Connect with us

Labarai

Hatsari: An yi gamo tsakanin mai Motar ruwa da mai Babur

Published

on

Hukumar kashe gobara ta jihar Kano, ta tabbatar da faruwar wani hatsari tsakanin wata motar ɗaukar ruwa wadda ta daki wani mai babur mai kafa biyu a kan titin Ɗan Agundi.

Mai magana da yawun hukumar, SFS Saminu Yusif Abdullahi ne ya tabbatar da afkuwar hatsarin da yammacin wannan rana ta Laraba.

Ya na mai cewa”Bayan da mu ka samu labarin afkuwar hatsarin ne, jami’an mu su ka halarci wajen wanda mu ka ɗauki mai babur ɗin mai suna, Hamisu Ibrahim, mun kuma same shi a raye, yayin da mu ka kaishi asibitin kwararru na Murtala, domin ba shi agajin gaggawa. bayan da mu ka kai mutumin asibitin ne mu ka miƙa shi a hannun jami’in ɗan sanda mai suna, Sufeta Yakubu Muhammad da ya ke aiki a ofishin ƴan sandan Ƙofar Wambai”. Inji Saminu Yusif.

Wakilin mu Hassan Mamuda Ya’u ya rawaito cewa, hukumar kashe gobara ta jihar Kano ta kuma ja hankalin matuƙa ababen hawa su ƙara kulawa da ƙa’idojin tuƙi, domin kaucewa afkuwar haɗura.

Labarai

Rahoto: Dokar hana shan shisha ta fara aiki gadan-gadan a Kano – Hisba

Published

on

Hukumar Hisba ta jihar Kano ta kai simamen shagunan da ake sayar da Shisha a kan titin Bompai da ke jihar Kano, inda ta samu nasarar kama dillalan Shishar, domin tabbatar da dokar hana sha da siyar da ita.

A zantawar daya daga cikin masu shagunan sayar da Shisha da wakilin mu na ‘yan Zazu, Ibrahim Abdullahi Soron Dinki, ya bayyana cewar, ya yi tunanin dokar hana shan Shisha ta tsaya kan masu wuraren shan Shisha ba masu sayarwa ba.

Mu na da cikakken rahoton a muryar da ke kasa.

Continue Reading

Labarai

Rahoto: Shekaru 10 ina sarrafa Turoso amma ko ciwon kai ban taba yi ba – Mai Turoso

Published

on

Wani magidanci mai sana’ar sarrafa Turoso a yankin Kududdufawa ya ce, sama da shekaru goma ya na aikin sarrafa Turoso, amma ko ciwon kai bai taba yi ba.

Malam Isah Musa Katsinawa mazunin karamar hukumar Ungogo a jihar Kano, ya bayyana hakan ne, a zantawarsa da wakilin mu na ‘yan Zazu, Yusuf Nadabo Isma’il.

Domin jin cikakken rahoton saurari wannan.

Continue Reading

Labarai

Rahoto: Gobara ta lakume ran mutane 3 ciki harda dattijuwa

Published

on

Hukumar bayar da agajin gaggawa ta jihar Kano, ta kai tallafi wani gida da aka samu iftila’in gobara, wanda ta yi sanadiyar rasa mutane Uku  a unguwar Gama A, da ke karamar hukumar Nasarawa.

Wakilin mu na ‘yan zazu, Abba Isah Muhammad, ya rawaito cewar, hukumar karkashin shugabanta Salihu Aliyu Jili, ta kuma kai tallafi gidan iyayen Hanifa, dalibar da aka yi zargin malaminta ya kashe ta.

Domin jin cikakken rahoton saurari wannan.

Continue Reading

Trending