Wasanni
Al-Wahda ta dauki dan wasan tsakiyar Everton
Tsohon dan wasan tsakiya na kasar Brazil, Allan, ya bar kungiyarsa ta Everton, yayin da ya koma Al-Wahda kan kwantiragin shekaru biyu.
Allan, mai shekara 31, ya koma Everton ne a kan cinikin sama da fam miliyan 21 a shekarar 2020 daga Napoli ta Italiya.
Ya buga wasanni 52 na gasar Premier a kakar wasa biyu na farko, amma har yanzu bai buga ko da wasa daya ba a kakar 2022-23.
Frank Lampard ya sayo ‘yan wasan tsakiya da dama da suka hada da Idrissa Gueye da Amadou Onana.
Kungiyar Al Wahda ta UAE Pro League, wacce ke Abu Dhabi, ta sanar da sanya hannun a shafinta na Twitter – ko da yake Everton ba ta tabbatar da daukar matakin ba.
Tsohon kocin Swansea City da Sheffield Wednesday Carlos Carvalhal ne ke jagorantar Al Wahda, tare da tsohon dan wasan Leicester City Adrien Silva a cikin ‘yan wasan.
Kungiyar kwallon kafa ta Al-Ittihad da ke kasar Saudiyyah ta sallami mai horaswar ta Nuno Espirito Santo, bayan kwashe watanni 16 ya na horas da ita.
Santo dan asalin kasan Portugal mai shekaru 49, kuma tsohon mai horas da Kungiyar kwallon kafa ta Tottenham Hotspur ta kasar Ingila, ya fara horas da kungiyar Al-Ittihad ne a watan Yuli na shekarar 2022 bayan korar sa da kungiyar kwallon kafa ta Tottenham Hotspur ta yi.
Kungiyar kwallon kafa ta Al-Ittihad dai ta bayyana cewar ta sallami Nuno Espirito Santo ne sakamakon rashin kokari da kungiyar ta ke yi karkashin jagorancin sa, Al-Ittihad dai tayi nasara ne a wasanni 6 cikin wasanni 12 da ta buga a kakar bana.
A ranar Litinin din da ta gabata ne, Kungiyar kwallon kafa ta Air Force ta kasar Iraq, ta doke Al-Ittihad da ci 2 – 0 a wasan zakarun Asian Champions league.
Kungiyar kwallon kafa ta Kano Pillars ta koma mataki na hudu a gasar cin kofin kwararru na Nigerian
Pillar dai ta doke Kungiyar kwallon kafa ta Bayelsa United ne, da ci uku babu ko daya a wasan mako na shida na gasar ta shekarar 2023 zuwa 2024.
A ranar lahadi 5/11/2023 ne kungiyar ta Kano Pillars za ta ziyarci Kungiyar kwallon kafa ta Sporting Lagos a Jihar Lagos a wasan mako na bakwai na gasar.
Sakamakon wasan mako na hudu na gasar cin kofin kwararru na Najeriya na kakar 2023/2024 wato NPFL.
Tun a ranar Asabar din da ta gaba ta ne 21 Oktoba 2023, aka buga wasa daya tilo kamar haka÷
Niger Tornadoes 1 – 0 Bayelsa United
Sai dai an dage wasa tsakanin kungiyar kwallon kafa ta Doma United da Enyimba
Wasanni da aka buga a ranar Lahadi 22 Oktoba 2023 kuwa÷
Gombe United 1 – 0 Bendel Insurance
Akwa United 0 – 0 Shooting Stars
Heartland Owerri 1 – 1 Katsina United
Kano Pillars 1 – 0 Rivers United
Kwara United 1 – 1 Enugu Rangers
Lobi Stars 2 – 0 Abia Warriors
Plateau United 1 – 0 Sunshine Stars
Remo Stars 2 – 1 Sporting Lagos.
-
Nishadi4 years agoIna neman mijin aure – Rayya
-
Manyan Labarai4 years agoKAROTA: An baiwa Baffa Babba wa’adin kwanaki bakwai
-
Labarai3 years agoHamisu Breaker ya kai kan sa wajen ‘yan sanda
-
Nishadi4 years agoMansura Isah ta yi kaca-kaca da Sadiya Haruna
-
Labarai4 years agoAuren dan Panshekara da ba Amurkiya ya samu cikas
-
Lafiya1 year agoRahoto: An gano wani gida da ake gini da takardun Kur’ani da Alluna
-
Nishadi4 years agoAn gano daliban da Adam Zango ya dauki nauyin karatun su
-
Manyan Labarai4 years agoSabuwar damfarar da ta fito a Kano