Wasanni
Fadan Rasha da Ukraine: Ba za mu haska gasar Premier ba a kasar mu – China
Masu rajin kare hakkin kasar Sin sun shaida wa gasar Premier cewa, ba za su haska wasannin gasar Ingila a karshen makon nan ba, saboda shirye-shiryen gasar na nuna goyon baya ga Ukraine, kamar yadda BBC ta gano.
Kasar Sin dai abokiyar kawance ce ta siyasa da kasar Rasha wacce ta mamaye kasar Ukraine.
Hukumar ta Premier ta ce, da zuciya ɗaya ta yi watsi da matakin na Rasha, kuma ta na shirin nuna goyon bayanta ga Ukraine.
“Muna kira da zaman lafiya kuma tunaninmu ya na tare da duk wadanda abin ya shafa,” in ji ta, yayin da take bayyana shirinta a farkon wannan makon.
Hakan zai hada da kyaftin din da ke sanye da riga na musamman masu launin Ukrainian, yayin da allon filin wasan zai nuna ‘Kwallon Kafa tare’ a gaban tutar kasar shudi da rawaya.
An kuma ƙarfafa magoya bayan su shiga “lokacin tunani da haɗin kai kafin farawa a kowane wasa”.
Lokacin da aka tambaye shi game da kin nuna wasannin China, Premier League ta ki cewa komai.
A shekarar 2019 gidan talabijin na kasar China CCTV ya cire wasan Arsenal da Manchester City daga jadawalinsa bayan kalaman da dan wasan Arsenal Mesut Ozil ya yi tun a lokacin.
Ozil ya wallafa a shafukan sada zumunta game da yadda ake musgunawa Musulman Uighur a China.
Ƙungiyar ƙwallon ƙafa ta Bayer Leverkusen ta zama zakarar gasar Bundesliga ta shekarar 2023/2024, bayan da suka samu nasara a kan Weder Bremen da ci 5-0.
Hakan ne kuma ya kawo ƙarshen shekaru 11 da Bayern Munich, da ta yi tana lashe gasar.
Wannan dai shi ne karo na farko da Bayer Leverkusen suka taɓa lashe gasar a tarihi, ida suka gaza ɗaukar kofin a shekarar 2002 a ranar ƙarshe ta gasar.
Har ila yau, a dai wannan shekarar ne su kayi rashin nasara hannun Shalke 04, a wasan ƙarshe na German Cup Da ci 4-2.
Haka kuma, Real Madrid suka doke su a wasan ƙarshe na zakarun nahiyar turai.
Rahotanni sun bayyana cewa ƙungiyar bata taɓa ɗaukar wata gasa ba a ƙarni na 21, sai bayan da Xavi Alonso ya karɓe su.
Yanzu haka an samu dai-daito da hukumar NPFL, wanda ta amince da bukatar Kano Pillars na dage wasanta na mako na 28, da Enyimba zuwa ranar Alhamis, mai zuwa.
Ƙungiyar ƙwallon ƙafa ta Kano Pillars, ce ta wallafa hakan a shafin ta na Facebook da yammacin Litinin ɗin nan, ta ce ƴan wasan ta za su tashi a gobe Talata, da safe zuwa Aba domin fafata wasannin su.
Idan dai ba’a manta ba ƙungiyar ta wallafa kaɗan daga irin ƙalubalen da take fuskanta a harkokin gudanarwar ta.
Pillars, ta wallafa ƙalubalen ne kamar haka, “A yanzu haka zancan da muke muku Kano Pillars ta rasa kudin da za taje garin Aba, domin buga wasan hamayya na Nigeria Premier league wato Zobia Classic”.
Wasan dai shine wasa mafi ɗaukar hankali a league din Nigeria baki ɗaya, ku taya mu yadawa dan Allah.
Kungiyar kwallon kafa ta Crystal Palace ta sanar da nadin Oliver Glesner a matsayin sabon mai horaswar ta.
Glesner wanda tsohon mai horas da kungiyar kwallon kafa ta Eintracht Frankfurt ne mai shekaru 49 dan asalin kasar Austrian, ya maye gurbin tsohon mai horaswa Roy Hodson, wanda ake ganin ya gaza kai kungiyar ga tudun mun tsira.
A wasanni 16 da Crystal Palace ta buga a bayan nan ta yi rashin nasara a wasanni 10 duk karkashin jagorancin Roy Hodson wanda hakan yasa take mataki na 16 a teburin gasar firimiyar kasar Ingila.
Glesner dai ya rattaba kwantaragi da Palace har na tsawon shekaru biyu, zai kuma jagoranci kungiyar a wasan sa na farko da kungiyar kwallon kafa ta Burnley a ranar Asabar mai kamawa.
-
Nishadi4 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Manyan Labarai4 years agoKAROTA: An baiwa Baffa Babba wa’adin kwanaki bakwai
-
Nishadi5 years agoMansura Isah ta yi kaca-kaca da Sadiya Haruna
-
Labarai4 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai4 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su