Connect with us

Manyan Labarai

Kano zata buɗe wasan farko na kakar wasannin NLO ta bana

Published

on

Nationwide League One

Mahukunta shirya gasar ajin ƙwararru mataki na biyu a ƙasa wato ‘Nationwide League One (NLO), sun tabbatar da  jihar Kano a matsayin birnin da za a fara take gasar kakar wasannin ta bana 2023/22.

Babban jami’in yaɗa labaran gasar ta ƙasa Abdulgafar Oladimeji ne ya bayyana haka a Asabar 22 ga Afrilu 2023, a Kano ya yin ganawar sa da manema labarai.

Sabon jami’in yaɗa labaran na NLO, ya ce za a fara gasar a ranar 04 ga watan Mayu a cibiyoyin ƙasar nan da aka ware na shiyya shiyya guda 8, inda jihar Kano take da rukuni biyu da za a fafata a gasar a filayen Sani Abacha dake Kofar Mata sai na Kano dake Sabongari.

” Ina son na tabbatar muku dacewa zaku ga sabuwar gasa da ta banbanta da sauran na baya domin wannan karo tsari take da shi na musamman”

” Bugu da ƙari an shigo da Kamfanoni da zasu dau nauyin gasar da hakan zai taka gagarumar rawa , kana a ɓangare ɗaya gasar zata samu gagarumar yayatawa daga wajen kafafen yaɗa labarai” inji Abdulgafar Oladimeji.

Kungiyar Bournemouth ta sayi dan wasan kasar Ghana Semenyo

Daga cikin wasu daga cibiyoyin da za’a gudanar da gasar sun haɗa da , filin wasa na Ahmadu Bello dake Kaduna sai na Zaria , kana na Pantami a jihar Gombe da na Karkanda dake Katsina , haka zalika filin wasa na Giginya dake Sokoto da Kontagora a jihar Niger ciki har da na Lafia a jihar Nassarawa sai na August 04 dake Damaturu a jihar Yobe.

Za’a fara wasan na farko a tsakanin ƙungiyar ƙwallon ƙafa ta matasa ta Kano Pillars wato Junior Kano Pillars , da abokiyar karawar ta ta Kwankwasiyya FC, tsohuwar tawagar Samba Kurna.

Manyan Labarai

Gwamnatin Kano ta nemi ƴan sanda su fitar da Aminu Ado Bayero daga gidan sarki na Nassarawa

Published

on

Gwamnan Kano Injiniya Abba Kabir Yusuf, ya nemi ƴan sanda su fitar da Sarkin Kano na 15 Alhaji Aminu Ado Bayero, daga cikin gidan Sarki na Nassarawa, daga yanzu zuwa kowanne lokaci.

Kwamishinan Shari’a na jihar Kano Barista Haruna Isah Dederi, ne ya bayyana hakan yayin wani taron manema labarai da yake gudanarwa yanzu haka a gidan gwamnatin jihar Kano, kamar yadda Dala FM ta rawaito.

Wannan dai na zuwa ne biyo bayan hukuncin da babbar kotun tarayya dake Gyaɗi-gyaɗi a Kano, ta yanke a yau, inda ta soke naɗin da gwamnatin Kano ta yiwa Muhammadu Sunusi na biyu, a matsayin sarkin Kano, amma ta ce dokar da majalisar dokokin jihar ta yiwa kwaskwarima na zata ce komai akai ba, kasancewar bata da hurumi akai.

Aminu Babba Ɗan Agundi ne dai ya yi ƙarar gwamnatin jihar Kano, da majalisar dokokin jihar yana ƙalubalantar rushe masarautun da tayi, lamarin da ya ce an tauye masa haƙƙi.

Continue Reading

Manyan Labarai

Kotu tayi hukunci akan masarautar Kano

Published

on

Babbar kotun tarayya mai zaman ta a Gyadi-gyadi da ke jihar Kano, ta bayyana matsayarta akan a karar da Aminu Babba Ɗan Agundi ya shigar

gabanta akan batun rushe dokar masarautu ta shekarar 2019.

Tun da garko mai kara Aminu Babba Dan Agundi ya yi karar gwamnatin jihar Kano, da majalisar dokokin jihar Kano, inda ya bayyanawa kotun cewar rushe dokar da majalisa ta yi an tauye masa hakkin sa.

Sai dai lauyoyin waɗanda akayi karar sun bayyana wa kotun cewar Aminu Babba Dan Agundi, bashi da wani hakki da majalisar ta tauye masa, sun kuma bayyanawa kotun cewar bata da hurumin sauraron shari’ar masarautu dan haka suka roki kotun da ta yi watsi da karar.

Yayin da ya ke bayyana matsayar sa a yau Alhamis, mai shari’a Abdullahi Muhammad Liman, ya ce ya soke nadin da akayi wa Muhammadu Sunusi
na biyu, amma hakan bai shafi dokar da majalisar ta yi wa gyaran fuska ba
domin kotun bata da hurumi a kanta.

Kotun ta kuma ce za ta tsaya iya haka har sai kotun ɗaukakar da gwamnatin jihar Kano ta shigar ta gama nata, duk kuwa da a baya Alƙali Liman ya ce ba zai dakata ba tunda bai samu umarni daga kotun ɗaukaka ƙarar ba.

A yayin zaman shari’ar dai an girke jami’an tsaro a yankin Gyaɗi-gyaɗi da babbar kotun tarayyar take zaune domin samar da tsaro.

Wakilinmu na Kotu Yusif Nadabo Isma’il ya rawaito cewa, mai shari’a Liman ya kuma ayyana cewar umarnin da ya bayar tun da farko na cewar kowa ya tsaya a inda yake yana nan bai janye shi ba.

Continue Reading

Manyan Labarai

Mun kama mutum ɗaya daga cikin Ƴan Dabar da suka kashe kwamandan Bijilante a Ja’en Ƴan Dillalai – Ƴan Sanda

Published

on

Rundunar ƴan sandan jihar Kano ta samu nasarar cafke mutum daya daga cikin ƴan dabar da ake zargin sun kashe kwamandan ƙungiyar Bijilante na unguwar Ja’en Ƴan Dillalai a jihar Kano, mai suna Muhktar Garba, wanda akafi sani da Baballiya.

Kakakin rundunar ƴan sandan SP Abdullahi Haruna Kiyawa, ne ya tabbatarwa gidan rediyon Dala FM Kano, kama matashin, Kiyawa ya ce bayan samun rahoton faruwar faɗan dabar a tsakanin ƴan unguwar Ja’en Maƙera, da kuma wasu ƴan unguwar Ja’en Ƴan Dillalai, ne aka tura jami’an ƴan sanda da suka samar da tsaro a yankin.

“Daga rahotannin da muká samu faɗa ne na ƴan Daba, da ya kaure a tsakanin ƴan unguwar guda biyu a daren ranar Talata, inda ƴan dabar suka rufe kwamandan Bijilanten da sara da makamai har ta kai ga sun yi masa illa bayan an kai shi Asibiti ya rasu, “in ji Kiyawa”.

Ya kuma ce zuwa yanzu akwai wani mutum ɗaya daga cikin ƴan dabar da aka gane shi kuma yana hannun ƴan sanda a babban sashin binciken manyan laifuka ɓangaren kisan kai ana faɗaɗa bincike.

SP Kiyawa, ya ƙara da cewa rahotannin da suka samu daga jami’an su yanzu haka komai ya fara dai-dai ta ƙura ta lafa, inda mutane suke gudanar da al’amuran su na yau da kullum.

A daren jiya ne dai aka zargi wasu ƴan Daba daga unguwar Ja’en Maƙera, sun shiga unguwar Ja’en Ƴan Dillalai, inda suka haifar da faɗan Daban, lamarin da har suka kashe kwamandan Bijilanten na Ƴan Dillalai, wanda tuni akayi jana’izar sa a safiyar Larabar nan.

Continue Reading

Trending