Wasanni
Mun fara daukar mataki a kan Ronaldo bayan ya caccake mu – Manchester United
![](https://dalafmkano.com/wp-content/uploads/2022/08/ronaldo-man-1024x576.jpg.webp)
Manchester United ta bayyana cewa, kungiyar ta fara daukar matakai kan hirar da dan wasanta Cristiano Ronaldo ya yi da dan jaridar Birtaniya Piers Morgan kwanan nan.
Man United ta bayyana hakan ne a wata sanarwa ta shafinta na internet da ta fitar a ranar Juma’ar nan.
Ronaldo ya caccaki Manchester United da kocinta Erik ten Hag a wata hira da ya yi da Morgan.
Dan wasan mai shekaru 37, ya ce, kungiyar ta ci amanarsa kuma baya mutunta Ten Hag.
Sanarwar ta ce “Manchester United a safiyar yau ta fara daukar matakan da suka dace, domin mayar da martani ga hirar da Cristiano Ronaldo ya yi a kafafen yada labarai na baya-bayan nan.
“Ba za mu ƙara yin tsokaci ba har sai wannan tsari ya kai ga ƙarshe.”
A halin yanzu, Ronaldo ya na sansanin tare da tawagar kasar Portugal a gasar cin kofin duniya na bana a Qatar.
![](https://dalafmkano.com/wp-content/uploads/2022/11/YOUTUBE-SUBSCRIBED.jpeg)
Wasanni
Bayer Leverkusen ta zama zakarar gasar Bundesliga ta 2023/2024.
![](https://dalafmkano.com/wp-content/uploads/2024/04/IMG-20240414-WA0002.jpg)
Ƙungiyar ƙwallon ƙafa ta Bayer Leverkusen ta zama zakarar gasar Bundesliga ta shekarar 2023/2024, bayan da suka samu nasara a kan Weder Bremen da ci 5-0.
Hakan ne kuma ya kawo ƙarshen shekaru 11 da Bayern Munich, da ta yi tana lashe gasar.
Wannan dai shi ne karo na farko da Bayer Leverkusen suka taɓa lashe gasar a tarihi, ida suka gaza ɗaukar kofin a shekarar 2002 a ranar ƙarshe ta gasar.
Har ila yau, a dai wannan shekarar ne su kayi rashin nasara hannun Shalke 04, a wasan ƙarshe na German Cup Da ci 4-2.
Haka kuma, Real Madrid suka doke su a wasan ƙarshe na zakarun nahiyar turai.
Rahotanni sun bayyana cewa ƙungiyar bata taɓa ɗaukar wata gasa ba a ƙarni na 21, sai bayan da Xavi Alonso ya karɓe su.
![](https://dalafmkano.com/wp-content/uploads/2022/11/YOUTUBE-SUBSCRIBED.jpeg)
Wasanni
Hukumar NPFL, ta amince da buƙatar Kano Pillars na ɗage wasan ta na mako na 28 da Enyimba
![](https://dalafmkano.com/wp-content/uploads/2024/04/IMG-20240401-WA0002.jpg)
Yanzu haka an samu dai-daito da hukumar NPFL, wanda ta amince da bukatar Kano Pillars na dage wasanta na mako na 28, da Enyimba zuwa ranar Alhamis, mai zuwa.
Ƙungiyar ƙwallon ƙafa ta Kano Pillars, ce ta wallafa hakan a shafin ta na Facebook da yammacin Litinin ɗin nan, ta ce ƴan wasan ta za su tashi a gobe Talata, da safe zuwa Aba domin fafata wasannin su.
Idan dai ba’a manta ba ƙungiyar ta wallafa kaɗan daga irin ƙalubalen da take fuskanta a harkokin gudanarwar ta.
Pillars, ta wallafa ƙalubalen ne kamar haka, “A yanzu haka zancan da muke muku Kano Pillars ta rasa kudin da za taje garin Aba, domin buga wasan hamayya na Nigeria Premier league wato Zobia Classic”.
Wasan dai shine wasa mafi ɗaukar hankali a league din Nigeria baki ɗaya, ku taya mu yadawa dan Allah.
![](https://dalafmkano.com/wp-content/uploads/2022/11/YOUTUBE-SUBSCRIBED.jpeg)
Wasanni
Glesner ya zama sabon mai horas da Palace.
![](https://dalafmkano.com/wp-content/uploads/2024/02/download-4.jpeg)
Kungiyar kwallon kafa ta Crystal Palace ta sanar da nadin Oliver Glesner a matsayin sabon mai horaswar ta.
Glesner wanda tsohon mai horas da kungiyar kwallon kafa ta Eintracht Frankfurt ne mai shekaru 49 dan asalin kasar Austrian, ya maye gurbin tsohon mai horaswa Roy Hodson, wanda ake ganin ya gaza kai kungiyar ga tudun mun tsira.
A wasanni 16 da Crystal Palace ta buga a bayan nan ta yi rashin nasara a wasanni 10 duk karkashin jagorancin Roy Hodson wanda hakan yasa take mataki na 16 a teburin gasar firimiyar kasar Ingila.
Glesner dai ya rattaba kwantaragi da Palace har na tsawon shekaru biyu, zai kuma jagoranci kungiyar a wasan sa na farko da kungiyar kwallon kafa ta Burnley a ranar Asabar mai kamawa.
![](https://dalafmkano.com/wp-content/uploads/2022/11/YOUTUBE-SUBSCRIBED.jpeg)
-
Nishadi5 years ago
Ina neman mijin aure – Rayya
-
Labarai4 years ago
Hamisu Breaker ya kai kan sa wajen ‘yan sanda
-
Nishadi5 years ago
Mansura Isah ta yi kaca-kaca da Sadiya Haruna
-
Manyan Labarai5 years ago
KAROTA: An baiwa Baffa Babba wa’adin kwanaki bakwai
-
Labarai5 years ago
Auren dan Panshekara da ba Amurkiya ya samu cikas
-
Lafiya2 years ago
Rahoto: An gano wani gida da ake gini da takardun Kur’ani da Alluna
-
Manyan Labarai5 years ago
Sabuwar damfarar da ta fito a Kano
-
Nishadi5 years ago
An gano daliban da Adam Zango ya dauki nauyin karatun su