Connect with us

Labarai

Mai guduwa da wayoyin ƴan mata yayin soyayya ya shiga hannnu

Published

on

Rundunar ƴan sandan jihar Kano ta tabbatar da kama wani matashi mai suna Muhammad Saifullahi, wanda ake zargin sa da gudar wa ƴan matansa wayoyi idan ya je zance.

Mai magana da yawun rundunar DSP Abdullahi Haruna Kiyawa ne ya tabbatar da kama matashin ga manema labarai a daren Talata.

Ya ce, “A makon da ya gabata ne wata budurwa ta shigar da ƙorafin ta kan matashin, wanda ya gudar mata da wayar salula, tare da ta ƙanenta, inda Kwamishinan ƴan sandan jihar, Sama’ila Shu’aibu Dikko ya bada umarnin nemansa, yayin da aka kuma samu nasarar kama shi”

Ya kuma ce, “Muna jan hankalin ƴan mata da su ƙara kulawa da irin samarin da za suyi domin gudun haɗuwa da irin wannan saurayi da yake yaudarar ƴan matansa” Inji Dsp Kiyawa.

Matashin da aka kama ɗin da zargin gudarwa ƴan matan nasa wayoyi kusan su huɗu ya ce, “Ina amfani ne da soyayyar da nake yiwa ƴan matan, in gudar musu da waya duk da dai jikina ya ba ni, lokacin kama ni ya zo”.

Wakilin mu Hassan Mamuda Ya’u ya rawaito cewa, DSP Abdullahi Haruna Kiyawa ya kuma ce, yanzu haka su na ci gaba da faɗaɗa bincike a kan matashin, kuma da zarar sun kammala za su gurfanar da shi a gaban kotu, domin girbar abin da ya shuka.

Labarai

Rahoto: Dalibi ya kawo credit 9 a qualifying ya yi tsauri da yawa – Mai duba jarabawa

Published

on

Wani tsohon mai duba sakamakon jarabawar qualifying a jihar Kano ya ce, ana duba gazawar biyawa dalibai kudin jarabawar qualifying ne yayin fitar da sakamako, saboda haka akwai rashin adalci akan lallai sai dalibai sun kawo credit 9

Tsohon mai duba sakamakon jarabawar, ya bayyana hakan ne, a zantawarsa da wakilin mu na ‘yan Zazu, Ibrahim Abdullahi Soron Dinki.

Muna da cikakken rahoton a muryar da ke kasa.

Continue Reading

Labarai

Rahoto: Yadda hadarin mota ya yi sanadiyar mutuwar mutane 2 a Lambu

Published

on

Wasu motoci babba da karama, sun yi taho mu gama akan titin garin Lambu da ke karamar hukumar Tofa a jihar Kano, wanda yayi sanadiyar mutuwar mutane biyu, daya kuma ya jikkata.

Wasu da al’amarin ya faru a gaban idanunsu, sun bayyanawa wakilin mu na ‘yan Zazu , Abubakar Sabo cewar, mai karamar motar ne ya yi a ran hannu, wanda ya janyo faruwar hadarin.

Domin jin cikakken rahoton saurari wannan.

Continue Reading

Labarai

Babban Labari: Mun kama mota makare da kayan fashewa da bindugu da harsashi a Kano – Kiyawa

Published

on

Rundunar ‘yan sandan jihar Kano ta sami nasarar cafke wata mota makare da wasu kayayyakin da ake hada abubuwan fashewa da kuma bindigu kirar AK47 .

Jami’in hulda da jama’a na rundunar, SP Abdullahi Haruna Kiyawa ne ya tabbatar da hakan ga manema labarai, ya ce, sun samu nasarar kama motar kirar Mercedez a unguwar Bubbugaje dake karamar hukumar Kumbotso.

A cewar Kiyawa sun sami rahoran sirri ne akan motar wadda suke zargin an kawo ta daga Jihar Jigawa zuwa Kano makare da irin kayayyakin da suke zargin da sune ake hada abubuwan fashewa domin aikata ta’addanci.

Sanarwar ta kuma ce bayan samun rahotan sirri na kara sowar motar zuwa Kano, jami’an tsaron Puff Adder suka yi wa mator kawanya, wanda hakan yasa mutanan ciki suka tsere suka bar motar a nan.

“Mun samu nasarar gano bindiga kirar AK47 guda biyu da kuma kananan bindigu biyu kirar Pistol tare da alburusai dubu daya da dari takwas”. In ji Kiyawa.

Continue Reading

Trending