Kungiyoyin tallafawa marayu ku hade kan ku wuri guda – Malam Ibrahim Khalil

Published

on

Shugaban majalisar Malamai ta jihar Kano Malam Ibrahim Khalil, ya yi kira ga kungiyoyin tallafawa marayu dake jihar Kano da su hade kan su waje guda domin yin magana da murya daya.

Malam Ibrahim Khalil, ya yi kiran ne yayin da gamayyar Kungiyar Tukuntawa Foundation dake tallafawa marayu da marasa karfi a yankin unguwar Tukuntawa dake karamar hukumar birni a jihar Kano ta kai masa ziyara a ranar Talata.

Ya ce, “Hadewar kungiyoyin waje guda ne zai sa a rinka ganin amfanin kungiyoyin ta hanyar yin shugaba guda daya a jihar Kano, sai kuma masu taimaka masa a kananan hukumomi”.

Ya kuma ce, “Naji dadi da ku ka yi tunanin taimakawa al’ummar yankin ku, domin hakan shi ke da wahala a cikin al’umma, da za a ce kowa ya na tunanin al’ummar sa, ba shakka da an zauna lafiya da kuma samun ci gaba a tsakanin al’umma”. Inji Malam Ibrahim Khalil.

Malam Ibrahim Khalil, ya kuma ja hankalin ‘yan kungiyar da su kasance masu biyayya ga shugabanci da kuma girmama manyan unguwa.

 

 

 

 

 

 

 

 

Continue Reading

Labarai

Mu na bukatar gwamnatin Kano ta gyara hanyar Doka da Riruwai – Majalisa

Published

on

Majalisar dokokin jihar Kano ta bukaci  gwamnatin jiha da ta karasa aikin titin da ya hade garuruwan Doka da Riruwai dake karamar hukumar Doguwa.

Bukatar ta biyo bayan kudurin da dan majalisa mai wakiltar karamar hukumar Doguwa Salisu Ibrahim Muhammad ya gabatar a zaman majalisar na ranar Talata karkashin jagorancin mataimakin shugaban majalisar  Zubairu Hamza Massu.

Ya ce, “Idan aka gyara wannan hanya za ta taimaka wajen ci gaban al’ummar yankin”. Inji Salisu Ibrahim.

Wakiliyar mu a majalisar dokokin jihar Kano Khadija Ishaq Muhammad  ta rawaito cewa, kudurin ya sami goyon bayan wakilin mutanen kananan hukumomin Rimin Gado da Tofa, wanda daga bisani zaman majalisar ya bukaci gwamnatin jiha da ta ci gaba da samarwa al’umma ababen more rayuwa.

Continue Reading

Labarai

Al’umma ku rinka tanadar lambobin mu – Hukumar kashe Gobara

Published

on

Hukumar kashe Gobara da kai agajin gaggawa ta jihar Kano ta danganta asarar rayuka da dukiyoyi a kan rashin tanadar lambobinta na kira domin neman dauki har sai idan iftila’i ya faru.

Babban Daraktan hukumar Alhaji Hassan Ahmad Muhammad ne ya bayyana hakan a ganawarsa da manema labarai a ofishin sa.

Ya ce, “Kame-kamen neman lambar hukumar a lokacin da iftila’i ya faru ya na kawo jinkiri wajen kai dauki, wanda hakan ke haifar da asarar rayuka da dukiya”. A cewar Alhaji Hassan.

Shugaban ya yi kira ga al’umma da su rika ajiye lambobin hukumar kafin bukatar su ta zo domin ceton rayukan al’umma da dukiya akan lokaci.

Lambobin su ne: 080 98 82 26 31 da 070 26 02 64 00 sai kuma 070 51 24 68 33.

Shugaban hukumar kashe gobarar ta jihar Kano, ya kuma bukaci masu ababan hawa a kan titi da su rika baiwa jami’an hukumar hanya a duk lokacin da suka fita kai agajin gaggawa.

Daga bisani ya kuma nuna gamsuwarsa bisa yanda jami’an tsaro da al’ummar jIhar Kano suke ba su hadin kai.

 

 

Continue Reading

Trending

error: Content is protected !!