Connect with us

Manyan Labarai

Likin kudi a wajen Biki ya janyowa ƴar Film dauri a gidan yari.

Published

on

Wata kotu ta yanke wa wata ƴar Film ɗin Najeriya, hukuncin ɗaurin watanni shida a gidan yari, bayan da aka ɗauki hotonta tana liƙa sabbin takardun kuɗin Naira da aka fitar a bara, tare kuma da taka su a cikin mutane.

‘Yar Film din dai mai suna Oluwadarasimi Omoseyin, an kamata ne a watan Fabrairun da ya gabata a Legas, bayan fitar fai-fan bidiyon ta a wurin wani biki da ya bayyana a intanet tana likin kudin.

Majiyar BBC ta rawaito cewa an kuma nuna ƴar fim din tana albazaranci da sabbi kuɗaɗen tana likawa a wajen bikin.

Yayin da aka gurfanar da ita a gaban kotun, da farko, ta ƙi amsa laifin da ake tuhumar ta da shi, amma daga bisani ta amsa laifin da aka tuhume ta da shi.

Hukumar yaƙi da cin hanci da rashawa ta Najeriya EFCC, ta ce an ɗauki bidiyon tauraruwar ne da kuɗi kimanin Naira 100,000 a lokacin da take liƙawa wajen daurin auren abokiyarta, a unguwar Lekki da ke birnin Legas, shekara daya da ta gabata.

A jawabinta ga hukumar, Omoseyin ta ce ta karbi sabbin takardun Naira ɗin ne daga wajen masoyanta a wurin bikin kuma ba ta san wadanda suka ba ta kudin ba ma.

Sai dai kuma a lokacin da ta bayyana a gaban kotu a ranar Alhamis, Omoseyin ta amsa laifinta bayan wasu “shaidu masu ƙarfi” da ake tuhumar ta da su, kamar yadda hukumar EFCC ta bayyana a cikin wata sanarwa da ta wallafa a shafin X.

Manyan Labarai

Zamu yi duk mai yiyuwa wajen samar da ci gaba a Arewacin Kasa – Wazirin Dutse Alhaji Bashir Dalhatu

Published

on

Mai Martaba Sarkin Kano Alhaji Aminu Ado Bayero, ya bukaci kungiyoyin dake rajin kawowa Arewacin kasar nan ci gaba da su hada kansu guri guda, domin kawowa yankin Arewa ci gaba ta kowane bangare domin bunkasa yankin.

Sarkin ya bayyana hakan ne yau Lahadi yayin taron walimar taya Wazirin Dutse Alhaji Bashir Muhammad Dalhatu, murnar nadin da akayi masa na shugaban kwamitin amintattu na kungiyar tuntuba ta Dattawan Arewa wato Arewa Consultative Forum.

Alhaji Aminu Ado Bayero ya kara da cewa bai kamata ace kungiyoyin dake rajin kawowa yankin Arewacin kasar nan ci gaba suna fada da junan su ba, ta hanyar yin sa’insa akan wani maudu’i, domin hakan wata babbar matsala ce ga ci gaban yankin.

Da yake nasa jawabin sabon shugaban kwamitin amintattu na Kungiyar ta Arewa Consultative Forum Wazirin Dutse Alhaji Bashir Muhammad Dalhatu, ya sha alwashin kawowa yankin Arewacin kasar nan ci gaban ta hanyoyi daban-daban.

Alhaji Bashir Dalhatu ya kuma shawarci gwamnatin tarayya da ta dawo da tsohon tsarin nan na sanya masu rike da masarautun gargajiya cikin harkokin samar da tsaro, domin ta haka ne ka dai za’a kawo karshen matsalolin rashin tsaron da yankin Arewacin kasar nan ke fama dashi a halin yanzu.

Wakilinmu Abdulkarim Muhammad Abdulkarim Tukuntawa ya ruwaito cewa, sarakuna daga ko ina a fadin kasar nan da sauran manyan ‘yan kasuwa da masu ruwa da tsaki na gwamnati a matakai daban-daban ne suka halarci taron walimar taya Wazirin Dutse Alhaji Bashir Muhammad Dalhatu sabon nadin da akayi masa, a matsayin sabon shugaban Kwamitin amintattu na Kungiyar Tuntuba ta Dattawan Arewa.

Continue Reading

Ilimi

Za’a daga likafar BMC zuwa Diploma – Gwamnatin Kano

Published

on

Gwamnatin Kano tace nan bada jimawa ba za’a daga likafar makarantar koyon aikin jarida a matakin farko wato BMC ta Goron Dutse zuwa tsarin Diploma.

Mataimakin gwamnan Kano Kwamred Aminu Abdussalam ne ya tabbatar da hakan lokacin da yake jawabi a wurin taron da kungiyar tsaffin daliban makarantar suka shirya.

Kwamred Aminu Abdussalam ya kuma ce nan bada jimawa ba makarantar za’a daga matsayin karatun daga Certificate zuwa Diploma, kamar yadda makarantar ta bukata.

Kazalika yace gwamnatin Kano za ta cigaba da lura da dukkanin kayan koyo da koyarwa har ma da ababen hawa na hukumar ilimin manya ta Kano, wato Agency for mass Education wadda a cikin ta ake karatun na jarida.

Taron dai wanda shi ne karo na farko da gamayyar kungiyar daliban ta shirya tun bayan kafuwar makarantar shekaru 38 da ta gabata, ya samu halartar manyan jami’an gwamnati da suka haɗar da Kwamishinan ilimi na Kano da Kwamishinan yada labarai da kwamishiniyar mata da mai baiwa gqamna shawara kan harkokin yada labarai.

Kazalika taron ya samu halartar Sarkin Kano Alhaji Aminu Ado Bayero da tsaffin malaman makarantar da kuma shugabannin kafafen yada labarai na Kano.

A yayin taron dai shugaban kungiyar taaffin daliban Ismaila Ammai me Zare ya kaddamar da wani tsari na tallafawa makarantar da abin zama mai taken ( ka dawo da kujerar ka ).

Continue Reading

Manyan Labarai

Zamu sa kulle shafin duk dan Tik-Tok da ke yada badala a Kano – Hukumar Hisbah

Published

on

Hukumar Hisbah ta jihar Kano ta ce yanzu haka ta shirya tsaf wajen sanyawa a kulle shafukan duk wasu ‘yan Tik-Tok din da suke yada badala.

Shugaban hukumar Hisbar na Kano Shekih Aminu Ibrahim Daurawa, ne ya bayyana hakan ta cikin shirin Mahangar Zamani, na BBC Hausa.

Daurawa ya ce yanzu haka an zakulo shafuka 70 a Tik-Tok wadanda ake sanyawa idanu akan su, inda duk wanda aka samu da laifin yada badala shafin nasa ka shiga shiga cikin jerin mutanen da za’a kullewa shafin na Tik-Tok.

Wannan dai na zuwa ne bayan da hukumar Hisbar a baya-bayan nan ta yi dirar mikiya akan wasu masu amfani da shafin na Tik-Tok, wanda har ma ta gurfanar da su a gaban Kotu.

Dala FM Kano ta rawaito kamen dai da hukumae ta rinka yi a baya kama daga ‘yan Tik-Tok zuwa kuma cikin Hotal-hotal ya janyo cece-kuce a tsakanin al’umma musamman ma a shafukan sada zumunta.

Kuma daga cikin wadanda hukumar ta gurfanar a kotun akwai ‘yar Tik-Tok din nan Murja Ibrahim Kunya, da Ramlat Princesss, da dai sauransu, wadanda ta gurfanar da su bisa tuhumarsu da laifin yada badala.

Continue Reading

Trending