Siyasa
Ina da yakinin nasara a Kotun Ƙoli – Gwamnan Kano
Yayin da yake jawabi gwamnan jihar Kano, Abba Kabir Yusuf, ya bayyana kwarin gwiwarsa kan yadda alkalan kotun koli za su iya tabbatar da adalci kan karar zaben gwamnan jihar da ke gaban kotun kolin.
Bayanin hakan na cikin wani rahoton kamfanin Dillancin Labarai na Ƙasa NAN, wanda yayi nuni da cewa, Yusuf ya bayyana hakan ne a filin wasa na Sani Abacha a jiya Lahadi, yayin bikin kaddamar da rundunar jami’an tsaro 2,500 da makarantar horas da jami’an tsaro za ta horas da su a Kano, domin bada tsaro.
A cewarsa, “Muna da yakinin cewar alkalan kotun koli za su yi mana adalci ga daukaka karar da ke gabansu, don haka mutanen Kano su kwantar da hankalinsu,” in ji Abba Kabir”.
Gwamnan Kano ya kuma bayyana cewa an kafa makarantar horar da jami’an tsaron ne a zamanin gwamnatin Rabi’u Musa Kwankwaso, da nufin horas da matasa kan harkokin tsaro a Kasa.
Yusif ya kuma kara da cewa an zabo wadanda aka horas da su ne daga kananan hukumomi 44 na jihar Kano, kuma za’a dauke su aiki tare da tura su ga ma’aikatun gwamnati daban-daban da zarar sun kammala daukar horo a makarantar.
A cewar sa, wadanda suka ci gajiyar shirin za’a samar musu da ayyukan yi a ma’aikatu na jiha da kuma kananan hukumomi 44.
Jaridar Daliy Nigerian Hausa ta rawaito gwamna Yusuf ya yaba da goyon bayan da mazauna Kano suke ba su, inda ya kuma bukace su da su ci gaba da kasancewa masu bin doka da oda da son zaman lafiya a Kasa.
Ƙungiyar kare haƙƙin ɗan adam ta Amnesty International, ta yi ala-wadai da cin zarafin ‘yan jarida biyu a Kano, wato mawallafin jaridar kano Times, Buhari Abba da kuma Isma’il Auwal.
Cikin sanarwar sa Ƙungiyar ta wallafa a shafin ta na facebook,
ta ce babu shakka abin da rundunar ‘Yansandan jihar Kano ta yi bisa umarnin Kwamishinan yaɗa labaran jihar, Ibrahim Waiya abin takaici ne.
Rundunar ‘Yansandan jihar Kano dai ta gayyaci Buhari Abba zuwa sashin binciken manyan laifuka (CID) ne, harma kuma ta tsare shi na tsawon awanni.
Kuma dai ana tuhumar mutanen biyun ne da zargin ɓata sunan kwamishinan, ta hanyar wani ra’ayi da jaridar ta wallafa wanda Isma’il Auwal ya rubuta.
Kungiyar ta Amnesty ta ce duk ba zata lamunci duk wani yunƙuri na takewa waɗannan ‘Yan jarida haƙƙinsu ba.
A ƙarshe ƙungiyar taja hankalin gwamantin kano da kuma rundunar ‘Yansandan jihar, da su guji yunƙurin daƙile ‘yancin faɗin albarkacin baki.
Gwamnatin jihar Kano ta musanta labarin da ke yawo na cewa za ta saka kafar wando daya da Sojojin Baka.
Kwamishinan yada labaran jihar Kwamred Ibrahim Waiya shi ne ya bayyana hakan lokacin wani taron karawa juna sani da hukumar kula da kafafen yada labarai NBC ta shirya a yau Alhamis.
Yace gwamnatin Kano za ta hada kai da Yan siyasa masu magana a Rediyo da aka fi Sani da Sojojin Baka, domin tsaftace harkokin siyasar Kano.
Haka kuma kwamishinan ya musanta labarin da ke cewa Gwamnatin Kano za ta saka kafar wando daya da Sojojin Baka.
Kwamishina Waiya ya kuma ce za su hada kai da kafafen yada labarai domin Kara kawo tsafta a harkokin siyasar Kano.
Tsohon shugaban majalisar Dattawa Ahmad Lawan, ya musanta wata jita-jita da ake yaɗawa kan cewar ya fice daga cikin jam’iyyar APC mai mulki a ƙasa, zuwa SDP, al’amarin da ya ce bashi da tushe ballantana makama.
A cikin wata sanarwar da mashawarci na musamman ga tsohon Sanatan a kafafen yaɗa labarai Ezrel Tabiowo, ya fitar a jiya Lahadi, ta ce jita-jitar da ake yaɗawa na cewar Ahmad Lawan ya fice daga jam’iyyar ta APC, ƙarya ce tsagwaronta.
Jaridar Daily trust ta ruwaito cewar, sanarwar ta kuma ce, har yanzu Ahmad Lawan ɗan Jam’iyyar APC ne, kuma yana biyayya ga jam’iyyar, wadda yake alfahari da ita.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya3 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su