FIFA ta fara binciken rikicin Argentina da Netherlands

Published

2 years ago

10/12/2022

Hukumar kwallon kafa ta duniya FIFA na gudanar da bincike a kan kasashen Argentina da Netherlands, bayan wasan daf da na kusa da karshe na gasar cin kofin duniya da aka yi ranar Juma’a.

Zakarun Kudancin Amurka, Argentina ta yi nasara da ci 4-3 a bugun fenareti a filin wasa na Lusail, bayan da tun farko ta yi rashin nasara da ci biyu da nema, inda wasan ya tafi nesa.

Alkalin wasa Antonio Mateu Lahoz ya ba da katunan 15 ga ‘yan wasan da suka taka rawa a wasan mafi yawa a tarihin gasar cin kofin duniya, inda suka wuce Kamaru da Jamus a 2002 (14).

An kuma bai wa dan wasan baya na Netherlands Denzel Dumfries jan kati bayan kammala wasan.

An tashi wasan ne a minti na 89 a lokacin da Leandro Paredes ya yi wa Nathan Ake keta sannan ya buga kwallon a ragar Netherlands.

Dukkanin ‘yan wasa da ma’aikatan kociyan sun yi karo da juna, duk da cewa tashin hankali ya sake yin barazanar barkewa a cikin karin lokaci da kuma a bugun daga kai sai mai tsaron gida.

A wata sanarwa da FIFA ta fitar a ranar Asabar, ta ce, an bude shari’a kan hukumar kwallon kafa ta Argentina da kuma hukumar kwallon Holland.

Laifin ya shafi yiwuwar keta doka ta 12 na kundin ladabtarwa na FIFA da rashin da’a na ‘yan wasa da jami’ai.

Ana kuma binciken bangaren Lionel Scaloni kan wani karin yuwuwar keta doka ta 16, wanda ya shafi tsari da tsaro a wasannin.

Bayer Leverkusen ta zama zakarar gasar Bundesliga ta 2023/2024.

Published

7 months ago

14/04/2024

Hassan Mamuda Ya'u

Ƙungiyar ƙwallon ƙafa ta Bayer Leverkusen ta zama zakarar gasar Bundesliga ta shekarar 2023/2024, bayan da suka samu nasara a kan Weder Bremen da ci 5-0.

Hakan ne kuma ya kawo ƙarshen shekaru 11 da Bayern Munich, da ta yi tana lashe gasar.

Wannan dai shi ne karo na farko da Bayer Leverkusen suka taɓa lashe gasar a tarihi, ida suka gaza ɗaukar kofin a shekarar 2002 a ranar ƙarshe ta gasar.

Har ila yau, a dai wannan shekarar ne su kayi rashin nasara hannun Shalke 04, a wasan ƙarshe na German Cup Da ci 4-2.

Haka kuma, Real Madrid suka doke su a wasan ƙarshe na zakarun nahiyar turai.

Rahotanni sun bayyana cewa ƙungiyar bata taɓa ɗaukar wata gasa ba a ƙarni na 21, sai bayan da Xavi Alonso ya karɓe su.

Hukumar NPFL, ta amince da buƙatar Kano Pillars na ɗage wasan ta na mako na 28 da Enyimba

Published

8 months ago

01/04/2024

Hassan Mamuda Ya'u

Yanzu haka an samu dai-daito da hukumar NPFL, wanda ta amince da bukatar Kano Pillars na dage wasanta na mako na 28, da Enyimba zuwa ranar Alhamis, mai zuwa.

Ƙungiyar ƙwallon ƙafa ta Kano Pillars, ce ta wallafa hakan a shafin ta na Facebook da yammacin Litinin ɗin nan, ta ce ƴan wasan ta za su tashi a gobe Talata, da safe zuwa Aba domin fafata wasannin su.

Idan dai ba’a manta ba ƙungiyar ta wallafa kaɗan daga irin ƙalubalen da take fuskanta a harkokin gudanarwar ta.

Pillars, ta wallafa ƙalubalen ne kamar haka, “A yanzu haka zancan da muke muku Kano Pillars ta rasa kudin da za taje garin Aba, domin buga wasan hamayya na Nigeria Premier league wato Zobia Classic”.

Wasan dai shine wasa mafi ɗaukar hankali a league din Nigeria baki ɗaya, ku taya mu yadawa dan Allah.

Wasanni

Glesner ya zama sabon mai horas da Palace.

Published

9 months ago

19/02/2024

Abba Haruna Idris

Kungiyar kwallon kafa ta Crystal Palace ta sanar da nadin Oliver Glesner a matsayin sabon mai horaswar ta.

Glesner wanda tsohon mai horas da kungiyar kwallon kafa ta Eintracht Frankfurt ne mai shekaru 49 dan asalin kasar Austrian, ya maye gurbin tsohon mai horaswa Roy Hodson, wanda ake ganin ya gaza kai kungiyar ga tudun mun tsira.

A wasanni 16 da Crystal Palace ta buga a bayan nan ta yi rashin nasara a wasanni 10 duk karkashin jagorancin Roy Hodson wanda hakan yasa take mataki na 16 a teburin gasar firimiyar kasar Ingila.

Glesner dai ya rattaba kwantaragi da Palace har na tsawon shekaru biyu, zai kuma jagoranci kungiyar a wasan sa na farko da kungiyar kwallon kafa ta Burnley a ranar Asabar mai kamawa.