Lafiya
NDLEA ta kama babban Attajirin da suka yi harkalla da Abba Kyari
Hukumar yaki da sha da fataucin miyagun kwayoyi ta kasa NDLEA, ta tabbatar da kama hamshakin attajirin nan da aka yi harkalla a cikin cinikin tramadol na Naira biliyan 3 da ya hada da dakatarwar mataimakin kwamishinan ‘yan sanda, Abba Kyari, karkashin jagorancin Intelligence Response Team (IRT).
Wata sanarwa da mai magana da yawun hukumar ,Femi Babafemi, ya fitar ta ce: “Attajirin ana zargin ya kulla cinikin tramadol Naira biliyan 3 da ya hada da dakatarwar mataimakin kwamishinan ‘yan sanda, Abba Kyari karkashin jagorancin Intelligence Response Team (IRT), Cif Afam Mallinson Emmanuel Ukatu da jami’an hukumar hana sha da fataucin miyagun kwayoyi (NDLEA) wanda a yanzu ke hannun su.”
Ya bayyana cewa an kama shi ne bayan an shafe watanni ana sa ido da kuma yadda Attajiri Ukatu ya kaucewa kama shi, inda ya kara da cewa Ukatu wanda shi ne Shugaban Kamfanin Mallinson Group of Companies, daga karshe an kama shi a kan jirgin da zai je Abuja tashar jirgin Murtala Mohammed da ke Legas, tun a ranar Laraba 13 ga Afrilu.
Babafemi ya ce, bincike ya nuna cewa, Ukatu ya kasance babban dila mai shigo da manyan kayayyaki iri daban-daban da kuma yawan sinadarin tramadol hydrochloride, wanda ya kai kimamin 120mg, 200mg, 225mg da 250mg.
Ya ce Ukatu ya mallaki kamfanonin harhada magunguna da robobi, wadanda ya yi amfani da su wajen fakewa da shigo da miyagun kwayoyi cikin kasar nan, baya ga gudanar da asusun ajiyar banki guda 103, wadanda akasari ake amfani da su wajen karkatar da kudade.
Likitocin da suke aiki da gwamnatin jihar Kano (NAGGMDP), sun jingine yajin aikin gargaɗin da suka fara a ranar Talata 01 ga watan Oktoban 2024, biyo bayan wani zama da su ka yi da kwamitin da gwamnatin ta kafa.
Sakataren ƙungiyar Dakta Anas Idris Hassan Shanno ne ya bayyana hakan ga manema labarai, jim kaɗan bayan kammala zaman gaggawa da su ka yi da ƴaƴan ƙungiyar.
Dakta Anas ya kuma ce sun ɗauki matakin jingine yajin aikin ne zuwa ƙarshen watan nan na 10, Kamar yadda gwamnatin ta dauki alkawarin cewa za ta biya masu buƙatun su a lokacin.
Wakilinmu Abubakar Sabo ya ruwaito cewa ƙungiyar ta kuma buƙaci dukkanin likitocin da ke ƙarƙashin ta da su koma bakin aikin su.
Ƙungiyar ma’aikatan lafiya da unguwar zoma ta ƙasa reshen asibitin Ƙashi na Dala a jihar Kano, ta ƙaddamar da aikin gwaje-gwajen lafiya da bayar da magani kyauta ga al’umma.
Shugaban ƙungiyar ma’aikatan lafiya na asibitin Ƙashi na Dala, Kwamared Abubakar Muhammad Isah, ne ya bayyana hakan a wani ɓangaren na tunawa da bikin ranar ma’aikatan jinya ta Duniya, wanda a nan Kano za’a shafe mako guda ana gudanar wa a jihar Kano.
Kwamared Abubakar Muhammad, ya kuma ce sun zaɓi gwaje-gwajen lafiya da bayar da magani kyauta, domin saukakawa al’umma.
A cewar sa, “Mutane ku rinƙa zuwa Asibiti ana gwada lafiyar ku ba sai baku da lafiya za ku je gwaji ba domin mai lafiya shine yake neman magani dan ya yi rigakafi, amma da zarar cuta ta ci karfin mutum to lamarin ya yi munin gaske, “in ji shi”.
Wakilinmu Yusuf Nadabo ya ruwaito cewar kungiyar za ta kwashe mako guda tana gudanar da taruka dan wayar da kan al’umma a kan batun lafiya.
Lafiya
Ku rinƙa ziyartar Asibiti ana muku gwaje-gwajen fitsari da Jini domin sanin halin da ƙodar ku take ciki – Likita
An shawarci al’umma da su rinƙa ziyartar Asibiti akai akai wajen duba lafiyar su, ta hanyar yin gwaje-gwajen fitsari da jini domin sanin halin da kodar su ke ciki.
Dakta Muhajid Sunusi Rabi’u ne ya bayyyana hakan yayin ganawarsa da Dala FM, lokacin da suke aikin gwaje-gwajen fitsari da jini, kyauta a ɗaya daga cikin makarantu masu zaman kan su a nan Kano.
Dakta Mujaheed ya kuma ce sun gudanar da aikin ne a wani ɓangare na bikin ranar ƙoda ta Duniya, wadda aka ware duk ranar Alhamis ta mako na biyu na kowanne watan Maris domin gudanar da bikin ranar.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su