Connect with us

Labarai

WANI MATASHI YA HAU KAN KOLOLUWAR ERIYAR GIDAN REDIYON KANO

Published

on

Wani matashi mai suna isma’ila bege mazaunin unguwar shagari Quaters  layi na 7, ya hau kololuwar saman karfen eriyar tashar gidan Rediyon kano dake unguwar Tukuntawa,

a karamar hukumar Birni cewa ba zai sauko ba har sai gwamnan zamfara ya sauka daga matsayinsa na shugaban gwamnonin Arewa.

A wata takarda da matashin ya fitar yayin da yake kololuwar saman Eriyar cewa yana bawa yan uwa da abokan arziki, musamman mahaifiyarsa da ‘yayansa da kuma matarsa, dasu yi hakuri kan matakin da ya dauka.

Wakilinmu Tijjani Adamu ya zanta da wasu ganau wanda suka bayyana cewa matshin yace,”ba zai sakko ba har sai Gwamnan jihar Zamfara ya sauka daga mukaminsa”.

Yayin da wakilinmu  Ahmad  Rabi’u Jaen ya rawaito mana cewa jami’an hukumar kashe gobara sun bishi saman karfen Eriyar, kuma sun sami nasarar sakkowa dashi bayan daukar tsawon lokuta ana kokarin shawo kansa wanda tuni jami’an hadin gwiwa na tsaro su ka yi awon gaba dashi domin gudanar da bincike.

Sai dai kafin tafiya dashi dansa na cikinsa ya rungumeshi yana kuka yana kiran sunansa, Abba!Abba!! Abba!!!

 

Labarai

Masu koyarwa a aji su ci gaba da zama a gida – KSSSMB

Published

on

(more…)

Continue Reading

Labarai

Mu godewa Allah a kan jarabawar da ya dora mana – Limamin Madina

Published

on

Limamin masallacin Madina Sheikh Aliyu Abdul Rahman Al Hudaifyi ya yi kira ga al’ummar Musulmi da su rungumi dabi’ar yin hakuri duba da yadda Allah ke jarrabar su da ibtila’i daban-daban.

Sheikh Hudaifyi ya bayyana hakan ne ta cikin hudubar juma’a dake zuwa kai tsaye a tashar Dala wanda Malama Maryam Abubakar take fassara wa.

Ya ce” Kamata al’ummar musulmi su rinka yin godiya ga Ubangiji a dukkanin jarrabawar da Allah ya jarrabe su da ita, duk mutumin da yake hakuri to Allah zai ba shi lada mai yawa”.

Wakilin mu Nasir Khalid Abubakar ya rawaito cewa Sheikh Aliyu na cewa ya kamata mutane su dage da addu’o’in samun sauki a dukkannin al’amuran rayuwa.

Continue Reading

Labarai

Tun da ba zuwa aikin Hajji ku taimakawa masu da’awa – Liman

Published

on

Limamin masallacin Juma’a na Ihya’us Sunnah da ke kofar Nasarawa, Malam Anas Abbas Ibrahim ya ce, Tun da a bana ba a samu damar zuwa aikin Hajji da Umara ba, kamata ya yi masu hali su tallafawa kungioyi da kuma al’ummar da su ke fita wa’azi na musuluntar da wadanda su ke ba musulmai ba.

Malam Anas Abbas Ibrahim ya bayyana hakan ne a hudubar da ya gudanar a Juma’ar nan.

Ya ce, “Manzon Allah (S.W.A) an taba hana shi ya yi aikin Umara, wanda hakan ya jawo a ka yi sulhu  a Hudaibiya, bayan anyi sulhun ya hakura, daga nan shi da Sahabban sa su ka himmatu domin jawo mutane su shigo musulunci, manzon Allah (S.W.A) da kan sa ya rubuta wasiku ya aikawa sarakunan duniya, kamar sarkin Farisa da kuma sarkin Rum”.

Malam Anas ya kara da cewa, “A shekarar da a ka yi sulhun ne kuma wadanda su ka shiga musuluncin sun ninka wadanda su ka shiga gabanin haka”. A cewar Malam Anas Abbas

Wakilin mu Tijjani Adamu ya rawaito cewa, Malam Anas ya kuma ja hankalin samarin da su ke hawa dandalin sada zumunta, su yi kokarin yada abubuwa kyayawa na musulunci tare da kiran mutane zuwa musulunci.

 

Continue Reading

Trending

error: Content is protected !!
en_USEnglish
en_USEnglish