Connect with us

Labarai

Kai tsaye :Ana tsaka da fafatawa tsakanin lauyoyi

Published

on

Tuni kotun daukaka kara dake zamanta a kaduna karkashin alkalai 5 ta zauna domin fara sauraron daukaka karar da Jam iyyar PDP da dan takarar gwamna a karkashin jam’iyyar Abba kabir Yusuf suka shigar.

Inda suke rokon kotun da ta rushe hukuncin da mai Sharia Halima Shamaki tayi, wanda ta ayyana Abdullahi Umar Ganduje a matsayin wanda ya yi nasara a zaben shekarar 2019 sakamakon rashin gamsassun hujoji da masu kara suka gaza gabatarwa kamar yanda kotun ta ayyana.

A zaman kotun da ake yi a daidai wannan lokaci lauyoyin hukumar zabe da suka hadar da J B Dawood da A A Raji da Abdulkarim Maude sunyi suka akan yanda aka shigar da karar.

Barrister Dawood ya bayyanawa kotun cewar suna suka akan dalilan daukaka karar.

Hukumar zaben ta bakin lauyoyinta sunyi suka akan dalilai na 1 da 2 na da da na 3 da 8 da 13 da 14 da 15 da 16 da 17da dalili na 18.

Wasu daga cikin ‘yan jam’iyyar PDP kenan a harabar kotun daukaka kara dake Kaduna

Barrister Dawood ya bukaci kotun tayi nazari akan wadannan dalilai ya kuma roki kotun da ta kori daukaka karar sakamakon rashin ingancin dalilan masu daukaka kara

Yayin da yake maida martani lauyan Jam’iyyar PDP Barrister Adebayo Awomolo ya bayyana cewar dalilan daukaka karar suna da inganci.

Magoya bayan jam’iyyar APC a harabar kotun daukaka kara dake Kaduna

Harma ya karanta kunshin wata takarda mai dauke da sadarori 9 ya kuma karanta wata takardar mai kunshe da sadarori 11 wadanda yake bayyana ingancin dalilansu na daukaka karar.

Sai dai lauyan Ganduje Effiong Effiong shima yayi suka akan dalilan daukaka karar inda ya ayyana cewar masu daukaka kara basu da wani dalili na daukaka kara dan haka kotun ta kori daukaka karar.

Labarai

Mai tallan magani ya shiga hannun hukumar Hisba

Published

on

Wasu mutane ne sun kai rahoton wani mai tallan maganin gargajiya a lasifika wato amsakuwa zuwa wurin hukumar Hisba, kan yadda yake fadar zantuka marasa ma’ana, ba tare da yana sakawa bakin nasa linzami ba.

Sai dai idan ya fada a lokacin da matar aure taje wucewa, suka kuma hada ido da matashi ko yaro, ko kuma wani babban mutumin, sai su kau da kai ko a rintse ido.

Mataimakin babban Kwamandan hukumar ta Hisba kan ayyuka na musamman Muhammad Albakari Mika’il, hukumar ta kai sumame, ta kuma samu nasarar kamo shi, ya kuma ce, “Koda mu ka buncika sai ga shi har da wani itace da ya sassaka sura, kuma mun ja hankalinsa akan tallan da ya ke yi dama irin abubuwan da ya ke fada iyayen wasu dama matan aure masu wucewa su na ji, don haka ko zai ya yin irin tallan, a gaban nasa mahaifan?”  Inji Albakari

Hukumar ta sake buncikawa, ta gano cewar, ashe ma bashi da aure, bai kuma taba yi ba, don haka aka ce to ya akai ya san rayuwar ma’auratan har ma yake tallan magani a kanta, wanda ya ce, “A wurin iyayen gidansa ya koyi sana’ar tallan maganin ya san irin sirrukan dake cikin zamantakewar auren.”  A cewar Tallan magani.

 

 

Continue Reading

Labarai

Masu kungiyoyin sa kai su guji shiga siyasa- Khalil Gabasawa

Published

on

Shu gaban majalisar matasa dake jihar Kano, Khalil Yusif Gabasawa, ya yi kira ga ‘yan kungiyoyin sa kai, su kara kaimi wajen tallafawa al’umma ba tare da gajiyawa ba, domin rayuwarsu ta zama abar koyi.

Khalil Yusif, ya furta hakan ne a yayin da Gidauniyar Saye Vocational Center, ta gudanar da taron yaye matasa kimamin Saba’in Maza da Mata da Gidauniyar ta koyawa sana’o’in dogaro da kai, wanda ya gudana a unguwar Saye a yankin karamar hukumar Nasarawa dake jihar Kano.

Ya kuma kara da cewa, “Tallafawa al’ummar da ‘yan kungiyoyin zai sanya al’ummar ta kai gagaci, kuma ‘yan kungiyoyin su guji sanya kansu cikin jami’iyyun siyasa.” Inji Gabasawa.

Da ya ke nasa jawabin, shugaban Gidauniyar, Yusha’u Abdu Ahmad Saye, jan hankalin gwamnati ya yi wajen tallafawa Kungiyoyin sa kai domin gudanar da ayyukan su ba tare da fuskantar matsala ba.
Wakilin mu Hassan Mamuda Ya’u, ya rawaito cewa, Matasan an koyar dasu sana’o’in dogaro da kai, wadanda su ka hadar da sana’ar dinki, da sana’a rhada jakunkuna, da kuma kayan kwalliya.

Continue Reading

Labarai

Marubuta su bunkasa harshen Hausa -Ibrahim Khalil

Published

on

Shugaban majalisar malamai ta Jihar Kano, Malam Ibrahim Kalil, ya bukaci Kungiyoyin marubuta da manazarta wakokin Hausa, su mayarda hankali wajen bunkasa al’adun Hausa.

Malam Ibrahim Kalil, ya bayyana hakan ne a yayin ziyarar da Kungiyar marubuta da manazarta suka kai masa a ofishin majalisar malaman dake kan Titin Court Road a jihar Kano.

Ya kuma ce,“Majalisar malamai ta Jihar Kano na mara ba da kowanne bangaren al’umma, domin ganin an inganta al’adun Bahaushe da suke tafiya tare da addini.” A cewar Ibrahim Khalil.

A nasa jawabin, shugaban kungiyar marubuta da manazarta wakokin Hausa na jihar Kano, Ibrahim Hamisu, ya ce, “Makasudin ziyarar shi ne kyautata alaka tsakanin kungiyar da majalisar Malan ta Jihar Kano.”  Inji Ibrahim.

Wakilin mu Abba Isah Muhammad, ya rawaito cewa, kungiyar ta kuma ja hankalin marubuta wajen yin rubutu kan hanyoyin da za su kawo cigaban ingantuwar al’adar Hausawa da tarbiya tsakanin yara masutasowa.

Continue Reading

Trending

error: Content is protected !!
en_USEnglish
en_USEnglish